حالو يا حالو ،، وحوى يا وحوى <<< حد عارف يعنى ايه ؟؟؟؟ خش وانت تعرف

**KAREEM** · 08-19-2010, 03:22 PM

وحوى يا وحوى
ايوووووحة

حالو يا حالو
رمضان كريم يا حااالو

الكلمتين اللى بنقولهم من صغرنا وبنسمعهم حتى الان كل رمضان من خلال الاغانى وعلى لسان الاطفال فى الشوارع بالفوانيس
لذلك اول ما قريت الخبر دا لقيت فى معلومات جامدة جدااا عن الكلمتين دول وبيوصح معناهم فحبيت انقلهالكم كشىء من الثقافة

اليكم الخبر .....

[gdwl] [/gdwl][gdwl][/gdwl][gdwl][/gdwl]
[gdwl]

رجل دين مسيحي: "وحوي يا وحوي" كلمات قبطية

قال القمص "صليب متى ساويرس" -عضو المجلس الملي- في لقاء ببرنامج "مصر النهارده" أمس الأول (الثلاثاء)
إن الكلمات الرمضانية التي يرددها المصريون مثل: "وحوي يا وحوي" و"حالو يا حالو" هي كلمات قبطية.

وأوضح أن معنى كلمة "وحوي" اقتربوا،
ومعنى كلمة "إيوحا" الهلال..
أي أن معنى الجملة "اقتربوا لرؤية الهلال"،
أما معنى كلمة "حالو يا حالو" أي "يا شيخ افرح"،

مضيفاً أن الصيام فريضة مشتركة بين المسلمين والأقباط، كفريضتَي الصلاة والصدقة.

وأكّد القمص "ساويرس" أن كثيراً من المسلمين يصومون صوم "العذراء" التي ذُكِرت في القرآن الكريم مرات عديدة ولها سورة تحمل اسم "مريم"، كما اعترض القمص على تسمية موائد "الوحدة الوطنية" بهذا الاسم، مقترحاً أن يطلق عليها اسم موائد "العيش والملح".

وفي سياق متصل قال الكاتب هاني لبيب إن شهر رمضان لا يشهد أي صورة من صور التوتر الطائفي في مصر، ولم يتم رصد أي حادث منها، مضيفاً أن هذا له دلالة اجتماعية؛ لأن الصيام فريضة مشتركة وفكرة مقدّسة لوجود صبغة خاصة لرمضان، وأضاف أن المسحراتي كان يُنادي على الأقباط وكان يُنادي على اسمه واسم أخته.

عن موقع أخبار مصر

[/gdwl]

يا ريت كل اللى يرد بقى
يخش بالفانوس ويقول وحوى يا وحوى
لاوووووول مرة وهو فاهم معناها

**Abdo Samy** · 08-19-2010, 03:35 PM

ههههه بقالكم عشرين سنة بتقولوها ومش عارفين معناها

**white heart** · 08-19-2010, 09:36 PM

يااااااااااااااااااااااه بجد يا كريم اول مره اعرف المعلومه دى
شكرا ليك اوى

وحوى يا وحوى ايووووووحا
رمضان كريم عليكم

**KAREEM** · 08-20-2010, 12:12 AM

المشاركة الأصلية كتبت بواسطة Abdo Samy

ههههه بقالكم عشرين سنة بتقولوها ومش عارفين معناها

قال يعنى انت اللى كنت عارف

نورت يا عبود

**KAREEM** · 08-20-2010, 12:40 AM

المشاركة الأصلية كتبت بواسطة white heart

يااااااااااااااااااااااه بجد يا كريم اول مره اعرف المعلومه دى

شكرا ليك اوى

وحوى يا وحوى ايووووووحا

رمضان كريم عليكم

الله اكرم
منوووورة يا زينب
ويارب نشوف مشاركاتك باستمرار
ومتغطسيش كتير وتقبى كدا
خليكى معانا ع الخط

**Abdo Samy** · 08-20-2010, 12:54 AM

المشاركة الأصلية كتبت بواسطة kareem

قال يعنى انت اللى كنت عارف ماشى

نورت يا عبود

عندك حق يا كيمو

**mohamed ali** · 08-20-2010, 04:49 AM

اول مره اعرف المعلومة دى

حلو ياحلو ياكرررررررررررررررريم

**KAREEM** · 08-20-2010, 01:27 PM

شوفتو حتى مشرف القسم الثقافى
مكنش متثقف بالمعلومة الخطيرة دى

سيبك انت يا على المهم كنت بتاخد الحلولى من الحاج ولا لأ ؟
انا كنت باخر مصروفى بعد الفطار مخصوص عشان اخده
على اساس انه حلولى عشان ع الاقل احس بقيمة الفانوس
منووووور يا لوووووول