مبارك: عاوز أعرف ليه الكهرباء بتقطع مع إن عندنا إنتاج كبير من الكهرباء؟

**smart girl** · 08-18-2010, 01:18 PM

موضوع تمام

ياكريم بس على فكرة الناس كلها فاهمة الحورات دى بتتعمل لية يعنى فى مظاهرة فالمكان الفلانى ...ااقطع النور يابنى ...فى انتقام من الناس ...ااقطع النور
والجزء بتاع يخفضوا النور فالشوارع عشان يقللوا استهلاك الكهربا حاسة ان فاضل شوية ويقولوا :: انتوا بتشربوا مية كتير اوى هنقلل المية عشان الاستهلاك ..والاوكسجين مبقاش منتظم استتنشاقة هنحدد لكل فرد كمية معينة
بجد لاحو ولا قوة الا بالله العلى العظيم

**KAREEM** · 08-18-2010, 03:38 PM

المشاركة الأصلية كتبت بواسطة smart girl

موضوع تمام

ياكريم بس على فكرة الناس كلها فاهمة الحورات دى بتتعمل لية يعنى فى مظاهرة فالمكان الفلانى ...ااقطع النور يابنى ...فى انتقام من الناس ...ااقطع النور

والجزء بتاع يخفضوا النور فالشوارع عشان يقللوا استهلاك الكهربا حاسة ان فاضل شوية ويقولوا :: انتوا بتشربوا مية كتير اوى هنقلل المية عشان الاستهلاك ..والاوكسجين مبقاش منتظم استتنشاقة هنحدد لكل فرد كمية معينة
بجد لاحو ولا قوة الا بالله العلى العظيم

ههههههههههههههههههههههههههههههههههه
بتفكرينى بوالدتى لما النور يقطع بتحسسنى ان قطع النور دا
بفعل فاعل مثلا يكون مش عايزنا نتفرج ع المسلسل
او قاصد يقطع النور عشان الجامع مثلا ميصلوش العشا
هههههههههههههههههههههههههههههههههههههههههههه
انا شايف انها مش كدا خالص وفطع النور دا مش بايد فرد معين
بل هو ضغط فعلا ع المولدات ومحطات اكهربا وكمان ساعات كتير
لان البنزين بيخصل او البترول اللى بيشغل الحمطات دى بيخصل
هى دى اسباب قطع النور فهى اسباب خارجة عن ايد فرد
بس هى فيها اهمال وعدم مسئولية وتأخير منهم فى الصيانة والكلام دا

شكرا يا سمارت لمرورك نروتى التوبيك

**Ma7amed Adel** · 08-18-2010, 05:58 PM

اه والنبى اخوى كريم قولهم دى بيجوا على المغرب ويقطعوهوتفطر فى طلمه ويجبوه بعديها ب3 ساعات

**ALY ELSAYED** · 08-18-2010, 11:12 PM

الله ينور يا كيمو

فعلا مشكله الكهرباء اليومين دول بقت بشكل يومي في القاهره

كل يوم النور يقطع في القاهره بعد الفطار لمده ساعه

مش عارفين المشكله دي من ايه وياتري حتستمر علي طول

ولا ايه الحكايه بالظبط

**KAREEM** · 08-18-2010, 11:46 PM

المشاركة الأصلية كتبت بواسطة Ma7amed Adel

اه والنبى اخوى كريم قولهم دى بيجوا على المغرب ويقطعوهوتفطر فى طلمه ويجبوه بعديها ب3 ساعات

المشاركة الأصلية كتبت بواسطة ALY ELSAYED

الله ينور يا كيمو

فعلا مشكله الكهرباء اليومين دول بقت بشكل يومي في القاهره

كل يوم النور يقطع في القاهره بعد الفطار لمده ساعه

مش عارفين المشكله دي من ايه وياتري حتستمر علي طول

ولا ايه الحكايه بالظبط

عقد الرئيس حسني مبارك صباح اليوم (الأربعاء) اجتماعاً وزارياً مصغراً بمقرّ رئاسة الجمهورية بمصر الجديدة، حضره رئيس مجلس الوزراء د. أحمد نظيف، ووزير الكهرباء د. حسن يونس، ووزير البترول المهندس سامح فهمي، ورئيس ديوان رئيس الجمهورية د. زكريا عزمي؛ حسب ما أفادت وكالة أنباء الشرق الأوسط.

كان "محمد عوض"، رئيس الشركة القابضة للكهرباء، قد كشف أن السبب الحقيقي وراء انقطاعات الكهرباء يعود إلى نقص كميات الغاز الطبيعي المورَّد من وزارة البترول إلى محطات توليد الكهرباء، ويُذكر أن جميع محافظات الجمهورية تشهد انقطاعاً متكرراً للكهرباء على مدار الأسابيع القليلة الماضية وحتى الآن؛ فيما دعت وزارة الكهرباء المواطنين لترشيد استهلاك الكهرباء؛ وفقاً للشروق.

جدير بالذكر أن وزارة الكهرباء أعلنت في بداية شهر رمضان أنها لم تلجأ إلى سياسة تخفيف الأحمال نتيجة لخصوصية الشهر الكريم؛ مشيرة إلى أن أي انقطاعات تحدث في أي منطقة بسبب عطل ما، فإن الأجهزة المختصة تسارع في إصلاحه.

وعلل رئيس الشركة القابضة للكهرباء انقطاعات الكهرباء المتكررة باضطرار الوزارة إلى اللجوء لتخفيف بعض أحمال المشتركين؛ حرصاً على سلامة الشبكة الكهربائية؛ موضحاً أن هذا الإجراء الذي يتمّ لحماية الشبكة متّبع في كافة شركات الكهرباء العالمية؛ بحسب المصري اليوم.

عن مصادر متعددة

الراجل مش ساكت اهو ياجماعة ؟؟؟
عايزين ايه تانى ؟؟ عايزين الراجل يكفر
!!!!!!!

**Abdo Samy** · 08-18-2010, 11:54 PM

ماشى يا كريم

**Ahmed Waheed Shalaby** · 08-19-2010, 12:24 AM

انا عندى الحل لمشكلة قطع التيار الكهربائى
كل بيت يشترى ماكينة توليد كهرباء
دة سعرها مش عالى جدا
وكمان بجد الواحد مابيحسش بيقيمتها لما الكهرباء بتقطع وتشغلها بتلاقى بيتك بس هو اللى منور فى وسط الظلام
وربنا يخللى لينا الشعب الصينى الى بيبعتلنا ماكينات التوليد دى

**KAREEM** · 08-19-2010, 02:19 AM

المشاركة الأصلية كتبت بواسطة Ahmed Waheed Shalaby

انا عندى الحل لمشكلة قطع التيار الكهربائى

كل بيت يشترى ماكينة توليد كهرباء
دة سعرها مش عالى جدا
وكمان بجد الواحد مابيحسش بيقيمتها لما الكهرباء بتقطع وتشغلها بتلاقى بيتك بس هو اللى منور فى وسط الظلام
وربنا يخللى لينا الشعب الصينى الى بيبعتلنا ماكينات التوليد دى

فكرة هايلة يا ابوحمييييييييد
بكام بقى دى وبتتباع فيييين
؟؟؟؟؟

احسن شكل الحكاية دى حتطووول
وكل الايام والسنين اللى جاية حتبقى كدا
طول ما ............. حذفت من ادارة المنتدى
على رأى اخويا اسلام ممدوح

**smart girl** · 08-19-2010, 12:31 PM

انا شايف انها مش كدا خالص وفطع النور دا مش بايد فرد معين
بل هو ضغط فعلا ع المولدات ومحطات اكهربا وكمان ساعات كتير
لان البنزين بيخصل او البترول اللى بيشغل الحمطات دى بيخصل
هى دى اسباب قطع النور فهى اسباب خارجة عن ايد فرد

هههههه اكيد انا فاهمة ان قطع النور فبيت اى حد مش هيكون اوامر من شخص مسلا الا بقة فحالة الفاتورة ... انا بكلم ياكريم علىالحالات الجماعية يعنى من فترة قصيرة النور كان مقطوع على معظم مناطق اسكندرية سموحة والعامرية ومحطة مصر ومحرم بك وسيدى جابر مش عارفة كان فين تانى بس كلهم فنفس الوقت كان بليل حوالى الساعة 8 قبل رمضان انا حاسيت انها كانت مقصودة ومتقنعنيش ان الحالات الجماعية (كذا منطقة فنفس الوقت ) كلهااااااا مش متعمدة وعلى فكرة حتى السبب اللى بتقول علية ضغط على المولدات فدة بردة مسئولية فرد وهو وزير الكهربا والرئيس لما حب يتناقش فالموضوع تحدث مع وزير الكهربا لان زى ماتقال كدة احنا عندنا انتاج كبير فزاى انقطاع النور يكون بصورة مستمرة ؟؟ وحتى لو فى عندنا نقص ففى مسؤل وظيفتة تقديم حلول واقتراحات واكيد مش بقطع النور

دايما بتفدنا بالجديد