مصرى يخاف ع بلدة

[mohamed ali]

مبدئيا انا مع ان الشباب يمشوا مش عشان ان المطالب اتنفذت ... مفيش اى حاجة اتنفذت على فكرة ومفيش اى ضمانات ولغاية اخر وقت فى استهزاء واستحقار بينا وبمطالبنا والدليل .. الحكومة اللى اتقال انها هتقيل ودى كانت مجرد تعديل وزارى مش اكتر اتنين تلاتة مشيوا وحتى الوشوش الجديدة كانوا مساعدين للناس القديمة ...ولكن انا بقول ان الشباب يمشوا لان هما فقدوا الامل معانا وكل محاولتهم بتفشل
وبدءوا مرحلة التقتيل فينا

اعرفك عليا الاول
اسمى سمر عندى 23 سنة دفعت 2009 شعبة مساحة جامعة اسكندرية مليش علاقة بأى حزب من الاحزاب
مصرية وافتخر
وبقول لحضرتك ياريت الرأى دة تعيدى التفكير فى لأن شباب ميدان التحرير اللى بتقولى انهما معادين للوطن هما اللى كانوا واقفين قدام كل شارع وتحت كل بيت وبيحموا لما اتفتحت السجون وسايبوا البلطجية علينا عشان يخوفونا ويسكتونا ويعقدونا فبيوتنا .. وهما نفسهم اللى بيطالبوا بحياة كريمة ونهاية للفساد وهما اللى ماتوا شهداء ومفيش جملة واحدة ولا كلمة حتى اتقالت فحقهم فالخطاب الاخير ومينفعش احنا كمان نيجى فالاخر ونقول معادين
وعيب اوى لما يتقال ان فى قوى اجنبية وهى اللى بدمر وتكسر وبتعمل كل دة ... هاتوا السيناريو كدة من اول مالشرطة كانت بتضرب المتظاهرين وبتموتهم وانقطاع التليفونات والنت عشان المتظاهرين متتجمعش والمظاهرات ماتمش ..و الشرطة اللى اتبخرت كلها فوقت واحد وبعدها حرق السجون كلها برضو فوقت واحد فكل المحافظات "واللى من المنطقى جدااااااااااااا لو الواحد كان مسجون والباب اتفتحلة اول حاجة هيعملها هيجرى ويستخبى مش يبقى هدفة تخويف الناس " والقنوات الاولى والمصرية اللى عايشة فكوكب اخر و بتتعامل مع الشعب على انة معندوش وعي وتكدب و تجيب صور للنيل وكام واحد رايحين يتصوروا تحت مبنى التليفزيون ويقولوا نعم لمبارك ...والناس المؤيدين لمبارك واللى راحوا ميدان التحرير مش عشان يعبروا عن رائيهم ماكان فى اماكن كتير يقدروا يعبروا فيها ولكن كانت الاهداف اخرى ...وبالرغم من موقف القنوات المصرية المغيبة الا انها كانت اول قناة تقول ان فى كرات نارية هتقذف على المتظاهرين ..احداث كتير لو اتقالت هنعرف كويس جدااا مين هما المعادين
ولازم الشباب اللى فى ميدان التحرير تمشى

انا مع حضرتك بس الكلام دا مش وقتة وحضرتك حديث عمرو سليمان

قال اى حد وراء دا حيتعاقب عقاب عسيراا.

انا متفق معاكى ان الشباب يمشو عشان اهلى واهلك والحياه تعيش تانى

و الخسائر دى حرررام كده ياريت يمشو وانا مع الرئيس والاستقرار لغاية شهر 11

[mohamed ali]

ربنا يستر وتعدي الايام ديه علي خير......فاكرين لما كنا عايشين في هدوء وسلام يارب الايام ديه ترجع ومصر ترجع احسن من الاول..........اسرائيل بتقول في احد الوثائق انها هتستولي علي الوطن العربي اما تنقسم مصر لجزئين وانتم فاهمين.............بلاش الاختلاف الي موجود دلوقتي فاكروا في مصر والي بيحصل ليها واستغلال الدول التانيه الموقف..........اصبروا احنا صبرنا 30 سنه..........شوفوا حالنا الاول وحالنا دلوقتي..........شوفوا نظرتنا للدول المحتله والي بيحصل فيها لما كنا بنشفها في التليفزيون ونظرتنا لنفسينا دلوقتي

الف شكر ياحنين ع المرور

[الورده البيضاء]

الف شكر ليك يامحمد على طرحك للمناقشة
وانا معاك جدا
لازم الناس اللى فى ميدان التحرير ترع بيوتها والحياه ترجع تستقر تانى
يعنى الناس صبرت 30 سنة ومش قادرة تصبر الكام شهر دول؟
لو الناس دى صممت على اللى بيحصل دلوقتى البلد حتبوظ اكتر ماهى بايظة

[mohamed ali]

اولا السلام عليكم ورحمة الله وبركاته
شكرا زميلى على الاحترام المتبادل ولكن لى بعض النقاط لم اقصد على الاطلاق باستخفاف بعقل احد اوانى بقول انه صغير لا بس مع احترامى الشديد لحضرتك لازم تكون على الحياد يعنى نعترف ان وسائل الاعلام ذات تاثير كبير على عقول من امامها وبتكرار بعض المعلومات على المحطات الارضية الناس بتصدقها يعنى بعد غذنك لازم نعترف بتأثير الاعلام مش قصدى الاستخفاف بعقل اى حد بس فى ناس بتعرف تفصل كويس بين مشاعرها وعقلها
وانا مع حضرتك ملاحظة ان البلد خربت وحزينة اشد الحزن على بلدنا بس برده مع احترامى الشديد لحضرتك مين اللى خربها مين اللى حرق الاقسام مين اللى هرب المساجين ومسجلين الخطر مين اللى له مصلحه ان الناس تنشغل بهم اللاكل والشرب والامن وتنسى امر السلطة والفساد والوطن والسرقة والامراض والاحتكار مين اللى غيب الشرطة من الشوارع
اسمح لى زميلى اقول لحضرتك اللى عمل كده هو اللى وصل البلد للحال ده

ثانيا وبعدين اعتراضى مع سيادتك فى نقطة ان كل شى اتحقق
1* طلب تنحى الرئيس عن الرئاسة لم ينفذ هتقولى عين نائب رئيس هقل لحضرتك كويس جدا الشباب والاحزاب المعارضة وافقوا ان الرئيس يتنحى ويمسك بدلا عنه النائب بشرط تعيين لجنة من الحكماء كعمرو موسى -محمد حسنسن هيكل بعض رموز المعارضة -دكتور احمد زويل -دكتور البرادعى كلجنة مراقبة للحكومة المؤقتة الحالية عشان محدش يقول ان هيبقى فى فراغ سياسى وان البلد هتخرب وانه الوحيد اللى بيعرف يتعامل مع الامريكان والاسرائيلئن لا عمر سليمان هيتعامل معاهم كفترة مؤقتة

لا حضرتك بدل كده اصبرى افتكرى الحاجات اللى عاملها وجنبنا حروب كتير صبرنا 30سنة مش حنصبر لغاية 11 الجاى


2*طلب حل مجلس الشعب هو لم ينفذه كما طلب الشباب هتقولى هو هيستنى امر المحكمة فى الطعون المقدمة هقول لحضرتك ان المحكمة الدستورية العليا اصدر قرار بعد الانتخابات ولا اتذكر تاريخ الحكم ببطلان مجلسى الشعب والشورى ولم ينفذ القرار كعادة الاحكام فى بلدنا لم تنفذ كما ان الامر لا يحتاج لمحكمة لانه معروف عالميا ان المجلس لا يصلح ان يكون مكون اكثر اعضائه من حزب واحد ده المجلس كله وطنى

حضرتك الرئيس طلع وقال تعجيل تطبيق الطعون ورئيس مجلس الشعب طلب من رئيس التحقيق ان ياتى له بالنتائج





3* الغاء قانون الطوارئ لم يقوم بإلغاء ذلك القانون رغم ان الامر بيده لو فعل هذا لهداالناس بعض الشئ

هو لو فى قانون طوراى كان الناس اللى فى التحرير اعدت ؟؟؟؟؟؟؟؟


4*تعديل المادة رقم 76 و77 من الدستور من سيقوم بتعديل هذه القوانين مجلس الشعب والشورى الساقط شرعيتهم ام هو نفسه فقد اقترح الشباب تنحيه وينوب عنه النائب ويحل المجلس ثم تيدا مرحلة تعديل القوانين وهو لم يفع ايامن هذه الاشياء

القاء بتاع النائب قال اى مادة تانى واللى حبقوم بالتعديل اعضاء الائتلاف الوطنى " المعارضة " ونائب الرئيس


5* اما بالنسبة للتغير الوزارى هلى ترى من تغير فى الوزارة فالوزارة بها 7 وزراء من القدامى اهمهم وزارة البترول اللى صدر لها حكم بمنع تصدير الغاز لاسرائيل والقرار لم ينفذ يعنى بساعد عدوى اللى بيقتل اخويا المسلم ووزيرة القوى العاملة والله الست قامت بالقضاء على البطالة بأكملها فى البلد دى حتى مخفضتهاش دى زادت فى عهدها ولماذا لم يتم القبض على احمد عز وامثاله
ثالثا الجيش يستحيل ان يستجيب للرئيس فى ضرب الميدان اولا لان الجيش لا يقتل ابنائه فهو يتمتع بثقة كبيرة جدا لديهم ثانيا الرئيس لا يمكن ان يامرهم بذلك حتى لا يدان امام محكمة العدل الدولية بصفتة الرجل العسكرى الاول والذى له حق اصدار ذلك القرار

مقدرش ارد على حضرتك فى نقطة الاكل انا معرفهاش والله وحتى اللى اتكلموا عن ذلك غير مؤكد
ازاى تصبر على الحكومة وهى صبرة عليها 30 سنة ولم تغير شئ زميلى العزيز كن منصفا فى رايك ولا تجعل المشاعر تتحكم بك فلكل حرب ضحايا وضحايانا هم شهداء بغذن الله
والسلام عليكم ورحمة الله وبركاته
واشهد الله الواحد الاحد انى لا انتمى لاى حزب او جماعة فانا مثلى مثلكم اريد ان ارى مصر متقدمة فى جميع المجالات

انا لا انتمى لى حزب انا بتكلم من منطلق واحد خايف ع البلد اما واحد يقولك انا مش معايا فلوس اجيب لعيالى اكل يبقى احساسك اييييه

وجعينى اوى الجملة دى وحسيت ان احنا حققنا مطالبنا بس دا مش من ضمن مطالبنا

الف شكر لحضرتك

[mohamed ali]

محمد انا بشكرك على موضوعك وارائك وتفكيرك
واحب اقول للانسة اللى بتقول البرادعى يكون فى اللجنة
انى اقسمت يوم ما البرادعى يمسك اى .........اى منصب مسئول ومهم
داخل مصر هطوع واقتله لانه لايستحق اى احترام او تاييد

شكرا لحضرتك وانا مش مع حد او ماجاء مصر قال انا مستعد امسك الرئاسة تقريبا بان اوى

واللى يطلع يقول مثلا سوف نحرق الاخضر واليابس ميبأش مصرى دى خواجة

[mohamed ali]

انا بحترم اى حد تناقش مع وانا اتفرجت ع لقاء رئيس الوزراء وكلامة ع اللى حصل

و كلام النائب عمرو سليمان الصراحة احترمتة من منطلق خايف ع بلدى

ياجماعة انا مختلف مع النظام فى حاجات كتير بس بردو معا النظام فى تعميم الاستقرار

فى البلد و تقليل الخسائر عايزين تكون جمعة اصلاح بدل مانظاهر نروح ننظف الشوارع

[mohamed ali]

الف شكر ليك يامحمد على طرحك للمناقشة
وانا معاك جدا
لازم الناس اللى فى ميدان التحرير ترع بيوتها والحياه ترجع تستقر تانى
يعنى الناس صبرت 30 سنة ومش قادرة تصبر الكام شهر دول؟
لو الناس دى صممت على اللى بيحصل دلوقتى البلد حتبوظ اكتر ماهى بايظة

عتدك حق ياايمى والف شكر ع مرورك

[هدى على]

ياجماعة انا قصدى الجماعة الى فى ميدان التحرير وبيندس بينهم الخارجين عن القانون يعنى انتوا عجبكم
وقفتهم والى بيحصل. المطالب الى طلبت واديها بتتحقق والراجل قال انة مش هيرشح نفسة للرئاسة تانى مش قادرين يعنى تستنوا
كام شهر وبعدين عيب اوى لازم يمشى بشرف نعطى فرصة ولاعجبكم الناس الى بيوتها خربانة والغلابة الى بيسترزقوا اليوم بيومة ولا الحالة الى احنا فيها كل الى يهمنا اية دلوقتى مصر ذات نفسها فنحافظ عليها ونحميها

[white heart]

والله الواحد مش عارف يقول ايه
يا جماعه مــــصــــــــــــــــــــــر
لازم نقدر خطوره الموقف
لازم نشوف الموضوع كله ونربط كل الاحداث ببعض
ونعرف مين عدونا فعلا
هما عايزين كده نقعد نتكلم مين مؤيد ومين معارض
مفيش حد عرف يعمل فرقه بين مسلم ومسيحى
دلوقتى بجد صعب عليا اقول انهم نجحوا وقدروا يقسمو الشعب بين مؤيد ومعارض
ان شاء الله كل الحقيقه توضح والكل يفهم بقا
يااااااااااااااااااااااااااااااااااااااااااااارب احمى مصر ووحد شعبها واهلها

[mohamed ali]

ياجماعة انا قصدى الجماعة الى فى ميدان التحرير وبيندس بينهم الخارجين عن القانون يعنى انتوا عجبكم
وقفتهم والى بيحصل. المطالب الى طلبت واديها بتتحقق والراجل قال انة مش هيرشح نفسة للرئاسة تانى مش قادرين يعنى تستنوا
كام شهر وبعدين عيب اوى لازم يمشى بشرف نعطى فرصة ولاعجبكم الناس الى بيوتها خربانة والغلابة الى بيسترزقوا اليوم بيومة ولا الحالة الى احنا فيها كل الى يهمنا اية دلوقتى مصر ذات نفسها فنحافظ عليها ونحميها

انا مع رايك وانا كنت موجود ونزلت يوم الجمعة اللى فاتت و شوفت ان اكتر المظاهرات كان كلها اخوان مسلمين
بس بكرة الحياه باذن الله تستعيد صحتها بس ياريت المظاهرات المليونية متأثرش ع الاعمال اليومية

الف شكر ع مرورك