الفوائد الحكومية لما تحرق نفسك !!!

[KAREEM]

أحمد عز:
حل مشكلة حرق الناس لأنفسهم زيادة أسعار البنزين

بطرس غالي:

فرض ضرائب جديدة على أسرة كل شخص يحرق نفسه بالبنزين

وزير البيئة:

حرق المواطنين لأنفسهم هو سبب السحابة السوداء

وزيرة العمل:

حرق المواطنين لأنفسهم يوفر فرصة عمل جديدة للشباب ليعملوا كرجال إطفاء.

أحمد نظيف :

الشعب لا يعرف مصلحته والدليل سوء استخدامه للمنتجات البترولية

رشيد محمد رشيد:

استيراد المزيد من البترول بعد إرتفاع استهلاكه في حرق الناس لأنفسهم.

صفوت الشريف:

مصر أكبر من كل عمليات الابتزاز السياسي ، ومشعلوا النيران عديمو المسئولية

تامر أمين:

حرق المصريين لأنفسهم بسبب التقليد الأعمى


شيخ الأزهر:

من يحرق نفسه آثم شرعا ، ولا يجوز إطفائه على سبيل التأديب


حبيب العادلي :

لا يجوز لأكثر من ثلاثة مواطنين حرق أنفسهم في الأماكن العامة.

فتحي سرور :
على الموافقين على إصدار قانون لتجريم حرق المواطنين لأنفسهم رفع يده

جريدة الأهرام :

إضراب رجال المطافيء و مطالبتهم بزيادة أجورهم ويشتكون من كثرة الحرائق المطلوب منهم إطفائها.

عبد الله كمال :

المواطنون الذين يحرقون أنفسهم ليسوا مصريين ولكنهم عناصر مندسة من حزب الله وإيران هي التي تقوم بتمويلهم.

جريدة الأخبار :

مصر تستورد كميات كبيرة من أجهزة الإطفاء.

هيلاري كلينتون :

الولايات المتحدة الأمريكية تطالب بحماية المواطنين من إحراق أنفسهم وتدعو النظام المصري لإتخاذ إجراءات تقلل من الغضب الشعبي.

أحمد أبو الغيط :

إحراق المواطنين لأنفسهم شأن داخلي ، وكل مواطن مصري حر في إشعال النيران بنفسه

باراك أو...باما :
أمريكا ترغب في وضع قواتها العسكرية في مصر لحماية الأجانب والأقليات من دخان الحرائق التي يسشعلها المصريون في أنفسهم.

بنيامين نتانياهو :

لن نعود لمائدة المفاوضات قبل أن يتوقف المصريون عن حرق أنفسهم.



إيهود باراك :

حرق المصريين لأنفسهم يهدد سلام وأمن الشرق الأوسط.

رسالة من: علي سليمان

لما قريتها حسبتها بجد

بس طلعت هذار

حبيت انقلها لكم عشان

نبقى عرفنا التصريحات قبل نزولها بيومين

مش بعيد والله

[MUHAMED SAMY]

هههههههههههه
دماغة عالية اللى عاملها

[m.alghrbawy]

رائــــــــــــــع
بس انتا ايه رايك فى الموضوع ده بجد يا كريم

[KAREEM]

هو طبعا كل واحد فينا مؤمن من داخله
ومتأكد انه عمره ما حيعمل كدا

بس احنا محطناش مكاننا مكان الناس دى فعلا
لو كنا مكانهم
كنا حنصبر ونعمل زيهم
ولا كنا ممكن نفكر زيهم كدا
!!!!!!

دا السؤال اللى مش لاقى له اجابه
ومش حلاقى له اجابه الا اما اكون مكانهم

ومع ذلك حتى الان طبعا انا ضد دا نهائى
لانه فى الاول وفى الاخر كفر
ومش متصور نفسى اعمل كدا مهما كان
ومعظم اللى شوفتهم نجو من المحاولات
ناس مشاكلهم موصلتش للدرجه اللى تخليهم يعملو كدا

[ضوء القمر]

علي فكرة وأنا بقراها بحسبها بجد فعلا بس جميلة جدا يا كريم وكلامك صح لأن ده كفر بربنا وربنا يكفينا شر ده.

[KAREEM]

هههههههههههه
دماغة عالية اللى عاملها

دماغ متكلفه يا سامى والله فعلا

[KAREEM]

علي فكرة وأنا بقراها بحسبها بجد فعلا بس جميلة جدا يا كريم وكلامك صح لأن ده كفر بربنا وربنا يكفينا شر ده.

والله المفروض الشعب يولع فى الظلمه
ميولعش فى نفسه يا ضوء كمان

شكرا لمرورك

[الورده البيضاء]

[CENTER]لا حول ولا قوة الا بالله العلى العظيم
مفيش حاجة فى الدنيا تخلى الواحد يحرق نفسة او ينتحر او يرتكب اى حاجة زى دى فى حق نفسة
استغفر الله العظيم يارب
دى ناس ايمانها ضعيف
بدل ماتخسر اخرتها تفكر ازاى تصلح من حالها
استحالة طبعا لو كنت مكانهم اعمل فى نفسى كدة ياكريم
مفيش اى حاجة فى الدنيا تستاهل انى اموت نفسى
حتى لو كان الظلم
لو كان فى ظلم ففى رب موجود
استعين بالله وهو ان شاء الله يقف جنبى
لكن الناس دى معملتش كدة
لالالالالالالالالا
استحاااااااااالة اعمل كدة
جزاك الله خيرا ياكريم
وجعلة فى ميزان حسناتك

[حنين الحياة]

ولسه هنشوف....................موضوع جامد يا كريم.........وربنا يستر

[sandra_sa]

[جميله اوى فعلا الى يقراها يحسها بجد بس مش عارفه انتو ليه مصدقتوا كده المفروض ما نبقاش كده مش اول ما العجل يقع كله يسن السكينه كده