انا هغير الواقع

[smart girl]

زهقان ؟؟ ... زهقانة ؟؟؟ .. حاسس ( حاسة ) أنك مبتسفديش اى حاجة فأى حاجة ..؟




كل حاجة حوليك (حوليكى )مدايقاك (مدايقاكى ) ... شايف انك مش انت ...؟




حببتك مش حببتك ؟؟ صاحبك مش صاحبك ؟؟ يومك زى ماهو ممل ؟؟؟

منتدانا يتحدى الملل


ا ل م ل ل


قول أنا هغير الواقع


نفسك فأية ؟ سافر اى مكان على منتدانا
.... خليك مليونير معاك فلوس كتير ... اعملي شوبنج واشترى اللى انتى عايزاة ..


غيرى حبيبك بدلى بواحد بمواصفاتك انتى ؟؟

غير حببتك خليها هيفاء وهبى مسلا .......اشترى فلة كبيرة وخليك انت صاحبها ... ارمى كل احزاناك ؟؟ غني .... خليك صاحب شركة كبيرة وبزنس مان ... ابنى جامع .... خليك اهم مهندس فالعالم كلة واشطرهم
احلم ... هى حياة هتعشها مرة واحدة متعشهاش فى ملل ... مش يمكن يكون دلوقتى على المنتدى وبكرة يكون فالواقع ....
اعمل اللى انت عايزة.....(فى حدود دينك ).. المهم تقتنع ان
فأيدك انك تغير الواقع
.

.
.
.
.
.

انا هبدأ بنفسى
أناهغير الواقع


انا حاليا نفسى اروح مكان فى بحر غير اسكندرية (شرم الشيخ )

يارب الفكرة تكون عجبتكوا واتمنى تشاركوا وكل واحد يقولنا ازاى هيغير الواقع ...؟

[الورده البيضاء]

لو اقولك ان الفكرة حلوة
او الموضوع حلو
ابقى ظالمة
انا اسفة ياسمارت
الفكرة مش حلوووووووووووووووة
.

.
.
.
.
.
.
.
.
.
.
.
.
.
.
.
.
.
.
.
.
.
.
.
.

الفكرة اكبر بكتيييييييييييييييييير من انى اقول عليها حلوة
دى روووووووووووووووووووووووووووووووعة
وانا معاكى
وتبقى اجمل لو الواحد يقدر يشارك فيها اكتر من مرة
يعنى كل مايلاقى نفسة فحاجة يقوم داخل كاتبها فى التوبيك

[mohamed ortega]

الموضوع حلو اوي بس خايف من حاجة وهي اننا لو حلمنا حلم بعيد وصعب او حلم بعيد عن قدراتنا هندخل ف قصة احلام اليقظة وانا ضد احلام اليقظة البعيدة او الصعب تحقيقها لان انا بعاني من احلام اليقظة دي وكل حاجة نفسي فيها بشوفها وبحققها بس ف الاحلام مش علي الواقع وجميل ان حلمك بسيط او مش بعيد وبيبدا بخطوة مش بسفر وهو انك تشوفي البحر وياريت يعني معني كلامي وصل وهو اننا نحلم علي قدر امكانياتنا المادية والفكرية وشكرا للموضوع الجميل ده

[eslam mamdouh]

موضوع جميل جدا

انا شايف ان الدنيا دى مفهاش مكان للمستحيل فى مكان للاصرار والعزيمه وانى لازم اعمل الى عليا واكتر عشان اوصل للهدف اللى انا عاوزه

بس فى فرق بين انى اقول

اه لو عرفت اعمل كزا ونفسى اعمل كزا وماخدش اى خطوه تقربنى لهدفى

وفى فرق بين نى اخطط لهدفى واتكتكله وانى عمرى ما هياس من اى موقف اطحتييت فيه ابدا

لا انا اقوى انا اقوى انا لازم اوصل

عشان دى حياتى وهو ده انا

فى انسان بيفشل لانه قدام اول محوله فاشله بيتراجع

وفى نسان عنده عزيمه واصرار وعارف ان لفشل هو اول خطوه من خطوات النجاح


وعمر ما الانسان ما يحس بمتعه لنجاح غير لو تعرض للفشل

مش لازم اقدر اغير الواقع ممكن اعيد ترتيب افكارى وحياتى على اساس لواقع الجديد اللى انا عايشه

لحد م اقدر اعمل حاجه فضل

معلش انا طولت عليكم


لكن بجد الموضوع ده عجبنى جدا

شكرا جدا ليكى

وجزاكى الله كل خير

[mohamed ali]

موضوع جميل جدا وفكررررررررررررة رررروعه

وكثير منا مصاب بالملل انا حغير الواقع بتاعى واسافر لندن وررراجع

فكره تطلعنا من الهم اللى احنا فيييييييييييييييييييه

[mostafa hassan]

موضوع جميل جدا يا سمارت
فعلا كتير منا مصابين بحاجة اسمها الملل
لازم نغير الواقع
بس ازاي
السفر هو الحل
ممكن
اجرب
انا هسافر لندن مع محمد علي

[smart girl]

شكرا على مروركم وتفاعلكم مع الفكرة وكل ارائكم تحترم وتقدر ...ربنا يحقق لنا كل احلامنا

[حنين الحياة]

تغير الواقع هو حلم وامل يعيش عليه الانسان الي بيفكر لقدام عشان لو الواحد استسلم لما هو فيه ووقف في مكانه يبقي الدنيا وقفت وانتهت خلاص والمفروض ان الواحد يستمر في حلمه حتي يحققه او حتي يحقق جزء بسيط منه فالحلم رساله الانسان الي بيسعي انه يوصلها للجميع وفي نفس الوقت لازم يكون الحلم مناسب لقدرات الانسان....بجد موضوعك حلو جدا يا سمارت واستمرررررررررري

[blue_sky]

أنا بئى هسافر مكان نفسي أروحه من زمان
فيه حدائق كتييييير وأنهــــــــــــــــــــار خمر وأنهار ولبن
وطلباتي كلها مجابة من قبل ما أطلبها مجرد ما أفكر فيها ألاقيها قدامي وأبعد عن الناس كلها و يبئى معايا الناس اللي أنا بحبها وبس
وأبئى تحت عرش الرحمن وأنظر إلى وجهه الكريم

على فكرة الجو هناك حلو أوي حد عايز يجي معايا؟