السجن خمسة اشهر لضابط الشرطة المعتدى على رئيسة قسم الجغرافيا جامعة الزقازيق

**Ahmed Waheed Shalaby** · 01-03-2011, 11:06 PM

عاقبت محكمة جنح الزقازيق اليوم، برئاسة المستشار وسيم كامل، الملازم أحمد محمد عبد اللطيف، الضابط بنقطة شرطة دهب مديرية أمن جنوب سيناء، بالحبس 5 أشهر مع الشغل والنفاذ وألزمته بدفع تعويض مبدئى 5 آلاف جنيه، لاتهامه بالاعتداء على الدكتورة نوال حامد رئيسة قسم الجغرافيا بكلية الآداب جامعة الزقازيق أثناء اكتشافها تواجده داخل قاعة المحاضرات.

ترجع أحداث القضية إلى قبل أسبوعين عندما ذهب المتهم لرؤية خطيبته بالفرقة الثانية فى قسم الجغرافيا بكلية الآداب، داخل قاعة المحاضرات، وجلسا معاً فى آخر مقعد، وأثناء ذلك تلاحظ انبعاث دخان كثيف من آخر المدرج، وشكت الطالبات من وجود شخص غريب يدخن بشراهة ما شتت تركيزهن، فأسرعت الدكتورة لاكتشاف الأمر وطلبت الكارنيه الخاص به، فرفض ونشبت مشادة كلامية بينهما تطاول المتهم خلالها بالألفاظ الخارجة على الدكتورة وهددها.

عبرت الدكتورة نوال عن فرحتها العارمة بالحكم، وأكدت أنها كانت واثقة فى نزاهة القضاء المصرى، وأن الحكم رد لها كرامتها، فيما أكد الدكتور محمد العوضى محامى الضابط أنه سيستأنف الحكم.

المصدر: اليوم السابع

الف مليون مبروك يا دكتورة نوال فؤاد حامد

رئيسة قسم الجغراقيا بجامعة الزقازيق

**mohamed ali** · 01-03-2011, 11:32 PM

انا مش عارف اييييه اللى حصل فى التعليم يعنى خلاض زنقت اوى

عشان يقابلها فى المحاضرة

**Ahmed Waheed Shalaby** · 01-03-2011, 11:54 PM

المشاركة الأصلية كتبت بواسطة mohamed ali

انا مش عارف اييييه اللى حصل فى التعليم يعنى خلاض زنقت اوى

عشان يقابلها فى المحاضرة

اساسا يا محمد هو مش شغال فى الجامعة
دة هو ضابط فى نقطة شرطة دهب
ازاى دخل الجامعة اساسا ومين اللى سمح لة انة يدخل ؟!

**smart girl** · 01-05-2011, 01:34 PM

المشاركة الأصلية كتبت بواسطة Ahmed Waheed Shalaby

اساسا هو مش شغال فى الجامعة
دة هو ضابط فى نقطة شرطة دهب
ازاى دخل الجامعة اساسا ومين اللى سمح لة انة يدخل ؟!

لااااا دة أسهل حاجة على فكرة يا أحمد اى حد ممكن يدخل.. فجامعة اسكندرية احيانا بنشوف اطفال لطيفة خالص جُم ازاى ودخلوا منين منعرفش ... الحمدلله ان اخد جزائة

**Ahmed Waheed Shalaby** · 01-05-2011, 10:41 PM

المشاركة الأصلية كتبت بواسطة smart girl

لااااا دة أسهل حاجة على فكرة يا أحمد اى حد ممكن يدخل.. فجامعة اسكندرية احيانا بنشوف اطفال لطيفة خالص جُم ازاى ودخلوا منين منعرفش ... الحمدلله ان اخد جزائة

تمام يا سمارت ما انا عارف انة اسهل حاجة
ايام دراستى فى الجامعة كان اى حد فى الدنيا يقدر يدخل الجامعة
بس المفروض الحرس دة مش واقف منظر كدة وخلاص المفروض يكون لية دور ويشوف شغلة
شكرا على مرورك الكريم

**KAREEM** · 01-03-2011, 11:38 PM

قضاة مصر
الحاجه الوحيد الشريفه
اللى مازالت قائمه فى مصر
ولو انهار القضاء لانهارت مصر
العمود الوحيد اللى مصر واقفه عليه حتى الان

وطبعا على رأى محمد على
زنقت معاااه اوى يعنى يروح يقابل خطيبته فى الكليه

دى لو حصلت عندنا فى القسم
كان دكتور بكير ظبطوووووو
الله يمسيه بالخير

**Ahmed Waheed Shalaby** · 01-03-2011, 11:57 PM

المشاركة الأصلية كتبت بواسطة KAREEM

قضاة مصر
الحاجه الوحيد الشريفه
اللى مازالت قائمه فى مصر
ولو انهار القضاء لانهارت مصر
العمود الوحيد اللى مصر واقفه عليه حتى الان

وطبعا على رأى محمد على
زنقت معاااه اوى يعنى يروح يقابل خطيبته فى الكليه

دى لو حصلت عندنا فى القسم
كان دكتور بكير ظبطوووووو
الله يمسيه بالخير

اتفق معاك يا كريم فى كلامك عن القضاء
بس يارب ما تحصل عندك
لان الموقف مش سهل دكتورة تهان امام الطلبة فى قاعة محاضرات دى حاجة كبيرة

**الورده البيضاء** · 01-03-2011, 11:41 PM

لا حول ولا قوة الا بالله
ههههههههههههه

**Ahmed Waheed Shalaby** · 01-03-2011, 11:59 PM

المشاركة الأصلية كتبت بواسطة الورده البيضاء

لا حول ولا قوة الا بالله
ههههههههههههه

شكرا على مرور حضرتك
نورتى التوبك

**Mohamed Gaber Aly** · 01-03-2011, 11:59 PM

والله القضاء بتاعنا مظلوم انا مش عارف حيلاحق على ايه ولا على ايه بالظبط

على الحراميه ولا قتالين القتله ولا على مشاكل الوزراء الحاليين والسابقين ولا على الظباط ولا على مين ولا على مين

والله مهنه صعبه جدا ربنا يكون فى عونهم ويثبتهم دائما على الحق

الموضوع: السجن خمسة اشهر لضابط الشرطة المعتدى على رئيسة قسم الجغرافيا جامعة الزقازيق

أدوات الموضوع

عرض

العرض المتطور

السجن خمسة اشهر لضابط الشرطة المعتدى على رئيسة قسم الجغرافيا جامعة الزقازيق

الكلمات الدلالية لهذا الموضوع

المفضلات

المفضلات

ضوابط المشاركة