الحل انى سافر واكون مستقبلى

[FREE_MAN]

اولا انا بهنيك جداااا على الموضوع ده يا باشا .. لان جه على نقطه بالنسبالى مهمه جداااا لان ده تفكيرى اصلا من سنه تقريبا ومكنش مجرد سفر بس لاى بلد عربيه مثلا .. لا كان هجره وفعلا مشيت فى اجرائتها من دلوقتى بحيث اول مخلص كل اللى ورايا اطلع علطووووووووول

وهجاوبك على كام النقطه دى طبعا من وجهه نظرى انا ومن اللى اعرفه ....

1- هل انت شايف ان الكلام اللى فات ده صح

اكيد صح جدااااااااااااااااااا

2- زاى فى ناس بتقول ان البلد مفهاش شغل وفى نفس الوقت فى مشروعات جديده فى كل مكان بتتعمل

فيه شغل كتير بس المشكله ان الواحد بيدور على الحاجات اللى تنسبه واى حد بيحلم طبعا بمرتب كبير ووظيفه محترمه ومش بيرضى باى شغلانه والسلام

3- هل اصبحت مصر دوله طارده للقوه العامله بيها

مش للقوى العامله بس طارده لكل حاجه

4- ايه السبب اللى يخلى الشباب فى مصر تسيب البلد ويروحوا يعملوا فى وظائف دنيئه ومعامله غير ادميه فى بعض لاحيان فى لدول لعربيه والاجنبيه

السؤال ده هجاوبك عليه من وجهه نظرى الخاصه
اولا انا معارض ان الشغل مش عيب !!!
مستغرب صح؟؟
لا هاقولك على حاجه اللى اقصدها .. اولا فكره وثقافه المجتمع المصرى بيعتمد بشكل كبير على نظام الطبقات ومن الاخر ( المنظره ) والالقاب ... مش هيرضاها هنا وانا معاك فى ده فبيقول اشتغل فى اى بلد اروبيه ان شاء الله حتى اغسل طباق بس خلى بالك هناك مفيش اصلا نظام طبقات والانسان الناجح هو اللى ناجح فى شغله وبس مش بيشتغل ايه

وعلى فكره انا شايف ان دى اسوا حاجه فى مصر هنا ودى سبب التاخر عموما

5- هل ترى ان العماله المصريه مطلوبه ولا غير مطلوبه

مش متاكد الصراحه بس اعتقد انها مطلوبه

6 - ايه لسبب للى ممكن يخليك شخصيا تفكر فى السفر

ياةةةةة اسباب كتير عايزه موضوع لوحدها
بس هحاول اختصرها بس هيبقى اختصار ممل
1- زهق من نظام البلد ونظام العيشه فيها اصلا
( على فكره من اول الاسباب اللى خلتنى اسيب هندسه نظام الكليه والتعليم ) المهم ماعلينا يعنى تقدر تقول ان نظام البلد فاشل فى كل حاجه ومن يوم اسوا لاسوا
شويه اسباب سياسيه لا داعى للكلام عنها دلوقتى

اهم حاجه كمان ان لو ليك هنا حلم او نفسك تعمل حاجه بجد البلد دى هتقضى عليه قبل متفكر فيه اصلا
وانا احلامى كبيره جدا وصعبه جدا وانا دايما مؤمن ان الحلم لازم يكون كبير جدا وصعب جدا وببساطه فى مصر هنا هيتقضى عليه

يعنى انا قلت باختصار ممل بس علشان الكلام فى النقطه دى هيطول اوىىىىىىىىىى

7 - ايه السبب اللى يخلى الدول لعربيه تعتمد على العماله لاسيويه على حساب العماله المصريه

على حسب معرفتى لان العماله الاسيويه ارخص وبيشتغلوا اكتر وده اللى قالى عليه اخويا الصيدلى فى السعوديه

8- لو انت وزير القوى العامله تفتكر ممكن تعمل ايه لحل المشكله دى

والله البلد دى ببساطه .. مفيش فايده

9- شايف ان مهنه المساحه مستقبلها فى مصر افضل ولا خارج مصر

يمكن لانى لسه فى الكليه ومش احتكيت بسوق العمل اوى بس اعتقد ان اى مهنه فى اى مجال بره مصر اكيد افضل من جوا

10-ايه اللى يخلى الشباب تفكر بالهجره غير الشريعيه حتى لو كنت احتمال الفشل بيكن لمووت

ده ممكن تكون اجابتها فى اجاباتى على كل النقاط اللى فاتت

بجد انا بحييك اوى على فكره الموضوع ده وعجبنى اوى وكان نفسى اتكلم فيه اكتر بس قلت كفايه لاحسن تقولوا عليا رغاى هههههههههههه

بجد تسلم ياباشا