برنامج بدون مونتاج (الجزء الثاني )مع ثاني ضيف(حي حي الله حي مين جي م اسلام ممدوح جي)

**KAREEM** · 10-07-2010, 12:54 AM

روح نام يا على
عشان عندنا كورة بكرة

ودى صورة جماعية للمتواجدين
وحضور حلقة البرنامج اليوم

تم الالتقاط بواسطة المصورة الفوتوجرافيه مروى مجدى

وبصراحة الحلقة كانت سخنة جدا

وام شحبوووور دى معملتش اى حاجة
وهبة بيبو غطت ع الكل

والباشمهندس كنت ضيف رائع
وأعتقد احسنتى الاختيار يا هبة
لان احسن استفتاح فى يوم زى دا
مكنش ينفع بدون حلقة قوية
مع باشمهندس مساحة بحرى قوى

زى الباشمهندس محمد جابر على

سعدنا بيك يا هندسة

وبرضوووووو مستنين باقى الاجابات

**Mohamed Gaber Aly** · 10-07-2010, 12:59 AM

Heba Bebo

-ماهى احلامك التى كنت تتمناها؟
ان احج لبيت الله انا وزوجتى باذن الله

وهل حققتها ام لا؟
اتمنى العام القادم

واذاكانت هناك احلام لم تحققها من راى حضرتك لانها كانت امنيات غير واقعية لاتتفق مع قدرات وامكانياتحضرتك ام بسب ظروف الحياة؟ 2

-ماهى امنياتك المستقبلية؟
ان ارى اولادى اسعد حالا منى

3-احكى لنا مشوار حياتك منذ البداية حتى الى ماوصلت اليه الان؟(من خلال نقاط واضحة ")
بدايه من عام 1992
مطار جناكليس الحربى
سحاره ترعه السلام (اربع انفاق تحت قناه السويس)
دراسه لمشاريع الصرف الصحى بالاسكندريه برا وبحرا
محطه كهرباء سيدى كرير الاولى والثانيه
محطه كهرباء فى عمان
مشروع ادكو للغاز الطبيعى
فوجرو
الهولنديه للتكريك

4-عندما تريد الاسترخاء والبعد عن مشاكل العمل والحياة.....اين تذهب وماذ تفعل؟
العب مع اولادى فى اى مكان

5-ماهو اصعب موقف فحياتك؟
صديقى الصدوق جائه مرض خطير جدا فى المخ اثناء السفر ولم يستطع احد ان يسافر اليه الا بعد اجراء العمليه

ماهو اجمل موقف فى حياتك؟
تفوق اولادى

6-هل حضرتك تاخذ الحياة على اعصابك لتحقيق ماتريد ام لا؟
قل لن يصيبنا الا ماكتب الله لنا
يعنى مافيش داعى للعصبيه لتحقيق الهدف

7-هل حضرتك شخصية عصبية؟اذاكانت الاجابةبنعم فمتى يستفذ صبرك
ينفذ صبرى عندما يكون الشخص الواقف امامى غير محترم او يتحدث بتعالى

**Heba Bebo** · 10-07-2010, 01:08 AM

يعني لو قعدت اشكر من هنا للعام القادم مش هوفيك حقك

اسعدتنا بوجودك

واسعدتنا اسئلتكم

يارب اكون قدمت حاجه تليق بيوم حلو زي ده

طبعا مفيش مقارنه بيني وبين حسن وميرا

انا بتعلم منهم

كل عام وانتم بخير

منتظرين رايكم في الحلقة بقي

والضيف القادم

حصري برضه علي مساحه المصري

تصبحوا علي خير جميعا

**Wild_Angel** · 10-07-2010, 01:09 AM

اولا انا سعيدة جداً برجوع البرمامج مع مذيتعة عسولة كده زي هبة
مع انها قلبتها رعب مع ام شحبور

وسعيدة اكتر ان باشمهندس محمد جابر كان اول ضيف في الجزء الجديد
وبجد يا باشمهندس كلمة حضرتك عن وايلد انجل كتير عليا

ببساطة انا لما بقيت مشرفة كان همي انى ارضي ربنا واساعد الناس
وربنا يقدرني على كده دايما
ويجعلنا كلنا متعاونين

حقيقي أنا معنديش اى أسئلة ولكن يكفي ان أقول
ان حضرتك مكسب لينا فى المنتدى

**Mohamed Gaber Aly** · 10-07-2010, 01:15 AM

بالنسبه لاسئله حواء تستضيف ادم باذن الله حاجاوبها يامروه فى الموضوع
عشان انا عارف انك حتزعلى بس ده وعد ان انا حاجاوب فى موضوعك هناك

شكرا لكم جميعا على هذه السهره وباذن الله تتكرر بس فى مناسبات احسن من كده شويه
لان الاسئله كتيره وهبه شغاله هى وعفاريتها والاعمال اللى بتعملها

ربنا يقويكم عليها

وبالنسبه للاعضاء المشاغبين اللى فى المنتدى اللى الناس بتشتكى منها وخاصه البنات

فالصوره دى لاقيتها عند صديقى عمرو

rules.jpg

وان شاء الله نضمها لقوانين المنتدى

**mohamed ali** · 10-07-2010, 01:28 AM

هههههههههههه جميلة الصورة ياهندسة

حلقة جميلة جدا ياهندسة و مذيعة تحفة ياهبة

وفى انتظار الضيف القادم باذن الله

**Mohamed Gaber Aly** · 10-07-2010, 01:40 AM

المشاركة الأصلية كتبت بواسطة Wild_Angel

اولا انا سعيدة جداً برجوع البرمامج مع مذيتعة عسولة كده زي هبة
مع انها قلبتها رعب مع ام شحبور

وسعيدة اكتر ان باشمهندس محمد جابر كان اول ضيف في الجزء الجديد
وبجد يا باشمهندس كلمة حضرتك عن وايلد انجل كتير عليا

ببساطة انا لما بقيت مشرفة كان همي انى ارضي ربنا واساعد الناس
وربنا يقدرني على كده دايما
ويجعلنا كلنا متعاونين

حقيقي أنا معنديش اى أسئلة ولكن يكفي ان أقول
ان حضرتك مكسب لينا فى المنتدى

ربنا يخليكى يااسراء وانت فعلا من الناس المحترمه اللى فى المنتدى
وشكرا على مساعداتك الكثيره
وياريت كل المشرفين يعملوا زيك
جزاك الله خيرا

**alaa eid** · 10-07-2010, 08:56 AM

الحلقة بصراحة كانتت اكثر من راااائعة
بس يا هبة ايه جو الرعب اللي انتي عملاه خضتيني بالصورة دي اول مافتح البرنامج الاقيها
كنتي ماشاء الله عليكي مذيعة عسل
الله ينور عليكم
وفي انتظار الضيف التالي