شاب مصري ينشئ صفحة على الفيس بوك ليعلن أنه أول منتحر في 2011 لتدهور الأوضاع

**mohamed ali** · 01-02-2011, 04:33 PM

طيب بصو الصور دى اتاخدت من حوار ليه

وكمان اخر كومنت للبيدج دا الجمعة الساعة 10.19

**amr mohammed** · 01-02-2011, 10:50 PM

الحوار ده مش بجد يا جماعه الناس عملة كومنت و حطة صور الهلال مع الصليب يعنى بعد الحادثة

**الورده البيضاء** · 01-03-2011, 12:11 AM

اولا الف شكر ليك يامحمد على التوبيك
ثانيا انا طبعا مش مصدقة الموضوع دا نهائى
لعدة اسباب
اولها
وهو يعنى اما يبقى فى حد عايز ينتحر بيعلن خبر انتحارة؟؟؟؟؟؟؟؟

وكمان دا مش شخص عادى
دا شخص هو فاهم كويس اوى هو بيقول اية

ودا انسان فاشل
لو كان انسان كويس كان عرف ازاى ينجح فى حياتة ويسلك الطريق الصح
وميقدرش يعمل الانفجارات اللى حصلت دى كلها
وحتى لو كان هو فعلا
استحالة يكون لوحدة
اكيد وراه حد
والصفحة دى ماهى الا تموييييييييييييه عن الحادث

عشان تسل حادثة انتحار شاب مختل عقليا

وانا مش مصدقة ابدا البيدج دى
الموضوع اكبر بكتير من شاب مصرى
مش لاقى شغل ولا متوفرالة حياه

حسبى الله ونعم الوكيل فى اللى كان السبب
واللى عايز يشعل نار الفتنة فى مصر
هدفهم الفتنة والحرب الداخلية
عشان مصر تضعف سياسيا وياخدوها بكل سهولة
ياريت منديهومش الفرصة انهم يوصلوا لهدفهم
ويحققوا اللى هما عايزينة

فى الاول والاخر كلنا مصريين
وبنحب البلد دى

وربنا يستر فى اللى جى

**MUHAMED SAMY** · 01-03-2011, 12:52 AM

هى الصفحة الاولى
مش متفبركة تقريبا لان اللى قرأ اللى فيها
هيلاقى الوقت قبل الحادثة "بربطها بحادث الاسكندرية"
بس اللى عمل البيدج قال انه راح جامعة القاهرة
"ممكن تمويه"
وممكن يكون تصادف فكرة عمل البيدج مع الحادثة ولكنه صعب

لكن دلوقتى ع الفيس
فى تانى وتالت ورابع حاذثة انفجار(أسماء صفحات)
وانا مش هنتحر فى 2011
وهبل كده

لكن اول بيدج بصراحة يتحط تحتها مليووووووووووون خط

الدمـــــــــــــــاغ اللى عملت كده
رهيبة

(وكل حاجة ليها ثغرة وانه يكون لعب فى الوقت على البيدج
ولكنى شايفه صعب)

**ضوء القمر** · 01-07-2011, 02:15 AM

أولا أزيكو جميعا أنا عارفة اني بقالي مدة مدخلتش ومشاركتش بس معلش بقي ظروف ثانيا شكرا يا محمد علي الموضوع ده وعلي فكرة أنا فعلا كنت متابعة الموضوع ده علي الفيس ولاقيت واحد كاتب انه بعد ما وصل لاكونت وباس وورد صاحب البيدج عرف انه أصلا مش من مصر ده من اسرائيل في منطقة في تل ابيب وليه كذة صفحة باسم اول انتحار في 2011 وتاني انتحار في 2011 وهدفه من كده انه يزرع اليأس في الشباب المصري ويخليهم يفكروا في الانتحار ده غير الكومنت بتاعه بعد انفجار الكنيسة والتوقيع بين المسلمين والمسيحيين بصراحة مش مقتنعة برضو بالكلام ده حاسة ان الموضوع كله فبركة ومعلش طولت عليكو.

الموضوع: شاب مصري ينشئ صفحة على الفيس بوك ليعلن أنه أول منتحر في 2011 لتدهور الأوضاع

أدوات الموضوع

عرض

العرض المتطور

الكلمات الدلالية لهذا الموضوع

المفضلات

المفضلات

ضوابط المشاركة