مستر بالونة

[MUHAMED SAMY]

النهارده بنتكلم عن شخصية من اصعب الشخصيات اللى ممكن تتعامل معاها

وهي فعلا من البلاء أن الواحد يصاحب او يعاشر شخصية زيها

بل اجمع كل اللي بيتعاملوا معاه انه شخص غير محبوب إطلاقا

نشوف تصرفاته الاول وبعدين نشوف هل احنا بنبالغ ولا لا


شخصيتنا اسمها
(( بالونة ))










مع ان اسمه خفيف جدا الا ان القعدة معاه دمها تقيل جدا



جربت مرة تدخل مكان وتلاقي واحد ماشي وراك ببخاخة مطهر و كل ما تلمس حاجة يروح راششها بالبخاخ..!


أو تدخل في مكان انتظار في عيادة وتلاقي واحد منهمك جدا بتلميع حذاءه كل 3 ثواني ...!!



أو مرة جيت تنزل من المترو بسرعة مخدش بالك خبطت حاجة بسيطة جدا في واحد قدامك ... ولاقيته هب في وشك ... مش تفتحوا بقى ولا ابقوا ألبسوا نضارات عشان تشوفوا الناس قدامكم...!!!



ولا فجأة وسط ما بتتكلم مع مجموعة ناس يقوم واحد من النص يودي وشه الناحية التانية و يتكلم مع اللى جنبه في موضوع تاني و بصوت عالي ..!!!



معندكيش واحدة صاحبتك مبتعرفش تقعد غير رجل على رجل .. وطووول ماهي قاعدة قرفانة من اللى حواليها و تنفض هدومها و تعدلها ...!!!





محصلش إنك قابلتي واحدة عمالة كل شوية في كلامها تجيب سيرة إنها خريجة AUC ولما راحت تاخد كورس في الـ BUE أول لما دخلت الـ lab لقت مفاجئة (فزيييييييييعة) الكورس اتلغى و الدكتور كان مستضيف الفنان الفلاني في محاضرة العولمة و اتصوروا معاه بعد الكورس كمان ...!!


ملحوظة للقراء: اوعو تكونوا بجد مش عارفين مين Auc و Bue يا إما انتو طالعين مع أهل الكهف بقى !!
(نوع من أنواع الكبر)



معداش عليك مرة قولت فيها رأيك في مشكلة أو وجهة نظرك طلبه منك حد ولقيته رد عليك وقال: " هو احنا هنمشي بدماغك ولا إيه! "



ولا واحد نادرا ما يسأل غيره على سبيل (الإستفهام والتعلم ) .. وانما يسأل بصيغة (التقرير ) ... هو مش كدا صح ؟ هو دا كدا التمام ,تمام؟.. وانتا لازم تقول : عداك العيب يا كبيــــــــر .





الموضوع بإختصار
هل شوفت مرة واحد وهو ماشي لبس في عمود !!

لإنه ببساطة كان ماشي ووشه لفوق


هل قابلت شخص متكبر قبل كده ؟؟؟


و إيه المواقف اللى بينتلك إنه متكبر؟؟؟


ازاي هتوصله انه فيه مشكلة ؟؟


يا ترى هتتعامل معاه ازاي في الحالات دي:
1- في حالة أنه شخص صغير في السن أو شخص كبير في السن

2- في حالة إنك ستتعامل معه معاملة "طياري" وفي حالة إنك ستضطر تتعامل معه لفترات طويلة

3- وفي حالة عندما تكون حالتك المزاجية وأنت تتعامل معه جيدة وفي حالة أنك مخنوق


"منقول"
لانه عجبنى

[smart girl]

اكتر حاجة مستفزة فعلااا بنات ال A U C دول يانهاااااااااار ابيض وتقول اية بقى : انا تول الليل دموعى موقفتش ....
: لية يا شاهيناز ؟؟
: اصل توتى كانت تعبانة مووت وحالتها خطيرة
( دى الفارة بتاعتها )
الفران الناس بيسموها ودول بيربوها بحسهم سييييييس خالص

موضوع

[esraa marey]

ههههههه
موضوع لذيذ
الصراحة بنقابل الانواع ديه من شخصيات

"وعو تكونوا بجد مش عارفين مين Auc و Bue يا إما انتو طالعين مع أهل الكهف بقى"
بس مين بقى AucوBUE
اصلى مش من اهل الكهف
لا من قبيلة قريش

[MUHAMED SAMY]

اكتر حاجة مستفزة فعلااا بنات ال A U C دول يانهاااااااااار ابيض وتقول اية بقى : انا تول الليل دموعى موقفتش ....
: لية يا شاهيناز ؟؟
: اصل توتى كانت تعبانة مووت وحالتها خطيرة
( دى الفارة بتاعتها )
الفران الناس بيسموها ودول بيربوها بحسهم سييييييس خالص
موضوع

ههههههههههه
نورتى التوبيك

[MUHAMED SAMY]

ههههههه
موضوع لذيذ
الصراحة بنقابل الانواع ديه من شخصيات

"وعو تكونوا بجد مش عارفين مين Auc و Bue يا إما انتو طالعين مع أهل الكهف بقى"
بس مين بقى AucوBUE
اصلى مش من اهل الكهف
لا من قبيلة قريش

ههههههههههههه

شكرا لمرورك