افتكاسة

**منتصر فتحى** · 10-16-2010, 05:56 PM

كنت زمان بسمع مجنونه

قلت زمان اهو ولى وراح

لو يوم غليت تغلى بخمسه

وابقى سعتها اكون مرتاح

ندر عليا ف يوم لو رخصت

لعمل ليله ويوم افراح

المفعوصه هتخرج ترقص

ونحزمها وتبقى براح

شفت الكيلو اهو ب 12 ؟

دى بقت اغلى من التفاح

شكلى هروح اشتكى وف جوجل

وافرج عنها ان كت مسجونه

منك لله يا نظيف روح ؟؟؟

وعصرت على الشعب لمونه

هو صحيح القوطه بتغلى

بس هتغلى ليه وبايه

شفنا الكيلو زمان بالشيله

دلوقتى عدى عشره جنيه

المجنونه اوام اتسطلت

مش بيجبها الا البيه

اه يا حكومه وسيما اونطه

فين القوطه يا ولاد الايه

طب هنفعص روحنا وتيجى؟

واى كلام انا هرضى عليه

اه يا طماطم قلبى الغاليه؟

قومى ارجعى لو ع الابونيه

وانا راح هعمل اعلان ليكى؟

وسط بنات فقناه مواليديه

وعجبى

اختى كلماتك رائعه بالفعل وشرح لمشكله سائدة بطريقه سلسه رائعه تقبلى كلماتىالبسيطة اضافه لموضوعك

منتصر