حجاب بعض بنات اليومين دول.×.×.× ايه رايكم؟؟؟

[احمد حسن]

الحجاب دلوقتى اصبح زى لبس الكاب للولد
يعنى اصبح بكل الالوان والاشكال والهدف منه ليس من اجل حجب رأسها ولكن عشان تغطى شعرها لحمايته من الاضرار من تراب وتقصف
الا من رحم الله
الكلام ده مش على كل البنات

[Surveyor 2007]

الحجاب دلوقتى اصبح زى لبس الكاب للولد
يعنى اصبح بكل الالوان والاشكال والهدف منه ليس من اجل حجب رأسها ولكن عشان تغطى شعرها لحمايته من الاضرار من تراب وتقصف
الا من رحم الله
الكلام ده مش على كل البنات

علي رايك والله يا صاحبي
وربنا يسترها علي بناتنا وبنات المسلمين

[tiger]

ههههههههههههه معلش يا باش مهندسه بس بحب أقول الحاجه الى بشوفها وأنا عارف أنى كلامى زى جامد ممكن يتقال أنى معقد نفساويا بس أنا بحب بس أقول الحاجة ألى عينى شايفاها ومعلش عايز أعرف هما بيلبسو كذا أشرب فوق بعض ليه

[ميرا مار]

يااااااه هى دى المشكلة ؟؟؟؟؟
ياسيدى دى موضة وساعات والله بتبقى جميلة بس المهم شوف بقى زائد كم طبقة فوق وناقص كم تحت؟
زى البيرمودا الضيق والقصير قوى دة ..
انا مش باقولهم ماتلبسوش كدة بس لو قررتى تعملى كدة ماجاتش على شعرك بقى .. عادى كل واحد حر فى لبسه
بس عارف يا اشرف اللبس فى حد ذاته مش مشكلة
يعنى لو نفس اللبس فى مجتمع اجنبى ( طبعا من غير الحجاب) هيبقى مش ملفت ... عادى عندهم

[ميرا مار]

فين يا جماعة مشاركاتكم ..
فين باقى الاعضاء
انتوا خايفين واللا ايه ؟؟

[Mimi]

انا استنيت في الأول عشان حضرتك ياباش مهندسة طلبتي رأي الشباب الأول

بس اذا بتسمحيلي أقول رأيي وأنا غير محجبة بس مش عارفه اذا هينفع أقول رأيي بكدا ولا لاء

بالنسبة للحجاب الحديث أنا شايفة انه مش بيحقق معنى كلمة حجاب ..لأن المقصود من الحجاب هو حجب كل مفاتن الجسم مش جزء منها بس والمفهوم الخاطئ عند اغلب البنات ان الحجاب معناه تغطية الشعر بس

فـ زي ما حضرتك قلتي وباقي الزملاء على البنات اللي بتضيع معنى حجابها بلبسها فهي ملهاش لازمة وفي اللي قالو أحسن من مفيش

أنا في رأيي ان الفتاة المحجبة هيا صورة لاسلامها ولو أنا واحدة عادية غير مسلمة وشفت أن مظهر الاسلام متثمل في الشكل دا مش هحترم دينها .. وفي رأيي كل بنت محجبة تعرف انها بتمثل اسلامها بمظهرها وتعرف أن الناس هيعلقو على شكلها بلبسها دا أكتر من لو كانت مش محجبة

بس على فكرة انا ليا رأي في اللبس عموما ..أنه مش لازم الانطباعات الاولى اللي تتاخد عن مظاهر الآخرين بتبقى صحيحة وكلنا عارفين ان ممكن الشخص اللي لابس لبس مخالف لمجتمعه او ملفت ممكن تبقى أخلاقه وحياته غير كدا والعكس صحيح ياما ناس بدقون وبنات محتشمات بيسيئو لسمعتهم كمسلمين وكأشخاص ..بس طبعا في كل مكان الصالح والطالح

لكن عشان الحجاب هو أحد المظاهر الدينية فاستخدامه بالشكل دا حوله من الاستخدام الديني لاستخدامه كموضة وتكملة لبس ليس أكثر ..أرجو تقبل وجهة نظري

[AYMAN GAMAL]

انا استنيت في الأول [/COLOR]

ربنا عارف اللي في قلبي انا مش بهجم عليكي يا جودي بس الحجاب فرض ملهوش دعوة بالمظهر (سواء البنت محجبة ولا لا) انا بقول كدة عشان انتي بتقولي لازم منحكمش من اول نظرة ,البنت لما بتتحجب مش بتقل في نظر الناس ابدا بالعكس بيزيد احترام الناس ليها .......

[Horiaa Swedan]

أنا في رأيي ان الفتاة المحجبة هيا صورة لاسلامها ولو أنا واحدة عادية غير مسلمة وشفت أن مظهر الاسلام متثمل في الشكل دا مش هحترم دينها .. وفي رأيي كل بنت محجبة تعرف انها بتمثل اسلامها بمظهرها وتعرف أن الناس هيعلقو على شكلها بلبسها دا أكتر من لو كانت مش محجبة

لكن عشان الحجاب هو أحد المظاهر الدينية فاستخدامه بالشكل دا حوله من الاستخدام الديني لاستخدامه كموضة وتكملة لبس ليس أكثر ..أرجو تقبل وجهة نظري

لا يقال بعد تلك الكلامات جزاك الله خيرا يا انستى

ولكن انا احب ان اضيف له كما قال احد الزملاء ان الحاجاب فرد وان ما يحدث اليوم فى الحجاب ماهى الا حرب الافكار

بمعنى " عايزين تلبسوا حجاب اوك البسوا بس على مزجنا برضو"

حرب السلام اصعب من الحروب الدمائيه

وحرب السلم هى حرب الافكار



لكن العيب مش بيجى على المحجبه وحده وانما على البيئه اللى متشكله حوليها من

اهل


ازاى اهلك سيبينك تنزلى كده جيب قصير عليه طرحه
برمودا
ملابس ملفتحه ومفتوحه



اصحاب



لازم الوعى يجى من الناس دى اولا

وفى النهايه
وكما قال الرسول صلى الله عليه وسلم
( نساء كاسيات عاريات مائلات مميلات رءوسهن كأسنمة البخت المائلة لا يدخلن الجنة ولا يجدن ريحها)

[ميرا مار]

اها ..
هو دا اللى انا عايزاه
وطبعا لازم تقولى رايك ياجودى
وانا بأيدك تماما فى رايك بالنسبة للى بتغطى شعرها بس والباقى مش فارق معاها ..
وانا نفسى كنت فى يوم مش محجبة انا اتحجبت فى الثانوى ..
ولكن انا باشوف بنات مش محجبات دلوقت لابسين اكثر احتراما من اللى مش محجبة
على الاقل مافيش ولد هيقف يقوللها فى الشارع بعلو صوته طب الحجاب لزمته ايه يا .. ويجرحها بكلمة
وعموما
انا لسة محتفظة براايى للاخر .. انا بس بتابع النقاش

[Mimi]

انا والله ياباش مهندس مشككتش في حكمه الشرعي أبدآ وانا لا شئ عشان أتدخل في حكمه الديني

انا بس بقولك ان الحجاب هو مظهر ديني ممثل للاسلام اقصد ياغالي ان البنت المحجبة من اول وهلة هتعرف انها مسلمة مش قصدي بكلمة مظهر انه موضة لا أبدآ والله وآسفة اذا اهانته بالشكل دا

بس اللي قصدته انه احد انطباعات الاسلام والواحد مننا كمسلم لازم ياخد باله من كل انطباع هيتاخد عنه تحت اسم دينه

وانا مش بعترض كمان مرة على حكمه الشرعي لكن انا شفت الباش مهندسة مها بتسأل الشباب والبنات عن حجاب البنات الحالي وأنا على هذا الاساس جاوبت في الناحية دي بس