بالله عليكم أفيدونى أنه أفضل معهد مساحه ولا أداب جغرافيا؟

[هدايه]

السلام عليكم ورمحمة الله وبركاته

ياجماعه أنا جوزي خريج تربيه رياضيه 2004 أخد دورات في المساحه في نقابة المهندسين وهو حاليا الحمد لله بيشتغل مساح في السعوديه

هو ماشاء الله عليه لما بيحط حاجه في دماغه بيوصلها ,بيحاول يعرف كل جديد في المساحه وينمي قدراته لكن عاوز كمان ينميها علي المستوي الاكاديمي

ففكر يلتحق بمعهد مساحه بس مش عارفه أزاي هل هيبقي جامعه مفتوحه؟
طيب نظام الامتحانات هيبقي أزاي وهو بيشتغل؟
وممكن ينزل ع الامتحانات بس؟
ياريت اللي عنده معلومات يفدنى

وجزاكم الله خيرا سلفا
علي فكره احنا من الشرقيه ... أيه هو اقرب معهد مساحه؟
وممكن أقدمله انا وهو مساف

[your mind]

مش عارف اقولك ايه المعهد سنتين الاداب 4

الاداب عايزه مجهود اكبر والخريج بيكون متميز اكتر فى الخرائط والبرامج عن المعهد والخريج مابيبقاش مساح بيبقى اخصائى مساحه وخرائط ونظم معلومات جغرافيه وفى الموقع شغله زى المساح بالظبط وبيسافر برا بفيزا مهندس مساحه ... بس فى مشكله انه مافيش قسم جغرافيا ومساحه جامعه مفتوحه
المعهد تركيزه كلو عالمساحه والرسم الهندسى وبيخرج مساحين متميزين جدا فى سنتين فقط ومحتاج ان الثانويه تكون علمى مش عارف هايبقى متاح لخريجى الجامعات ولا لا وبعدين كمان الموضوع صعب جدا لانه بيشتغل والدراسه المساحيه فى اداب او معهد مساحه بتكون عايزه متابعه كبيره وحضور دائم ......

نصيحه اخويه بلاش دراسات اكاديميه وخليه يتجه نحو الدراسات الحره والكورسات ....