بنعمل كدة لية ؟؟

[MUHAMED SAMY]

تقريبا انا وصحابى
محدش فينا بيتزاحم على باب مدرج
سواء كان عشان محاضرة
او حتى امتحان"شفوى"



انا فاكر انى معظم الامتحانات الشفوى كنت بدخل اخر مجموعة اللى قبل الاخيرة كده
وتقريبا لو مدخلتش خالص موش هتفرق كتير

لكن داخل المدرج معظم الوقت بنكون قاعدين فى الجزء الجنوبى الشرقى وانت داخل من الباب اللى قدام

سواء اللى فينا بيكون نايم
فى اوقات كان زميلنا بيجيب لنا بلح صغير كده بناكله

فى ماتش بيتلعب مهم نتابع بالموبيلات

طبعا مفيش محاضرة مبنتكلمش فيها
لو حد جاله تليفون ميردش لا لازم يرد"موش كل الناس"

مواهب الرسم تظهر

اللى بيشيت
من الموبيل

ندوس على جزم بعض
(فى الحضانة احنا)

لكن كانت اشهر الاحداث
اننا كنا بنشرب عصير
موش فاكر اسمه ايه واحد صحبنا كان عامله فى بيتهم

والدكتور اللى كان موجود وقتها كان متنرفز
واحنا نشرب

والحمد لله المحاضرة قلبت بغم

كنت بحب التدريب العملى عشان
بنتصور
نعمل فيديوهات

لكن عشان منخرجش عن سياق الموضوع وهو الزحمة

إليكم هذا المقطع



طبعا احنا مشفناش ولا هنشوف كده فى قسم الجغرافيا
مهما كان العدد
على الرغم ان ده كان سيكشن

فى كلية تجارة


موضوع جامد جدااا

[Mohamed Rekaby]

والله هو ده الى بيحصل وانا اشتكيت كتير من الحكايه دى
و ان شكلهم و هو بيخشوا مثلا 56 او 62 شبه الخرفان وهى داخله اى حته
مافيش نظام
انا مره كنت داخل 62 المهم كانت زى الفل
دخلت الكوتشى راح فى داهيه و التيشرت خلاص انسى ده غير الزق
انا بخش المحضرات فى الاخر و مش مهم الاقى مكان و رغم كل ده برده بيبقى فيه زق و بتاع
و كمان مافيش باسكيت للزباله فى الكليه فى القسم فيه لكن الكليه بصراحه مافيهاش اى حاجه ولا حتى حد بينضف فى ساعتها زى تجاره
ولازم فى المحاضره تعرف كل واحد حاطت انهو رنه على الموبيل اكنك خلاص اعد مع رجال اعمل
ده غير الى بيخش ياخد مكان و مش فى القسم و مش بيعمل حاجه غير انه يتكلم و يشتت وانا مش بعرف اكتب
و الجديد بئه فى اخر محاضره علشان ما كنش فى مكان فى 3 صحابى اعدوا على الشباك اخدوا اسبوعين فصل
هى دى مصر انا مش بحب مصر دى خالص

[hamdyfarag80]

الموضوع جميل جدا

بيفكرني بالمشاكل اللي كانت تتم بسبب الحجز بالكتب
بس هي الفكرة ان الوقت اللي كان قبل المحاضرة محدش بيحب الجلوس علي البنش مستني المحاضرة وهو عارف ان المحاضرة ممكن تكون 2 الي3 ساعات
بس بعد كده بنفتكرها ونضحك عليها ونقول ياريت الوقت يرجع تاني بينا لورا علشان الصحبة والاصحاب

[smart girl]

بجد يايوسف لما كل واحد يشوف غلط ويقول علية كلنا بنستفاد والبنات والولاد بيغلطوا فعلا مش الولاد بس ولا البنات بس ...دايما منورنا برائيك

محمد سامى بشكرك على الفيديو وانك مش بتزاحم والحياة عندك كويسة
مصطفى نورت التوبيك
محمد ركابى بعتذرلك على الكوتشى والتيشيرت معلش فداك اهم حاجة ان الانسان يطلع سليم وميكنش فى خسائر فالارواح
حمدى مرورك يشرفنا