الى من يهمه الامر

[ذات الحلم الطائر]

بجد متشكره ليكم كلكم انا فعلا مش عرفه استقر على موضوع لرسالتي
لكن هحاول اعمل الخطوت الي قالي عليها البشمهندس اسلام
واوعدكم احكيلكم على كل الخطوات الي حصلت معاييه
عشان لو حد حابب يعرف اي حاجه بخصوص الدراسات العليا
واكيد هاخد رايكم في حاجات كتير
وياجماعه بلاش موضوع حضرتك دي شيفاها كترت اوي
احنا زمايل عمتا انا اسمي اسماء

وبجد سعيده بوجودي معاكم ومتشكره جدا على كل المعلومات دي
وارجو انكم متزهقوش من اسالتي لانها هتكون كتيره
وكل سنه وانتم طيبين

[نهي محمود]

وانتي باتم صحة وسعادة يااسماء ربنا يرسيكي علي بر ويرسيني انا كمان انا عارفة انة اصعب حاجة اختيار موضوع الرسالة مش البحث او التخصص فيها لان دايما الواحد بيحب يعمل المختلف والمفيد والجذاب حتي من الناحية العلمية فبيكون اختيار الموضوع بناء عن حاجات كتير في دماغة ومن هنا بتيجي الحيرة وكمان بيحاول يشوف مشكلة حولية اما الوسط المحيط بية او بلدة عامتا ويوصل فيها لحلول اما بالنسبة لموضوع تختاري طبيعي ولا بشري دي حسب ميولك وحبك لموادة وانتي عايزة اية فيها وطالما اختارتي مناخ يبقي دا الي انتي بتحبية وجميل انك تدرسي شيء حباة كدا هتتقدمي فية وهتنتجي جديد بس حاسبي اوي في اختيار الموضوع وتاني وكلمتك كدا لاني في نفس الحيرة والله معاكي وحاسة قوي الي بتقولية وربنا يكرمك يارب ويكرمني معاي وكل امة محمد اجمعين اللهم انفعنا وارفعنا وزدنا من علمك ياكريم

[ذات الحلم الطائر]

احمدك واشكر فضلك يارب لقيت حد معايه واضح يانهى انك بتعاني من نفس مشكلتي
طيب ياريت بقه نشارك بعض الاراء وقوليلي انتي بتفكري في ايه يمكن نقدر نوصل لقرار سوى
اتمنى اننا نتعاون سوى يانهى لو مكنش عندك مانع يمكن نقدر نوصل لقرار ها ايه رايك
وربنا معانا يارب

[نهي محمود]

ههههههههههههههههههه اكيد طبعا هو انا اقدر اقول لا طيب يارب تكون الرسالة وصلت لانة للاسف الشديد المنتدي هيغلق العشر ايام الي جاين ويرجع علي خير يارب والله المستعان ياسماء قولي يارب

[ذات الحلم الطائر]

لا الحمد لله وصلت يانهى ربنا كريم
وانا ضيفتك عندي وانشالله نعمل احلى شغل سوى
بجد اول حاجه تحصل تخليني اتفائل

[Wild_Angel]

اختى العزيزة أسماء
أنا كنت زيك أول ما تخرجت ومكنتش عارفة الدراسات العليا حتكون عاملة إزاي
بالنسبة لجامعة الاسكندرية قسم الجغرافيا في 10 مواد بتدرسيهم الاول قبل ما تختاري الموضوع الخاص بالرسالة
ومن خلال المواد دي وبالاطلاع والابحاث اللى بيكلفوكي بيها الدكاترة انتى بتكتسبي خبرة
ومن خلالها ممكن تلاقي في سكتك الموضوع اللى عايزة تعمليه
انا مش عارفه بصراحة هل في دراسة عندكم قبل اختيار موضوع الرسالة ولا لأ بس متهيقلي اكيد في

وعموماً هي بتكون معظمها مواد درستيها بس انتى بتعملي أبحاث فيها
بالاضافة ان بيكون عندك مادة بأسم منهج للبحث العلمي دي بتعرفك على معلومات مهمة لعمل بحث علمي ( رسالة ماجستير)

ومن القواعد الهامة طبعاً انك تكوني حاصلة على دورة لغة عربية
مش عارفة دي موجودة عندكم فى الجامعة ولا لا
بس بجد دورة مهارات اللغة العربية بتعرفك أخطاء كتير ممكن تقعي فيها في الرسالة
بالاضافة أنهم بيساعدوكي كتير في تحسين الكتابة ومعرفة قواعدها وتنظيم كتابة الرسالة

عموماً أنا حالياً لسة مخلصة من فترة قصيرة المواد ما قبل تسجيل رسالة الماجستير
وبحاول الفترة دي ازود اطلاعاتي عشان أقدر اختار موضوع يصلح لعمل رسالة الماجستير ويكون فيه إفادة للمجتمع ويعود بالنفع عليا وعلى الجميع

ممكن تحاولي تسألي في إدارة الدراسات العليا في جامعتك عشان تعرفي القوانين الخاصىى بالتقديم
وكمان حاولي تعرفي من المعيدين اللى موجودين في القسم الحكاية بتتم إزاي
وربنا يوفقك ويوفقنا جميعاً يارب
ولو في اى حاجة ربنا يقدرنا ونخدمك
اطلبي أحنا كلنا أخوات في المنتدى

[د جمعة داود]

السلام عليكم ورحمة الله و بركاته

أدعو الله بالتوفيق للاخت السائلة وللجميع ، وأوجد أن أشارك - ولو برأي بسيط - في هذا الموضوع الذي يسأل عنه الكثيرين.

أ- في البداية هناك عاملين أساسين في اختيار موضوع الدراسات العليا:
1- أن يكون في مجال يحبه الباحث نفسه ويري أنه سينجز به عملا جيدا ... أي أن أختار أنا وبناء علي اهنماماتي المجال الذي أريد أن أكل به دراستي أو رسالتي (طبيعية ، بشرية ، نظم معلومات جغرافية ، استشعار عن بعد ، خرائط .....الخ)
2- أن أحدد المشرف أو الاستاذ الذي أرغب في التعامل معه (سواء كان هذا التحديد اختياريا للباحث نفسه أم اجباريا من القسم). لكل مشرف طبيعة اهتمامات و خبرة وموضوعات علمية معينة يقوم بالاشراف عليها ، والمشرف هو من سيحدد طبيعة موضوع الرسالة بصفة عامة (مثلا ان كان هو تخصصه مساحة و خرائط فمن المنطقي أن يكون موضوع الرسالة في هذا الاطار).

ب- بعد اختيار المشرف و المجال العام للرسالة يأتي تحديد موضوع الدراسة وهنا ندرس النقاط التالية:
3- أن يكون موضوعا جديدا لم يسبق دراسته في نفس المنطقة (من الممكن أن يتكرر موضوع الدراسة لكن بالتطبيق علي مناطق جغرافية مختلفة). كيف يتم تحديد الموضوع؟ أولا: ان كان المشرف لديه موضوعا محددا ينصح به الباحث. أو: أن يقوم الباحث بمراجعة الرسائل العلمية التي انتهت في الفترة القليلة الماضية - مثلا في اخر 5 سنوات - ومن نتائج و توصيات هذه الرسالة من الممكن أن يختار موضوعا لرسالته الجديدة ، بمعني أن أقرأ في توصيات رسالة سابقة أن هذه الدراسة تتطلب دراسة عنصر معين دراسة تفصيلية ، فأقوم أنا باختيار دراسة هذا العنصر كموضوع لرسالتي.
4- أن يكون موضوعا يسهل الحصول علي البيانات اللازمة لدراسته (خرائط ، صور جوية ، بيانات احصائية ....الخ). فهنااك الكثير من الموضوعات التي تعد جيدة الا أن بياناتها غير متوفرة أو تتطلب مجهودا ضخما ووقتا كبيرا للحصول عليها.
5- أن يكون موضوعا شيقا - يحبه الباحث نفسه - ويري أنه يستطيع انجازه. وهذه الفكرة تأتي بعد الاطلاع علي بعض البحوث و الرسائل الاكاديمية التي تتعلق يهذا الموضوع ، وهذه الخطوة يمكن اتمامها بالبحث في مواقع الانترنت - سواء باللغة العربية أو الانجليزية ان تيسرت للباحث - فهناك جامعات أوروربية وأمريكية تعرض نسخ كاملة من الرسائل الاكاديمية الحديثة مجانا.

هذه بداية منطقية للتفكير في اختيار موضوع رسالة الماجستير أو الدكتوراه.

وفق الله الجميع لما يحب و يرضي.

[Wild_Angel]

جزاك الله خيراً دكتور جمعة
حضرتك وضعت لنا اول الخطوات فى الطريق
نشكرك على نصائحك الذهبية وجعلها الله في ميزان حسناتك

[محمد الفرارجي]

الأخت والزميلة العزيزة ذات الحلم الطائر.

لا يفتى ومالك في المدينة.

معلش في الكلمة.

عيب لما يبقى موجود عندك في القسم ناس زي الدكتور عاشور والدكتور الديب والدكتور الغماز وتسألينا إحنا.

أعتقد الأفضل ليكي تسألي حد من الناس المحترمين دول

وخصوصا الدكتور عاشور لأنه ببساطة بيجيب من الآخر وهيفيدك فعلا

طبعا مع تقديري واحترامي لكل من تولوا الرد