كل شىء عن مشروع تخرج شعبة مساحة 2011

[e4e]

اولاً كيف حالكم جميعاً؟
ثانياً: خلاص احنا على وشك تسليم اسماء المجموعات والمصاريف فكنت حابب اوضح بعض النقاط:
على كل قائد مجموعة احضار كشف مكتوب على الحاسب الآلى به ( اسم الطالب - عنوانه - رقمه القومى - هاتف المنزل - الحالة ( انتظام - انتساب - انتساب موجه ))
بالاضافة الى 400 جنيه من كل طالب يسلمها قائد المجموعة مع الكشف الى الى استاذ / سيد سعيد.
ثالثاً : بالنسبة لمكان مشروع التخرج اكيد زاد الكلام والجدل عن الموضوع ده فئة اختارت مطروح وفئة ثانية الغردقة.
لو هتسالونى عن راى هؤلكم الغردقة. لاسباب كتيرة :
منها تدرس المكان والذى سيسمح لنا بمواجهة ظروف صعبة لابد وان تمر علينا مثلها خلال عمرنا المهنى , ولكن الفرق هنا انك هتلاقى مشرف يوجهك . بره هتكون لوحدك.
وغير كده متنسوش حماسة المشرفين هتكون ازاى فى مكان جديد زى ده. وده طبعاً له مردود ايجابى كبير لينا. فى نفس الوقت الى احنا هنكون اصلاً متحمسين جداً للمكان الى احنا رايحينوه اكتر بكتير من مطروح. المكان الى معظمنا راحه كتير . مابالك بالمعيدين الى حفظوه.على الرغم من ان الشغل هيكون فى وادى جديد.
طيب الناس الى رفضه الغردقة... رفضاها ليه؟؟

ممكن يكون لسببين - الاول:
انهم انتساب وراحوا أصلاً الغردقة السنة الى فاتت ولفوا واتفسحوا هناك عشرة على عشرة اللهم ما لا حسد :).

السبب الثانى:

وهوا ان بعض زملائنا مقدرتهم المادية متسمحش ليهم بدفع فارق المصروفات بين الغردقة ومطروح والى بيتراوح بين 225 و300 جنيه تقريباً.

واكيد احنا مش نسينهم... والمشكلة حلها بسيط بس هتتطلب منا تكاتف شوية.
والفكرة هيا ان كل واحد فينا يدفع بحد ادنى على المصروفات 20 جنيه زيادة.
الفلوس الزائدة ده هنجمعها ونديها لدكتور على ذكى.
والذى ستكون لديه اسماء الطلاب الغير قادرين.
طبعاً اسماء الطلاب دول هيتجمعوا عن طريق قادة المجموعات .

كل قائد مجموعة هيسلم اسماء الناس الى معاه فى سريه تامه. ويكتب العجز لكل واحد كام.
بمعنى
ان لو فرضنا مصروفات مطروح 500 جنيه
والغردقة 750
اذاً الفرق 250
ولو زميلنا هيقدر يدفع زيادة 100 جنيه
يبقى الفرق 150
ال150 دول هيضافوا اليه من فائض المصاريف المجمعه من حضراتكم.
ده اقتراح وهستنى الرد من حضراتكم.
وجزاكم الله خيراً.

[your mind]

ربنا يوفق

والله غردقه مطروح اهو كلو وجع قلب

مافيش احلى من قعده البيت والانتخه والنت والاكل والنوم

تم التصويت الغردقه طبعا

[mohamed ali]

مبادرة طيبة جدا منك يااسلام وحمد لله ع سلامتك نورت المنتدى

بص ياسلوم اولا انتا بتقزل المكان حيكون جديد اوك

فى كلا الحالتين حيكون جديد مش حتفرق غير فى مطروح الفندق حيكون هو هو

ولكن الوادى حيتغير يعنى حيكون جديد علينا وع المعدين ولو حلصت دربكة حيكون علينا وع المعدين

فى الغردقة هى هى بردو مكان جديد بس هنا فى وادى جديد وفندق جديد

فا مش حتفرق حكاية منقطة جديدة لانك فى الحالاتين انتا حتروح مكان جديد والشغل حيكون من الاول

ثانيا ودا الاهم

انتا بتقول اننا نجمع للناس اللى مش قادرة تدفع تمام بس اييييه ضمنك ان الناس دى ترضى تدفع

انا عن نفسى لو مش معايا مش حخلى حد يدفعلى جزء مش مشروع تخرجى وفى ناس مش حتقول حتى

لقائد المجموعة حتى هو مش عايز حد يدفعلة وانتا شوفت ان الزيادة دى لانتساب حيكون اكبر يعنى لو المشروع بى

بى 750 زى ماقولت(والدكتور قال دى للفندق والموصلات فاضلك الوجبة ) زود عليها 100 جنيةللانتساب يبقى الراجل حيدفع 850 جنية وغير مثلا 100 مصاريف اكل وممكن يجيبة معاه ومصروف ايدة يبقى مثلا 950

يعنى ممكن تصفى معاه ع 1000

-مش لو دفع 600 حنية كحد اقصى ووفر الباقى ياخد بها كورس برامج يكون احلى-

انا عايز اقدر ظروف زميلى هو مش عايز حد يدفعله انا زى ماقولتك انا حتحرج اقول للقائد وتخليل لو القائد بنت مثلا

قابل بقا

وفى النهاية ممكن تلاقى واحد دخل للدكتور وقاله انا مش حقدر ادفع تبقى خلاص خلصت على راى "دكتور على"



وبعدين وادى الرمل حيكون فى شغل جامد مش مستهلة يعنى

[esraa marey]

ربنا معاكم ويوفقكم
ترحوا وتجيوا يالسلامة
بس انا لو منكم اختار الغردقة
دا التغير مطلوب

[MUHAMED SAMY]

مطروووووح
ليه تدفع اكتر لما ممكن تدفع اقل
إسلام الناس خنقت احمد حسنى
فى لم فلوس الخرائط السنة اللى فاتت
ودكتور على ذكى مؤيد لمطروح
وبالعقل كده
ان اللى هيقدر يدفع فلوس مطروح هيقدر يدفع فلوس الغردقة
لكن العكس موش صحيح
والدكتورقال ان مطروح امان
و بيوفرولنا عربية اسعاف جنب الفندق
وزى ما قال محمد على انا مش مطلوب منى فلوس المشروع بس
انا لسه مخدتش برامج اللى هى 390 جنيه تقريبا
gis لو حبيت تاخده ب 2000 جنيه تقريبا
انا عايز اطلع رخصة سواقة ب350:500 جنيه
عايز اخد icdl
انـــــــــا حياتى مش الكلية بس
وبصراحة يعنى انا مش هخلى حد يدفعلى لو حكمت انى مطلعش المشروع

ووادى الرملة هيكون جديد ع الكل

وبدل ما نستنى خصومات من هنا ومن هنا
مطروح احسن
ولو من الممكن فوج مطروح وفوج الغردقة
يبقى تم ارضاء الطرفين
وتم اتعاب
المشرفين

يـــــاريــت الـــناس تــكــون عارفه اننا
مـــش طــالــعــيــن
رحـــلـــة

[Horiaa Swedan]

الله ينور موضوع رائع بجد وعرض ممتاز زى معودتنا ديما يا اسلام جزاك الله خير وعوده طيبه

ويارب تروحوا وترجعوا بالف سلامه باذن الله وانا والله فرحانه اووووووووووى مطروح غردقه اى حاجه بس بره اسكندريه

بالتوفيق

[MUHAMED SAMY]

السلام عليكم

بتمنى من
هبة..كريم..حورية
غلق الموضوع او ياريته وضعه فى الارشيف
او حذفه
لعدم اهميته

"بقيت اتنرفز لما اشوفه"

[e4e]

السلام عليكم

بتمنى من
هبة..كريم..حورية
غلق الموضوع او ياريته وضعه فى الارشيف
او حذفه
لعدم اهميته

"بقيت اتنرفز لما اشوفه"

والله يا سامى انا مش شايف انه من حقك انك تقول ان الموضوع لا اهمية له ولو بينرفزك محدش غصب عليك تقراه او تشارك فيه
الموضوع يا سامى مش مقتصر على الاختيار بين مطروح والغردقة حتى ان التصويت له فترة محدودة وهيغلق تلقائياً .. أقرى العنوان هتعهرف ان الموضوع بيتكلم عن كل شىء عن المشروع .
فياريت تفكر شوية ابل متكتب حاجة ممكن تزعل حد منك.

[MUHAMED SAMY]

والله يا سامى انا مش شايف انه من حقك انك تقول ان الموضوع لا اهمية له ولو بينرفزك محدش غصب عليك تقراه او تشارك فيه
الموضوع يا سامى مش مقتصر على الاختيار بين مطروح والغردقة حتى ان التصويت له فترة محدودة وهيغلق تلقائياً .. أقرى العنوان هتعهرف ان الموضوع بيتكلم عن كل شىء عن المشروع .
فياريت تفكر شوية ابل متكتب حاجة ممكن تزعل حد منك.

سو سورى ياسولم

[mohamed ali]

السلام عليكم

بتمنى من
هبة..كريم..حورية
غلق الموضوع او ياريته وضعه فى الارشيف
او حذفه
لعدم اهميته

"بقيت اتنرفز لما اشوفه"

لا ياسامى مش عشان انتا بتنرفز خلاص

عيب يعنى انتا كبير لا انا شايف ان الموضوع بيطرح مكان للمناقشة حتى لو انعدم فى الكلية