افتكاسة

[smart girl]

يابية انا بعترفلك والله مليش فالسياسية

دى بلدنا حالها عال العال وكلة فاللذاذة

انا بس بسئل سيتك سؤال معنديش اجابتة فمواد الدراسة

كيلو الطماطم ب 12 جنية.. دة كلام حقيقى ولا افتكاسة ؟

اصل انا ياباشا بصرف مرتبى بكل حكمة وكياسة

اللحمة بطلت اجبها عشان خدوها من الحمار حماصة

والفراخ بقت بتعطس وتمردت علينا الاستاذة

والخضار كلة اسعارة بقت فغاية الشراسة

و اذا حقيقى الطماطم ب 12 جنية ومش افتكاسة

فانا بطلب استغااااااااااثة

معييش يكمل 2 كيلو ومحتاج اعاشة

الغلاء خلاص رحتوة طلعت وبقت نفاذة

يابية هو اللى بيحصل فينا دة غلاسة؟؟

ولا اصلااا مفيش حساسة؟؟

عايزين توصلونا بأيدكوا للقرافة

طب والله طريقة فمنتهى الفراسة

تخلصوا مننا من غير نقطة دم وبكل سلاسة

سجل ياتاريخ واكتب ياقلم فالكراسة

هو دة حسن الاسضافة

اقسملك ياباشا انا مليش فالسياسة

دة كان سؤال من مواطن وقفتوا الفقر على بابة حراسة