بنعمل كدة لية ؟؟

[smart girl]

148853574.gif

155246485.jpg

فى حاجات كتير بتحصل فالمحاضرات بتاعتنا (اللى بنحضرها بس ملناش دعوة بالمحاضرات المبنحضرهاش ) السؤال :

* الحاجات دى احنا بنعملها لية ؟

* وهل هى صح فعلااا ولا غلط ؟

يعنى اولا الدخول

(اجرى الحئ )

لما يكون المدرج مفتوح مفيش مشكلة فالدخول لكن لما المدرج يكون مقفول وكل

الدفعة تيجى وتقف على الباب ويحدث تصارع عشان كلة عايز يلحق ......بجد انا

ببقى هموت واعرف بنلحق اية بقى ؟؟ يعنى لما نقعد ادام ونزاحم فبعض هنجيب

تقدير فالمادة خلااااص الامتياز مستنينا فالكرسى اللى قدام لو ملحقنهوش هيضيع

مننا

انا عارفة ان فى ناس مابتعملش كدة بس هى الفكرة ان احنا طلبة فكلية وبجد الشكل

مبيكونش حلو خالص وسلوك غير حضارى ولا كأننا بنزاحم على فرختيتن مثلا

مش هيحصل حاجة ياشباب ويابنات يا امامير اذا دخلنا فنظام وحتى لو قعدنا ورا

نقدر نسكت كلنا هنسمع ولو مسمعناش نقول للدكتور احنا مش سامعين..... نجيب

ميك للدكتور .....مش هنشوف ...نصور المحاضرة ....مفيش حد راضى يدهلنا

....ربنا يخللنا المنتدى ....كلة حصرى على المنتدى المصرى ....... نحل المشكلة

من غير مانزاحم بعض .

ثانيا بعد الدخول

(احجزيلى )

قبل ماالدكتور يدخل احلى حاجة بصراحة نلاقى خمسة ستة فالمدرج والباقى

اسكتشات اسكتشات ........اية ياجماعة دة .؟؟؟.....


محجوز

انا من ضمن الناس اللى عملت كدة للأمانة بس معتقدتش انة صح وغير منطقى ان

حد يجى بدرى يحجز لسبع اشخاص مثلا ويجى حد بعدها ب 10 دقايق

ميلقائيش مكان والسبعة يجوا قبل المحاضرة ب 2 منيت دة افترى ولا مش افترى

ههههههههه بنفترى على بعض احنا صح

ثالثا : اثناء المحاضرة بقى

انا هقول اللى شوفتة ماشاء الله علينا ياااا يمييييييييييييين ياشمااااااااااااال ياناس

قعدة قدام وهرية نفسها كتابة ورا الدكتور ولو الدكتور عطس او كح يكتبوا

فالاسكتش ( ثم كح الدكتور) يااما ناس مش مركزة خالص وبتكتب فمسدجات او

بترسم على ضهر كرسى الشخص اللى قدامها .......او شخص مبيجلوش نوم

الا فالمحاضرة .
وحاجات كتير .............

بتحصل فالمحاضرات عايزة اسمع رائيكوا ولو فى اضافات لحاجات تانية بتحصل

او حاجة بدايق حد فينا نورونا

واتمنى مكنش دايقت حد

(الاجتهاد شىء كويس جداااا بس ترتيب الامور وتنظيمها بيكون مهم)

[Ma7amed Adel]

تصدقى هو دى اللى بيحصل الله ينور كلام واقعى جداااااااااااااااا بالاضافه الى اشياء اخرى ولا تسالنى ما هى

[Youssef Mostafa]

للاسف كل مكان دلؤتى فى البلد يفتقد للنظام اصلا

وعلى فكرة لا حياة لمن تنادى

الغلط من البنات ومن الولاد ومن المسؤولين بردو

لو فى ضوابط وتعليمات وترتيبات وتنظيم مكنش حصل كل دة

دة العااادى من بنك مصر

[Wild_Angel]

موضوع جميل
ضحكني وفكرني بحاجات زي العسسسسل

وبعدين انتى كنتى بتحجزي لشخصين بس يعني
وعلى فكره الكتابة على الكرسي دي من العلامات المؤثرة اللى الواحد سابها
انا عارفة انها كانت من هواياتي .. وانها هواية غلط
بس اعمل ايه عمري ما عرفت اركز فى محاضرة لمدة ساعتين او 3 ساعات فكان لازم اخرج من حالة التركيز الشديدة عشان منامش
وبعدين ما هى الكراسي برضه مش بتاعت محاضرات

بس بجد انا اللى كان بيدايقني حكاية الزحمة ادام المدرج
فاكره كنا نقف بعيد وندخل نقعد فى اى مكان
وحتى لو مسمعناش او ملحقناش نكتب كنا بنصور المحاضرة

وحلو اوى ثم كح الدكتور فكرتني بمحاضرات صورناها
فكرتيني بجد بواحدة حبيبتي كنا مش بنفهم حاجة فى المحاضرة وبعدين وهي بتكتب سألتها ايه رأيك فى الاوبنيون ده
انجليزي يا مرسي

سمارتي بجد الموضوع جميل جداً وخصوصا أنك ناقشتي السلبيات كلها
وفكرتيني بأحلى ذكريات العمر

[MUHAMED SAMY]

موضوع واقعى جدا

هرجع
اعلق بالفيديو

[ضوء القمر]

موضوع جميل قوي يا سمارت أصل احنا فعلا بنضايق قوي من الزحمة اللي قدام المدرج وخصوصا الولاد اللي بتجري وتتحشر بين البنات المفروض ان احنا ندخل الاول يالاااااااااااااااااااااا ربنا يهديهم... شكرا ليكي.......

[Youssef Mostafa]

موضوع جميل قوي يا سمارت أصل احنا فعلا بنضايق قوي من الزحمة اللي قدام المدرج وخصوصا الولاد اللي بتجري وتتحشر بين البنات المفروض ان احنا ندخل الاول يالاااااااااااااااااااااا ربنا يهديهم... شكرا ليكي.......

ماشاء الله والبنات مبيتحشروش يعنى معانا
وبعدين ليه المفروض تدخلوا الاول

[mohamed ali]

كل دا بيحصل والانيل ان فى بعض الناس بتعمل ايييه تاخد كرسى وتقعد تكتب علية

وفى ناس واقفة دى حاجات تنرفز شكرا ياسمارت على الموضوع

[smart girl]

تصدقى هو دى اللى بيحصل الله ينور كلام واقعى جداااااااااااااااا بالاضافه الى اشياء اخرى ولا تسالنى ما هى

ميرسى يامحمد على مرورك بس انا محتاجة اسئل اية بقى الاشياء الاخرى دى ؟
بجد عشان كلنا نعرف انها غلط

[smart girl]

للاسف كل مكان دلؤتى فى البلد يفتقد للنظام اصلا

وعلى فكرة لا حياة لمن تنادى

الغلط من البنات ومن الولاد ومن المسؤولين بردو

لو فى ضوابط وتعليمات وترتيبات وتنظيم مكنش حصل كل دة

دة العااادى من بنك مصر

يانهار ابيض يايوسف المسؤلين دخلوا فالموضوع كمان مرورك يشرف اكيد ورائيك يحترم بجد بس معرفش انا شايفة الموضوع بسيط جدااا احنا ممكن ننظم ونرتب امورنا من غير مانستنا حد هو اللى ينظملنا
نورت التوبيك يايوسف وبعدين على فكرة ايوة لازم البنات تتدخل الاول انا لسة هعلق على كلام ضوء القمر