ملاك احلامي

**mostafa hassan** · 11-06-2010, 01:08 AM

ملاك احلامي
‫عايش على حلم جميل فى خيالى
حلم ليل نهار بحلم بيه وعلى طول فى بالى
حلم إنى ألاقى حبيبى الغالى

ألاقى من تانى ملاك احلامى

ده احلى من اللى اتخيلته فى منامى
ولا عمر هيكفى فى عشقه غرامى
ولا هيخلص فى حبه كلامى
كلامى فى عشق ملاك احلامى

حبيبى نجم عيونى كانت شيفاه
وكل ليله كنت بسهر وياه
حكتله وغنتله حسيت بالآمان معاه
فجأه اختفى ونسينى وإزاى هنساه
ومبقاش بإيدى إلا إنى اسهر كل ليله فى هواه
واتمنى من ربى إنى من تانى القاه

ألاقى من تانى ملاك احلامى
هفضل ادور عليه لحد ما تخلص ايامى
ولا عمرى هرتاح إلا لما الاقيه قدامى
الاقى من تانى ملاك احلامى

قلبه طريق من الماس نوره جميل
وجماله بيزيد نور مع سواد الليل
قلب الظالم يلقى للتوبه فيه سبيل
والقلب الآسى يبكى جوه منه زليل
وأنا قلبى علشان يلاقيه مكتوبله يمشى مشوار طويل

يلاقى من تانى ملاك احلامى
وازاى يقدر على وصفه كلامى
ده انا لو كتبت فى وصفه هتجف اقلامى
انا بجد قابلتك ولا انت من صنع اوهامى

حضنه بحر تغرق فيه سفن العشاق ولا توصل لبره الدافى
وأنا قلبى بحبه كان على موجه طافى
ده قربه ليا كافى..... ولعذاب قلبى شافى
بس دوامات البعد أخدته من بين أحضانى
ده رؤيته ضوء منار تحيّى فى ليلى أشواقى
وهجره جنون تغرق وتموت فيه أفراحى
واتمنى من تانى ألاقيه وتطيب فيا جراحى

ألاقى من تانى ملاك احلامى
هفضل ادور عليه لحد ما تخلص ايامى
ولا عمرى هرتاح إلا لما الاقيه قدامى
الاقى من تانى ملاك احلامى

تمر الأعوام ولسه فى قلبى نفس الإحساس ولا نسيته
لفيت بلاد وسألت عليه الناس ولا لقيته
وإزاى الناس هتعرف مين اللى هويته!!؟
ده عن العيون دريته.....وبين نبض قلبى خفيته
ده زى لحن جميل زمان غنيته ...
غنيته وخفت من القلوب لتسمعه
زى طريق فى الجنه زمان مشيته ...
مشيته وخفت من العيون لتحسده
حبيبى قلبى بيتعذب بجفاه واللى ياما هويته ...
هويته وبتمنى من تانى ألقاه وللناس بوصفه

ألاقى من تانى ملاك احلامى
وازاى يقدر على وصفه كلامى
ده انا لو كتبت فى وصفه هتجف اقلامى
انا بجد قابلتك ولا انت من صنع اوهامى

*.:ஓ ♥ ملاك أحلامى‬