حقيقة لا تراجع عنها ابدا

[your mind]

سورى انا معترض على الموضوع احنا مسمانا العملى اخصائى مساحه لكن فى الحقل لما المهندس يحتاج للمساحه او الجهاز بمعنى ادق بيقول هاتولى المساح وليس هاتولى الاخصائى هى دى الحقيقه وللاسف لقب مساح يكفى لاى حد معهد فنى صناعى انه يحصل عليه .......


على العموم انا بس هدفى ان الكل يعرف اننا مش مهندسين وياريت ماحدش يتمسك باللقب ده اوى لانه مش من لقبنا واعتقد ان كلمه اخصائى مساحه ده لقب محترم جدا ويستحق الدفاع عنه ومش عيب لما حد يقول يا استاذ فلان ما المحامى استاذ والمحاسب استاذ والمدرس استاذ هل دول بيدوروا على لقب مهندس فى المحاماه ولا المحاسبه لا لانهم بيحترموا وضعهم وعارفين قيمته واحنا الموقع كله مايمشيش من غيرنا ايه رايكم بقى ؟؟؟

ويمكن ده سبب انهم ليهم مسمى ومعترف بيهم وعايز اقول حاجه تانيه ما السباك بيتقاله ياباش مهندس وبيفرح بيها اوى هل هانفرح بلقب مهندس زى السباكين وكاننا معناش مؤهل عالى على الاقل السباك ما بيتقالوش يا استاذ سباك ولو اتقالتله هايفرح بيها برضو ......

حاجه كمان خريج هندسه شبرا مهندس مدنى تخصص مساحه وليس مهندس مساحه يعنى مافيش حاجه اسمها مهندس مساحه ده مجرد اختصار تسهيل فقط ولقب اخصائى مساحه ده بتاعنا احنا وبس ياريت يكون كل هدفنا اننا نفخر بلقبنا وبعملنا وبمؤهلنا اللى وضعه الحالى لا يسر عدو ولا حبيب لغايه لما يبقاله وضعه ومكانته


وبالمناسبه هاحكيلكم حاجه حصلتلى فعليا فى الموقع وبعد لما سلمت خط مواسير كامل بدون اخطاء وكان المقاول بيشكرنى وبيقولى الله ينور ياباش مهندس والمهندس المدنى افتكر ان المقاول بيقوله هو ولما لقاه بيكلمنى قاله هو مين المهندس انا ولا هو المقاول قاله ياباشا انت الخير والبركه ومن غيرك مافيش شغل يتعمل و........و........

انا طبعا الموقف ضايقنى رحت قايل للمقاول بالنص كده

يا محمود انت لو جيبت سباك فى البيت وقلتله ياباشمهندس هايفرح بيها ولما تيجى تقولهالى بهدف انك تفرحنى بالكلمه دى يبقى انت بتشبهنى بيه مع انى انا مؤهل ومكانتى العلميه زى اى مهندس قلتله لو عايز تشكرنى بجد قولى شكرا يا ...........(اسمى) من غير اى مسميات ولو عايز تدينى لقب قوللى يا استاذ وانا مش بدور على لقب زى ناس تانيه ومن ساعتها المهندس معرفش يتكلم وبقى كل كلامه معايا يا استاذ .............. وانا اقول ياهندسه ولما ينادينى باسمى اناديه باسمه لانه كان اكبر منى ب3 سنين فقط طبعا لو كان اكبر منى بكتير ونادانى باسمى اكيد هقوله ياباش مهندس برضو


هو ده الصح وهو ده اللى المفروض نتمسك بيه لغايه لما نقابتنا تتعمل بامر الله



شكرا