جدول الفرقة الثانية للعام الجامعى 2010___2011

**Marwa Magdy** · 09-17-2010, 10:38 PM

المشاركة الأصلية كتبت بواسطة esraa marey

بجد بشكرك جدا ع الجدول 0بس الجدول مليان اوىىىىىىى وجى فى مواعيد الكورس 0 ممكن تكمل جميلك انت وباقى الاعضاء الاكبر يعرفنا بنظام د\على ذكى ود\ ابو راضىزد\ ايمان هو د\ ايمان جربنها فالحاسب كانت كويسة خلاص00

بصى يا ستى بالنسبه لدكتور على ذكى
اهم حاجتين عنده ان مايبقاش ف صوت فى المدرج اثناء الشرح والا بكل بساطه حيسيب لكم المدرج و يطلع
زى ماعمل معانا كدا
تانى حاجه الاله الحاسبه لازم تكون معاكى
ولازم تحضرى محاضرات دكتور على ذكى كلها محاضراته مهمه جداااااا
ف السنه اللى فاتت دى كان لينا 25 درجه عملى على الاسكتش مش عارفه بقى حيعمل كدا معاكم ولا لا
وهو حيقولكم ع نظامه ف اول محاضره لا تقلقى يعنى
اما بقى دكتور ابوراضى ف الترم الاول حيطلب منكم خرائط و ابحاث و كدا و المفروض ان حيكون عليها 25 درجه
و اهم حاجه تحضرى المحاضرات دى مهمه جداااااااااااااااااااااااااااااااااااااا
و حيبقى فى غياب و حضور كمان

اهم حاجه انك تحضرى و تكتبى وراء الدكتور مع كل الدكاتره

الحضور مهم اوى ف سنه تانيه غير سنه اولى
مهم اوى اوى اوى وا ى اوى اوى اوى
بالنجاح و التوفيق للجميع بإذن الله

**Marwa Magdy** · 09-17-2010, 10:47 PM

مش عارفه ازاى يبقى فى محاضره مساحه و بعد منها كميه فى يوم واحد
ربنا معاكم ان شاء الله

مدرج 9ج اللى هو مدرج احمد فكرى الموجود فوق مدرج العبادى

**KAREEM** · 09-17-2010, 10:56 PM

احنا متعودين ان المواعيد دى عمرها ما بيفضل زى ما هى
واكييييد فى جديد وكل دكتور بيظبط مواعيد المحاضرات
بما يتناسب معاه ويريحه هووووو
احممم قصدى بما يتناسب مع الطلبة

وان شاء الله الجدول حيتظبط مع اول وتانى اسبوع من الدراسة
بالتوفيق للجميع ويارب كل اللى حابب حاجة ربنا يوفقه فيه

**MUHAMED SAMY** · 09-17-2010, 11:11 PM

تمام كلامك يا مروة
بس بصراحة
فى دفعتى ناس
جابت امتياز
وجيد جدا
وانا جبت جيد

فى المناخية من غير ماتحضر
اعملى ميكس للكتاب والمحاضرات

اما د.على ذكى
تقريبا المنهج ملهوش كتاب
هو المحاضرات اونلى
بالقوانين اللى بتتقال
دى مهمة جداا

واهم حاجة تكونو silent
ومفـــيش حاجة مهما كانت صعبة
ذكرى الكمية اول بأول
هى من اسهل المواد فى القسم اساسا
"من جد وجد"
المفروض دى حقيقة
انا فكر انى جبت فى
"الميدترم"الشفوى"الامتحان اللى من25"
جبت 25
والترم التانى كان اسكتش

**Marwa Magdy** · 09-17-2010, 11:36 PM

معانا ماحدش جاب ف المناخيه امتياز دى
ههههههههههههههههههههههههههههه
هو واحد بس اللى كان جايب جيد جدا
و الباقى جيد و مقبول
الكلام ده كان الترم الاول
انما الترم التانى بلاش اقول بقى

**KAREEM** · 09-17-2010, 11:48 PM

حطمتووووو البوووونية

مش كفاية السنة دى عندها دكتور ابو راضى
وامتحانات دكتور ابو راضى اللى مبتتحلش
وكل اختياراته صحييييحة وعليك ان تختار الاقرررب للصواب
وخلى بالك عشان هو مش بينزل لعقول الطلبة
انتى اللى لازم تطلعى لعقله ازاى معرفش

ولا دكتور على زكى لو اتنرفذ او زعل منكو
فى اى محاضرة حيعتبر المنهج اتشرح

انا مش عايز اقلقك يا اسراء

بس انا جيبت لك الملخص بتاع كل مادة من دول

اما دكتوووورة ايماااان فدى بجد
بالنسبة لى من افضل الناس اللى درسولى
كعلم وكأخلاق وقدووووة محترمة ونموذج للمرأة المتوازنة

بالتوفيق ان شاء الله تعدى على خير

**Marwa Magdy** · 09-18-2010, 12:12 AM

ههههههههههههههههههههههه
حرام عليك يا كيرم والله انا ماعيزة اقول لها كل ده علشان ما تقلقش
يا اسراء لا تقلقى المواد جميله والله و سهله
بس محتاجه مذاكره
سنه تانيه جد غير سنه اولى
لانكم ف سنه اولى كنتم لسه جداد و مش عارفين النظام انما انتم دلوتى خلاص عرفتم نظام القسم و الدكاتره

**MUHAMED SAMY** · 09-18-2010, 12:19 AM

بصى يا
إسراء
الموضوع سهل جدااااا
اعملى انت اللى
وذاكرى
ولكل مجتهد نصيب
ولو الدكتور نفسه قالك
هيجيب امتحان ميتحلش
ذاكرى
ممكن بعد كده يجيبه سهل

وان شاء الله خير

**الورده البيضاء** · 09-18-2010, 12:55 AM

لولولولولولووووووووووووولللللللللللللى
يبشركم بالخييييييييييييييير
ازغرط يااخواتى ولا اشد فشعرى ولا الطم ولا اعمل ايييييييييية

لا بجد كتر خيركم
انا اتعقدت من قبل الدراسة ماتبدى

انا هاناااااااااااااااااااااام
ههههههههههههههههههههههههههه