كلام غريب

**smart girl** · 10-28-2010, 01:26 PM

اتمنى محدش يدايق من كلامى احنا مش كلنا بنقول الكلام دة ولكن فى جزء فعلااا موجود فالواقع بيقول كدة وانا مش بعيب فى الجيل بتاعنا ولكن دى مجرد مقارنة بين جيلنا والجيل اللى فات فصورة هزار يارب تتقبلوة

كلام غريب

الكلام بقى ملوش معانى واحاسيس

اى هرتلة واى تهيس

كان زمان كلامهم ادب واحترام

واحنا دلوقتى بنقول بيس يا مان

كانوا يقفوا تحت باب المحبوبة بوردة

دلوقتى : براحتك متجيش يا قطة...

كان يتقال : هنتظر حضرتك فالمعاد يافندم

دلوقتى : ها اااا ...جي امتى يا معلم ؟؟

كلة بقى حبشتكانات وافتكاسات

وكلام فالهوا من الولاد والبنات

بدل ماكان بيتقال : ممتاز واختار هدية ليك

بقينا نقول : كول ... قشطة عليك

كان يتقال: سامحينى مش هقدر بعتذرلك

دلوقتى :.... ياعم كبر وفككك

كان يتقال : انا مش هرد على حضرتك

دلوقتى : امشى من هنا الله يحرقك

كانوا يغنوا : الاطلال وحبك نار

بقينا نغنى : بحبك يا حمار

بقيت الحياة بلح و فالكلتش

واهوا كلها لغات اتفهمت ولا متفهمتش

ادينا بنقول واكيد اللى بعدنا

هيكلموا بردة عننا

وهيقولوا على كلامنا كان كلة رقى و ثقافة

وهينسوا زمن محمود المليجى ورشدى اباظة

وهيقولوا على مهند وهيفاء وهبى

زمن الفن الجميل الاصلى

**esraa marey** · 10-28-2010, 08:17 PM

كلامك مايزعلش يا سمارت
فعلا والله بقى فيه مصطلحات اتعودنا عليه
واغانى اغرب
راى ان احنا كل واحد يبدأ بنفسه

ومانخليش المصطلحات ديه من اسلوب كلامنا

**حنين الحياة** · 10-28-2010, 11:14 PM

لا تعليق علي ما يحدث هذه الايام

**mostafa hassan** · 10-29-2010, 01:58 AM

معاكي حق فعلا هذه هي حياتنا الان
تفتكري ايه اللي ممكن نعمله لا نملك سوي انفسنا
وما شاء الله كل يوم في جديد

**smart girl** · 10-29-2010, 01:00 PM

المشاركة الأصلية كتبت بواسطة esraa marey

كلامك مايزعلش يا سمارت
فعلا والله بقى فيه مصطلحات اتعودنا عليه
واغانى اغرب
راى ان احنا كل واحد يبدأ بنفسه
ومانخليش المصطلحات ديه من اسلوب كلامنا

صح ياسرؤة كلامك ويارب يخليكى ياقمرا واشوف مشاركتك فمواضيعى مش مشكلة المواضيع التانية انا بس (انانية شوية ) لا بهزر معاكى تنورى كل المواضيع دايما

**smart girl** · 10-29-2010, 01:12 PM

المشاركة الأصلية كتبت بواسطة حنين الحياة

لا تعليق علي ما يحدث هذه الايام

لية ياحنين ؟؟؟؟؟ كلنا عايزين نعترض دايما تنورى ياحنين الموضوع

**smart girl** · 10-29-2010, 01:18 PM

المشاركة الأصلية كتبت بواسطة mostafa hassan

معاكي حق فعلا هذه هي حياتنا الان
تفتكري ايه اللي ممكن نعمله لا نملك سوي انفسنا
وما شاء الله كل يوم في جديد

ايوة صح يا مصطفى لا نملك غير انفسنا وانا شايفة ان الحالة مش ميئوس منها ممكن بجد نتغير
نورت التوبيك

**KAREEM** · 10-29-2010, 01:24 PM

موضوع جميل
وتناولك ليه بطريقة لذيذه اوى

مميزه فى اسلوبك يا سمارت دايما والله

وكلو كوم
والواد اللى بيقول
انا نازل يا سعاد
خلى بالك من الواد

وكل موتوسكيل معدى بنور قد كدا
ومعلى الزفت على اخره على صوت واحد بيجعر
وبيبقى ماشى فى الشارع عامل زى الاسعاف معديه
كله بيوسع له مقلق منه ومن الدوشه اللى هو عاملها
بجد بقى منتشر بطريقة فظييييييعه القرف دا

تسلمى لنا يا سمارت على موضوعاتك
اللى بتفتح نقاشات زى دى

**smart girl** · 10-29-2010, 07:22 PM

المشاركة الأصلية كتبت بواسطة KAREEM

موضوع جميل
وتناولك ليه بطريقة لذيذه اوى

مميزه فى اسلوبك يا سمارت دايما والله
ربنا يخليك ياكريم اخجلتم تواضوعنا
وكلو كوم
والواد اللى بيقول
انا نازل يا سعاد
خلى بالك من الواد
هههههههه مسمعتش انا الاغنية دى موصلتليش لسة
وكل موتوسكيل معدى بنور قد كدا
ومعلى الزفت على اخره على صوت واحد بيجعر
وبيبقى ماشى فى الشارع عامل زى الاسعاف معديه
كله بيوسع له مقلق منه ومن الدوشه اللى هو عاملها
بجد بقى منتشر بطريقة فظييييييعه القرف دا
ايووووووة والله فعلاااا دة بقى ممكن ننشن علية وهو ماشى كدة بأى حاجة ثقيلة يقع ونرتاح كلنا

تسلمى لنا يا سمارت على موضوعاتك
اللى بتفتح نقاشات زى دى

ميرسى ياكريم بتشرف اى موضوع بجد