ارجوكم سعدونى

[مشتاقه للجنه]

بسم الله الرحمن الرحيم
السلام عليكم ورحمه الله

انا هبه عادل زملتكم فى شعبه نضم المعلومات
انا حصلتلى حادثه قبل العيد وطبعا مبرحش الكليه بس انا الحمد لله امتحنت مع دكتور محمد راشد المشكلات وبجد انا بشكر حضرته جدا جدا انا وولدتى ربنا يجزيه خير
انا دلوقتى طلبه مسعدتكم فى انكم تفهمونى حاجات منها هى دكتوره ايمان ح تعمل امتحان شفوى فى النظم زى بتاع السنه الى فاتت ولا لاه وازى ح نجاوب على
كراسه الاسئله دى انا مش عارفه احل اى حاجه فيها وح تتسلم امته

وهو دكتور ممدوح ح يستلم الكراسه الاسئله مع الامتحان ومعلش هو انا حضرت لغيت المحاضره الخامسه الى هى بعنوان وادى النيل ودلتاه الى اخدنا فيها خزان اسوان والسد العالى ممكن اعرف وصلنا لغيت فين والى يقدر ينزل المحاضرات ينزلها والاسئله الى فى الكراسه الى مطلوب فيها رسم ح نرسم عادى ولا على كانسون وتحبير
وممكن تفهمونى البحث بتاع النفيات اعمله ازاى علشان طبعا انا مسلمتوش وسمعت انه مش بيتعمل من على النت
معلش اخر طلب انا عارفه انى غلست عليكم بس اغزرونى انا فى السكشن مع استاذه ناهد ممكن لو فى حد معايا يقولى اخدنا ايه والمطلوب مننا تسليمه انا حضرت اخر مره يوم6/11 قبل الحادثه بيوم لو فى حاجه جديده بلغونى بيها وممكن تشرحولها ظروفى يوم السبت علشان الغياب انا اجزتى خلصت يوم الخميس بس لسه مش بقدر امشى كويس ادعولى ربنا يشفينى وارجوكم سعدونى وردو على اسئلتى مستنيه اجبتكم

[esraa marey]

ربنا يشفيكى ياهبة
وترجعى بالسلامة زى الاول واحسن
ان شاء الله حد من زميالك معاكى يرد عليكى

[مشتاقه للجنه]

شكرا ليكى يا اسراء يارب حد يرد عليه علشان انا محتاره

[MUHAMED SAMY]

http://www.facebook.com/pages/d-hbt-qtb/54512802116#!/pages/2011-Mesa7a-w-Gis/160555940624976

انا كمان حطيت الموضوع الفيس بووووك
لكن للاسف مفيش
ادنى تفاعل

خير ان شاء الله

ربنا يشفيكى

[ضوء القمر]

ألف سلامة عليكي يا هبة وان شاء الله تقومي بالسلامة ومتقلقيش ان شاءالله حد يرد عليكي من اخواتنا هنا.

[مشتاقه للجنه]

جزاك الله خير يا محمد وان شاء الله حتابع على الفيس
شكرا ليكى يا ضوء القمر

[حنين الحياة]

الف سلامه عليكي ياهبه.....والله كان نفسي اساعدك بس انا في تانيه....باذن الله هتلاقي حد بساعدك

[مشتاقه للجنه]

الله يسلمك يا حنين.... شكرا ليكى

[esraa marey]

انا شاء الله يا هبه انا بكرة نزلة الكلية ححاول اسئلك
لو محدش رد

[Horiaa Swedan]

لا حول ولاقوه الا بالله ايه يابيبو اللى حصلك ده بس وامتى والله محد قالى ولا اعرف الف سلامه عليكى ومتقلقيش من حاجه ارتاحى انتى وكله حيدبر باذن الله

انا عارفه انى مقصره بس انا زى زيكم حاجات كتير معرفهاش فى القسم عشان كده حجوبك على قدر استطاعتى والله المستعان


اولا:دكتور ايمان محددتش امتحان شفوى لحد دلوقتى ومعظم السكاشن اتلغت عشان المعمل فى قصور واللى اشتغل من السكاشن ماخدش كتير يعنى من بعد العيد سكشنين فقط على العلم انى سمعت ان اول سبت بعد العيد اتلغى فى السكاشن كلها لان المعمل كان فى صيانه

يعنى مخدناش الاسكشن واحد ومفيش اى معيد قال ان فى شفوى
بالنسبه لكراسه الاساله بتاعت الجى اى اس احنا لحد دلوقتى مخدناش من الاساله دى اى شئ عملى حتى البافر او انتاج الحرم مش موجود على ما اعتقد لكن ممكن نكون اخدنا فى النظرى مع الدكتور يعنى معتقدش فى تسليم واحنا لسه مطبقناش عملى



ثانيا: بالنسبه لامتحان دكتور ممدوح فزى مانتى عارفه انه يوم التلات باذن الله فى اشعات بتقول اننا حنسلم الكراسه لكن الدكتور مقالش لكن شعبه مساحه سلمتها فى الشفوى انهارده وقالوا انهم جابوا الاجابات من النت فلسه احنا مستنين بكره باذن الله نعرف اخر الكرسات دى

لكن الاكيد اننا اخدنا سكشن مع أ/شيماء فى ماده مصر وطلبت 6 خرايط لمصر من النت اللى اعرفهم منها 4
خريطه توضح مناخ مصر فى الصيف-واخرى للشتاء
خريطه توضح الرياح فى الصيف-واخرى للشتاء
مش عارفه الخريطين التانين ايه
وعندنا سكشن تانى باذن الله خلال الاسبوع ده



ثالثا: انا سكشن أ/شيماء فمش حقدر افيدك فى حكايه السكشن

رابعا :موضوع البحث بتاع النفايات

اولا ياقمرايه ده تقرير مش بحث وبيتكلم عن النفايات كل واحد بيكتب عن المنطقه اللى بيسكن فيها
مثال :انا سكنه فى سيدى بشر ابداء اكتب هل القمامه بتشكل مشكله فى منطقت سكنى ولا لاء لا كان بيها اقول لاء واقول ليه لا عشان فى وعى مستوى المعيشه مرتفع المستوى التعليمى مرتفع وهاكذا وده من رابع المستحيلات ان تلقى منطقه مفيهاش مشكله
الخيار التانى انك تقولى اه والله عندنا مشكله مثلا فى مقلب زباله على اول الشارع
الزباله عملتلنا تلوث بضايقنا واحنا ريحين واحنا جين
والله الناس بتسرق جرادل الزباله اللى بتحطها الشركه وهكذا

مجرد بتعرضى فكره عامه عن السلوك المتبع فى منطقه ومدى مستوى التعليم والمعيشه لانها المحرك الاول
ولازم ترفقى التقرير بصور لمقالب الزباله ومظاهر التلوث والتقرير ده مش بيكون كبير يعنى 5 ورقات بالكتير

وربنا معاكى ياقمره ويقومك بالسلامه