فلسفه حمااااااار‏

[dola]

عجبى عليك يا ابن أدم يا كبير الدار
قومت الدنيا وما قعدت لما قالو حمار
هو اسمى شتيمه ولا جنسى ده عار
خلقنى ربى وخلقك ولا حدش ليه خيار
وأنا مهما زاد الحمل فوقى صابر على المشوار
لا فى يوم أقول أشمعنى أخويا وأخد منه تار
ولا يوم أبص لرزق غيرى وأطق منه ولا أغار
ولا أرفع فى يوم عينى على جارتى وأصون الجار
ولا مهر أدفع لحمارتى وشبكه وسوار
ولا شقه أجمع فى تمنها ولا أجهز دار
ولا حرمى حامل تتوحم عايزه كافيار
ولا بنت تخرج عن طوعى وتجيب العار
ولا أبن يدمن ويهلوس ويقع ينهار
عايش فى حالى متهنى وليه أفكار!
باكل وبشرب وأنهق ومفيش اسرار
وعندى أبن أدم يخدمنى ليل ونهار

ان جعت يشترى برسيمى بأغلى الاسعار
وفى مرضى يفصل يعالجنى ويدعى الستار
خادم أمين من غير راتب ولا حتى ايجار
والحين عرفت يا أبن أدم
مين فينا الحمار؟؟؟؟
عرفتم بقى اننا لما بنشيه نفسينا بالحمار ظلمناااااااه واحنا الى ربنا ميزنا بالعقل عن جميع المخلوقات لكن مين فينا بيستخدمه؟؟؟؟