حوارات طنط جمالات

[smart girl]

سالخيـــر عليكوا .. أحم أحم .. يارب يا سااااااتر

حبايبى الحلوين تامر وشيرين والف مبروك للعروسين وعلى بدلة حمادة و بدلة ميادة

وصلنى كل ايميلاتكوا و الس ام اس بتاعتكوا وهنرد على كل الاستفسارات إيشاء الله

قبل ما ندخل فحلقتنا ياريت االلى نازل طالع بالموس >>هاتلنا كيسين فشار وشوية لب عشان القعدة هتحلو وانتى حببتى اعملنا شوية شاى سكر برة <<

هنتكلم انهردة عن

الحب

الله يخربيتك ياروميو انت وجوليت ويحرق قناة مولتى اللى فاتحت عيون الولاد والبنات

يلااا الكل يتصل بينا ويقول كل اللى عايزوة لأختة الحبيبة المحلوبة وانتى يا سهوتة اتصلى وقولى كل اللى جواكى لان التعبير دة مهم جدااااا .. مش التعبير بتاع ابلة سوسن فصل تلتة اول لاء التعبير اللى هو الفضفضة وعلى فكرة

البحر اهوة والبت منى شربت اللمون واطرئت ونزلت تعوم عوم كلابى ..فرصتك .. ايامك معضوضة .. والحرب خودعة .. إذن لابد ان نذهب الى يثرب

طنط جمالات : واول اتصال لفلافونى ونقول الون

؟ : الو

طنط جمالات : اتعرف بيكى

؟: ف. م

طنط جمالات : اهلاااا بيكى يا ف . م منورة فحورات طنط جمالات قولى اللى جواكى

ezay-tefakry.jpg

ف. م : انا يا طنط جمالات مخطوبة وبحب خطيبى وهو كمان بيحبنى بس هو بتاع بنات وبيعقد يهزر معاهم ويكلم دى ويسلم على دى ويخرج مع دى

طنط جمالات : اممممم عينة زايغة يعنى ؟؟

ف. م : اةة بالظبط وكل الفون بوك بتاعة بنات

طنط جمالات : بصى احببتى دة بطوبة وبالنبلة وفعينة عدل .. الحل يا ف

ان تخليى مجنون بيكى

حاولى انك متدديش اهتمام لموضوع البنات دة .. يجى يتصل بيكى متردتيش

يقولك مردتيش لية قوليلوا مكنتش سامعة .. الموبايل كان فى بوء اخويا الصغير

خليكى كل شوية فحال شوية تكونى كويسة شوية طنشية شوية تحبيى .. بحيس انة ميعملش اى حاجة فحياتة غير انة يفكر فيكى وميديش اى اهتمام لاى حد غيرك وقبل كل دة ادعيلوا بالهداية

تنتر استانت ولا مش استانت وهتتعبينا ...؟؟

طنط جمالات : و اتصال تانى ونقول الون

؟: الو

طنط جمالات : اتعرف بيكى

؟ : م.م

طنط جمالات : منورة يا م فحورات طنط جمالات .. الكيلاس كلة معاكى

م. م : انا كنت مرتبطة بواحد أكبر منى بسنة هو بيحبنى وانا كمان بحبة جدا ومرت علينا ايام حلوة كتير وكنا متفقين اول مايخلص كليتة يجيى ويتقدملى بس بعد ماخلص لاقيتة اتغير معايا وبقى مستهتر ومجاش يتقدملى واعدت كتير مستحمالة لحد ما قررت انى ابعد عنة لانة حسسنى انة مش قد المسئولية ومشاعرة كانت من ناحيتى مشاعر واهمية

طنط جمالات : كونتينيون يا م

م. م : خلال السنة الاخيرة بتاعتى كان فى حد معجب بيا وكان معايا من سنة اولى وانا كنت برفض لانى كنت مرتبطة بس هو كان دايما قريب منى هو انسان محترم وظروفة المادية كويسة وانا بدائت انى افكر فى وفعلاا حبيتة وبدأنا نتكلم فتفاصيل الارتباط رسمى

طنط جمالات : البوروبلوم فين ؟؟؟

م. م : لاقيت الانسان الاولانى بيكلمنى وبيعتذرلى ان وقتها كانت حالتة مش كويسة ودلوقتى ظروفة اتحسينت وميقدرش يعيش من غيرى وعايز يتقدملى

طنط جمالات : ياااااا سكر ..عثل عثــــــــــل

م. م : انا اعمل اية دلوقتى ارجع لحبى الاولانى وأظلم الشخص التانى ولا اكمل مع الشخص اللى بيحبنى وبدأت احبة ؟؟؟؟

طنط جمالات: افضل حل انك تتعرفى على حد تالت خالص وتكون التالتة تبتة.. أو..اللى يتقدم الاول هو اللى هيكسب معانا ويتصل ب 0900009999

استفتى قلبك يا م وسدئينى هو هيدلك واختارى وبعدين صلى صلاة استخارة

وربنا يحميكى من الميكانيكى

طنط جمالات : واتصال تانى ونقوووول الون

؟ : الو

طنط جمالات : اتعرف بيك

؟ : أنور

طنط جمالات : اتفضل بيتك ومطرحك ياانور

أنور : البنت اللى مرتبط بيها دايما بتتخانق معايا بسبب انها مش عايزانى اتكلم

طنط جمالات : وضح اكتر ياانور ؟؟

أنور : يعنى لما اقول راى بصراحة ان الناس فالشارع تعبانة والشباب حالهم صعب والوزير لما ...

تتيت تيت تيت

طنط جمالات : للأسف الإتصال انقطع

بس انا فهمت مشكلتلك وبوجهلك رسالة :

متتفرجكش على قناة الفطيرة يا أنور عشان الحياة تبقى سكر ومكسرات

طنط جمالات : ومعانا اتصال ونقول الون

؟ : انا هقول مشكلتى بسرعة

طنط جمالات : طيب من غير مانتعرف

؟؟ : مفيش وقت .. مفيش وقت

طنط جمالات : انت هربان ولا ايــــــــــة ههههاى

؟؟ : انا بحب واحدة وعايز اتجوزها بس لسة مقولتهاش وحاسس ان هى كمان ممكن تكون معجبة بيا .. بس خايف اقولها يطلع احساسى غلط وان انا مش فبالها واخسرها للابد وانا فالحالتين متعذب .. اعمل اية ؟؟

طنط جمالات : بص يا مجهول افندى لازم تقولها وتصرحلها بمشاعرك لان الخطوة الاولى دايما من الولد وهى ممكن تكون مستنية انك تعترفلها .. وهى مش هتقضيها انتظار اكيد هتبقى عايزة تحب وتتجوز .. واذا انت كنت مش فبالها فانت برضو الكسبان انك حددت موقفك معاة وتشلها من دماغاك ..

واتمنى ميتقبضتش عليك وتقدر تهرب

طنط جمالات : اخر اتصال معانا نقووووول الون

؟ : الو

طنط جمالات : اتعرف بيك

؟ : كمال

طنط جمالات : منور يا كمال فحورات طنط جمالات قولنا يلااا

كمال : انا بحب جداااااااااااا واحدة وهى كمان بتحبنى اوى وكنت عايز ارتبط بيها فالحلال بس هو فى شوية حاجات مش عارف احلها ...

طنط جمالات : زى اية يا كومال ؟؟

كمال : انها اكبر منى مش بكتيريعنى انا عندى 28 سنة وهى عندها 37 سنة بس,

هى متجوزة وعندها أحمد وأميرة ووفاء

طنط جمالات :عندها فين؟ جاين زيارة ليها يعنى؟

كمال : لاء....دول اولادها....

طنط جمالات :

كمال : واحنا رغم اننا مختلفين فى الديانة الا ان....

طنط جمالات: ايةةةةةةة ياكمال .....انت مسدئت ياســـــــــــــــيد.... طبعا المشاكل اللى فاتت دى كانت

ميكى بالنسبالك .......

كمال : انا بحبها اوى واتعلقئت بيها وموضوع جوزها دة هى مش بتحبة بجد ولا بتخونة معايا بس مش عارفين ولا انا ولا هى نعمل اية ؟؟؟؟؟

طنط جمالات : طب اصل انا سايبة العيال ولسة مغدتهومش واخدوا البت اختهم رهينة و مطلعوهاش لغاة دوقت

كمال: ادة لااا تعالى هنا انتى بتهربى يا طنط جمالات ولا اية ؟؟

طنط جمالات : لااااعمرى اوعى تقول كدة بس اصل دة غدا ..عارف لو كان فطار او عشا
...ونبى مأخر عليك حاجة

دة انت روحى روحى روحى من ايام الجيزة

كمال : طيب اخلى مشكلتى اوبن بوفية ؟؟

طنط جمالات : بلوفر عليك يا كمال

ومن عمر افندى كمان

دة اوبشن فى حورات طنط جمالات ان تخلى اعضاء ومشرفين المنتدى هما اللى يرودوا عليك مش انا ..

اتمنى تلاقى تفاعل وحل لمشكلتلك مع الاعضاء والمشرفين

وكمال كان اخر اتصال معانا ويارب حورات طنط جمالات تكون عجبتكوا وتقولولى نكمل حورات طنط جمالات زى انهردة من الاسبوع الجى ولا لاء

اقعدوا بالعافية

[Ahmed Waheed Shalaby]

اكيد لازم تكملى يا طنط جمالات
لانك عندك موهوبة جميلة فى الكتابة وكمان حكاياتك شيقة وممتعة
فى انتظار ابداعاتك دائما يا سمارت

[mohamed ali]

طبعااااااااااااا تكملى بسم الله ماشاء الله عليكى ياعينى

لالالالالالالالازم تكلملى وبالنسبة للاخ كما ياعم لازم دى يعنى خلالالالالاص البنات خلصت من البلد

انطلقى ياسمارت ع بركة الله

[حنين الحياة]

بجد انتي اسلوبك تحفه وشيق جدااااااااااااااااااااااااااااا....كملي ومتابعين معاكي باذن الله

[smart girl]

بعتذر على تأخير طنط جمالات لأنها كانت معتصمة فى ميدان التحرير واضربت واتبهدلت من كتر الزحمة بس هترجع إن شاء الله ..مسافة السكة
*ميرسى لوجودك يا أحمد وعلى الشهادة " طنط جمالات علقتها فالصالون بتاعها "
*محمد على ربنا يخليك على كلامك واتمنى كمال يسمع كلامك
*حنون شرفتى التوبيك وتابعى معانا

[esraa marey]

طبعا تكملى ونصف كمان
يا بنتى انتى موهبة المنتدى
" فاكرة شعر انتخابات مجلس الشعب"