ليه بنقول لا للصحوبية.. لا للإختلاط

[MUHAMED SAMY]

ليه بنقول لا للصحوبية.. لا للإختلاط؟!

أولا
مافيش صحوبية بين رجل وإمرأة.. لأن المرأة ضعيفة بعواطفها.. تشتاق لكلمة طيبة، وإن سمعتها من شاب تعلقت به وظنت إنها ملكت الدنيا بها

ثانيًا
حرام أن تتخذ أخدان ( رفيقات من غير زواج ) لقوله تعالى ((مُحْصِنِينَ غَيْرَ مُسَافِحِينَ وَلاَ مُتَّخِذِي أَخْدَانٍ وَمَن يَكْفُرْ بِالإِيمَانِ فَقَدْ حَبِطَ عَمَلُهُ وَهُوَ فِي الآخِرَةِ مِنَ الْخَاسِرِينَ ))المائدة5

ثالثًا
هذا المسمى الذى ابتليت به الأمة ألا وهو الصداقة بين الشاب والفتاة يعتبر صداقة مشئومة ما أنزل الله بها عز وجل من سلطان وما سمعنا يوما أن صحابيا أو حد من السلف كان له صديقة والله المستعان وإن غيروا فى مسميات الصداقة وإن ألبسوها لباس المدنيه وإن وإن ....فهى مشئومة هذا ليس من عند نفسى ولكن من شرعنا الحنيف

رابعًأ
* إنّه من المعلوم يقينا أنّ أصحاب هذه العلاقة يتبادلان النظر ولو بعفوية أو حسن نية.. أليس كذلك؟
يقول الله تعالى (قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون(30) وقل للمؤمنات يغضضن من أبصارهن).
وهذا أمر من الله يقتضى الوجوب للمؤمنين والمؤمنات بغض البصر، وهنا ليس لحسن النية أو سوء النية محل، وإنما تمّ استثناء نظرة الفجاءة فقط، فقد قال النبي صلى الله عليه وسلم لعلى (يا عليّ لا تتبع النظرة النظرة فإنما لك الأولى وليست لك الآخرة).

خامسًا
· يقول صلى الله عليه وسلم (خير صفوف الرجال أولها وشرها آخرها وخير الصفوف النساء آخرها وشرها أولها)..
هذا بشأن الصلاة في المسجد، فوصف المتأخرات بالخير لبعدهن عن رؤية الرجال وتعلق القلب بهم عند رؤية حركاتهم وسماع كلامهم.. يا الله!.. هذا بشأن المسجد الذي هو مكان العبادة وبحضرة النبي.. فما بال من تتجرأ وتقول هذا زميلي في الجامعة أو العمل؟؟.. أو تقول إنها علاقة بريئة أو إن نيتها سليمة؟؟.. هل نيتك أنت سليمة ومن أمرهن النبي بتجنب مخالطة الرجال نيتهن سوء؟ أم أنه أمر واجب التنفيذ على الفور؟؟!

سادسا
· قوله صلى الله عليه وسلم (ما تركت بعدى فتنة هي أضر على الرجال من النساء) رواه البخاري ومسلم.

فقد وصف النبي النساء بأنهن فتنة على الرجال.. فكيف يجلس الفاتن مع المفتون؟.. أم كيف تكون هناك صداقة بين الفاتن والمفتون؟

سابعا
· قوله صلى الله عليه وسلم (لأن يطعن في رأس أحدكم بمخيط من حديد خير من أن يمسّ امرأة لا تحل له).. فأين الذين يتجرأون على المصافحة وما شابه من أمر النبي؟

-----*-----*-----*-----*-----*-----*-----*-----*-----*-----
من هذا كله يتّضح أنه لا توجد علاقة بريئة أو صداقة بين الرجل والمرأة أو الفتى والفتاة، سواء في الجامعة أو العمل أو أي مكان.. أما كلمة علاقة بريئة، فقد أطلقها كلّ مخادع لنفسه وغيره، على علاقة لا ترضى الله ورسوله.. وبعيدا عن هذا كله، نهمس في أذن من كان مقتنعا بهذه العلاقة: إن الوقت والأعمال تسجّل إما في ديوان الحسنات أو ديوان السيئات.. ففي أي الديوانين يسجل الوقت الذي قضيته أو قضيتِه تحت عنوان العلاقة البريئة؟؟.. أفي الحسنات أم السيئات؟؟

وأخير أقول لماذا نقلد الغرب مالنا والغرب أيها المسلمون ؟؟

وأخيرا: لا تنخدعوا بمن يدّعى أن بناء علاقة بين الرجل والمرأة أو الفتى والفتاة خاصة في الجامعات وغيرها هي الحضارة والمدنية.. كذبوا والله بل إنّه الشر كل الشر، ولا ينهانا ربنا إلا عن الشر وما يوصل إليه.

وما لنا وللغرب؟.. إنها ممتهنة في عقر دارها، تربح المال من لديها جمال، فان ذهب جمالها رموها كما ترمى ليمونة امتص ماؤها!!.. لكننا قلدناهم.. تركنا الحسن وأخذنا القبيح!!

أما كفانا تفكيراً برؤوس غيرنا؟!..

ليصنع بنات الغرب ما شئن وما شاء لهن رجالهن، فما لنا ولهم؟!

ولنكن نحن كما يريد لنا الله ربنا، فليس في الدنيا أكرم من المسلمة ولا أطهر منها ما تمسكت بدينها وحافظت على حجابها وتخلّقت بأخلاقك الحسنة.

وختاماً نذكر بآيات طيبة من كلام الله تعالى:
(إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَنْ يَقُولُوا سَمِعْنَا وَأَطَعْنَا)

(وما كان لمؤمن ولا مؤمنة إذا قضى الله ورسوله أمراً أن يكون لهم الخيرة من أمرهم).





منقول... ربنا يجزي كاتبه كل الخير

[Heba Bebo]

بحييك من كل قلبي علي الموضوع الرائع والتذكره اللي اكثرنا غافلين عنها

عارف في القران ايه بتقول

بسم الله الرحمن الرحيم

وما اتخذ الله صاحبة ولا ولدا

صدق الله العظيم

يعني مفهوم الصحوبيه في الدين واضح امامنا اهو ان الصاحبه هي الزوجه


انا بقي مختلط عليا الامر في شئ

يعني لو انا ف منتدي زي بتاعنا ده وبكلم كل الناس اهو في حدود المصلحه

يبقي صحوبيه

طيب لو عرقت ناس من نفس المنتدي وكانوا علي خير نحسبهم ذلك عند رب العباد


بس ماتصاحبناش بالمعني المفهوم سابقا

لا معرفه مثلا بس الناس دول لو لفيت الدنيا مش هتلاقي زيهم

ياتري نقطع مع كل الناس دول ولا نحافظ عليهم في حدود ديننا ورضا ربنا العفو الغفور


بشكرك جدا جدا علي الموضوع ده

[Youssef Mostafa]

تم تقييم الموضوع لانه فعلا يستحق وغير قابل للجدال فيه نهااائى

[KAREEM]

تذكرة طيبة منك يا سامى والله

الواحد اخذ القرار دا قبل كدا
وانت عارف
بس لقى ناس كتير زعلت منه
وساعتها افتكرت الحديث الشريف
ان من أغضب الله فى رضا الناس
ربنا بيغضب عليه ويغب الناس اللى هو رضاهم فى غضبه
فالواحد بيحاول يدرج الموضوع دا
وطول ما الواحد من جواه عايز يتغير
ربنا حيعيننى وباذن الله اتغير للافضل

لذلك احنا كتير بنتحايل على الدين
بس بنرجع فى الاخر ونقول هو دا الصح
توبنا يارب ورجعنا يارب
وربنا عمره ما حيحرام علينا حاجه
وهى مش فى مصلحتنا فعلاااااااا والعكس

ربنا يثبتنا ويهدينا الى طريقه المستقيم

[Wild_Angel]

جزاك الله خيراً يا محمد وفتح الله عليك وعلى كاتبه بالخير
وبعدين انا عايزة أأكد على موضوع السلام باليد

في بنات اخواتنا وحبايبنا بيقولوا عادي مدام نيتي كويسة يبقى خلاص ومدام الشاب اللى قدامي محترم واخلاق يبقى مش مشكلة اسلم عليه بإيدي

بجد مهما كان الانسان محترم واخلاق فالإنسان له زلاته وكمان الشيطان مش سايبنا في حالنا
ويكفي ان الرسول عليه افضل الصلاة والسلام نصح الرجال والشباب بعدم لمس إمرأة لا تحل لهم
معناها أن الحاجة دي غلط

وبجد مش حتخسري حاجة لو مسلمتيش ولو خايفة تحرجي الشاب اللى ادامك ربعي إيديكي اما تشوفيه وخليكي بعيده بمسافة كافية
مع الوقت حتلاقيه بيبعد وبيعرف أنك مش بتسلمي
وكمان الفتيات اللى بيقولوا زمالة الشاب أحسن من البنت ده بيجيبلى ورق انا عايزاه اكتر من صحابي البنات
فقط أدعي ربنا وربنا حيكرمك بأحسن منه
وأبتعدي عن صداقة الشباب وساعتها ربنا حيكرمك
قللي التعامل معاه لحد ما توصل زمالة وواحدة واحدة حتتعودى انك جوهرة مصونة وحتبتعدي عن الكلام مع الشباب نهائي

دي نقطة كنت عايزة أعلق عليها فى موضوعك يا محمد

نقطة تانية وهي التعامل مع الزملاء أو كده
أحاول بقدر الامكان يكون في احترام متبادل بين الناس
ولو عرفتهم من خلال المنتدى فأنا الاول لازم اعرف انا بدخل المنتدى والنت ليه
مدام نيتي اني استفيد وافيد وكمان ارضي ربنا يبقى حعرف الطريقة الصح فى التعامل
والمفترض ان يكون حتى التعامل خارج المنتدى في حدود ضيقة جداً

أنا بعتذر عن الاطالة ولكن في نقط حبيت أتكلم عنها باستفاضة

[esraa marey]

والله بجد موضوع رائع
الصراحة موضوع مميز
والصراحة انا راى اتربيت عليه طول عمرى ومع الوقت اقتنعت بيه اكتر ان مافيش حاجة اسمها ولد وبنت صحاب
ولازم يكون فى حدود تعامل بين الولد والبنت يكون زمالة بس

بجد موضوع مهم جداااااااا

[ضوء القمر]

أولا أحب أشكرك يا محمد علي الموضوع ده لأنه في غاية الأهمية خاصة في جيلنا ده وفي الكلية عندنا فطبعا كلنا بنشوف الاختلاط الزاااائد عن حده وعجبني كلامك قوي يا wild عنك حق فيه وعامة أنا الحمد لله مليش خلطة بولاد ووالله بحمد ربنا انه رزقني بأصحاب طبعا بنات برضوا ملهمش خلطة بولاد لأن الأصدقاء ليها عامل تأثير هاااام وهما اللي بيعودوكي علي الخلطة من عدمها ربنا يبعد عننا أصدقاء السوء... *

[bata_batot]

بجد من اروع المواضيع

بص بصراحه عارفه كل الاحاديث وما ذكره القران

والله بحاول على قد ما اقدر ان ما يكون فى تعامل حتى الزماله

ولو بيكون فى كلام بيكون فى حدود الدراسه

وباذن الله كل فتره بيكون فى تطور

وربنا يهدى بنات وشباب المسلمين الى ما يحبه ويرضاه

[Wild_Angel]

ربنا يبارك فيكِ يا ضوء القمر ويحفظك أنتي وكل بنات المسلمين يارب
أضفتي نقطة مهمة وهي الأصدقاء فعلا من تصرفاتهم بنكون شبههم في نفس التصرفات
ربنا يرزقنا جميعاً الصحبة الصالحة
بعتذر يا محمد عن الاطالة

[smart girl]

بجد موضوع رائع جدااااا يامحمد وناقشت نقطة فغاية الاهمية وخصوصا ان فالكلية والمجمع بيكون فى مفهوم مختلف تماااااااااااما عن الصداقة بين الولد والبنت وفكرة ان ميكونش فى صداقة دة افضل حاجة والله بس بالرغم من كل الكلام اللى تقال مش هينفع على فكرة لان فى مواد عندنا فجغرافيا بتحتم ان الولاد والبنات كمجوعة يشتركوا فيها فاكيد هيكون فى صداقة بس احنا اللى بنقولة ان الموضوع يكون فى اطار الاحترام وبالاضافة لكلام وايلدى حببتى ربنا يكرمك ياسرؤتى يارب ويهدى كل بنات وشباب المسلمين
جزاك الله كل خير يامحمد