حجاب بعض بنات اليومين دول.×.×.× ايه رايكم؟؟؟

[sarah]

اراء الشباب كلها صحيحة
بس الوم على البنات اللى مش فاهمة الدنيا صح وان هية مش عارفة ان الدنيا عبارة عن بوابة اختبار للاخرة,
وللاسف البنات اللى زييها مش اسلامى (وليس الحجاب بصفة خاصة ),بتعمل كل ده ليه محدش سالها ومحدش قالها ان ده غلط وعيب وحرام ( طالما فى موضة وشباب بيعاكس يبقى يديها ثقة فى نفسها ان كدة هية حلوة وتزيد فى الهبل )
فانا الوم البنت الاول لان السن اللى بتلبس الحجاب فيه بتكون شويه عقلت وبدات تكبر
وبعدين الوم الاسرة المتسيبة اللى بتدلع بناتها وللام بتخلى بنتها احسن من مين ومين عشان مين يشوفها ازاى وكدة يعنى فهمنى اكيد,
وعلى الشباب اللى بيوهم البنت بجمالها ,كدة واول ما يقول يا ارتباط يدور على المتدينة (طيب من الاول)

واخيرا بقول ان صوابع الايد مش زى بعضها يعنى ممكن البنت شكلها مش اد كده بس من جوة كويسة جدا والعكس,
بس الناس بتاخد بالمظاهر والبنت انسان رقيق جدا , لازم تحافظ على نفسها وتتصف بصفات معينة.
والحجاب فريضة على كل مسلمة (ويمكن الطرحة الصغيرة طريق الهداية ) انك لا تهدى من احببت ولكن الله يهدى من يشاء , والله اعلم بما فى القلوب.

[Hassan Mohamed]

احب اقولك يا سارة انك بتفهمي بجد ومقدرة شعور الشباب

[mohamed-gohar]

انا من راي ان العامل الاول في المسخرة اللي بتحصل هو البيت فالاب او الا م الايام دي بتسمع منهم كلام غريب (سيب البنت تفرح بشابها وطبعا بتلبس الحجاب مع حاجة محزقة او قصيرة.............)(لما تكبر حتعقل طيب ما هي كبيرة يقولك لا يا راجل البنت لسه صغيرة )وبالتالي فهي بتطلع بالاستهتار ده ولا ايه

[Rania Ismail]

بجد الموضوع مهم جدا وبجد فى بنات كتير شايفه ان الحجاب موضه وبدل ما تعمل شعرها تروح تحط طرحة على شعرها او تلبسها وتبين نص شعرها عياقه او منظره علشان تورى الناس ان شعرها حلو ويا سلام مع جيبه قصيره واوا ولا بنطلون رش (وتعنى كلمة رش اى انه ضيق على الاخر ) وانا شايفه ان اللى بيعملو كده ده قله تربيه او قله رقابه من الاهل وعدم الدراية الكافيه بابسط اموور الدين وانهم نشاو نشاه غلط وزى ما فى كده فى بنات ملتزمات ومحجبات بمعنى الحجاب وفى بنات وسط اللى هما محتشمات لابسين الطرحة وبيحاولو على قد ما يقدرو انهم يراعو امور كتيره فى لبسهم بحيث ميكونش ملفت
وشكرا

[sarah]

صح اؤيدك فى الراى ده.

[mohamed-gohar]

انا كمان اؤيدك عين العقل

[ahmedko]

و الله يا جماعة هو اكيد للموضوع دة الاسباب الكتيرة و المعقدة
يعنى مثلا
1- زى ما حسن اشار ان البيت فين فين الاب اللى يحاسب فين الام اللىتوجهه
2- فى حاجة تانية يا جماعة هى موجة التقليد الاعمى اللى موجودة فى البلد
3- ممكن يكون التقليد نوعين
مثلا مع انتشار الكليبات الخربانة و الهبل بتاعها
و ممكن لان كل واحدة بتبص لغيرها و تحاول تقلد
بس على فكرة اللى انا متأكد منو ان البنات و الصبيان كمان و بأكد الصبيان كمان هما السبب فى الموضوع دة
ليو بى عشان احنا كلنا بعدنا عن ربنا بجد و الله
لو كل واحد و واحدة التزم شوية مش هنقول بقى شيخ و لا علامة
العملية هتكون احسن

[mohamed-gohar]

و الله يا جماعة هو اكيد للموضوع دة الاسباب الكتيرة و المعقدة
يعنى مثلا
1- زى ما حسن اشار ان البيت فين فين الاب اللى يحاسب فين الام اللىتوجهه
2- فى حاجة تانية يا جماعة هى موجة التقليد الاعمى اللى موجودة فى البلد
3- ممكن يكون التقليد نوعين
مثلا مع انتشار الكليبات الخربانة و الهبل بتاعها
و ممكن لان كل واحدة بتبص لغيرها و تحاول تقلد
بس على فكرة اللى انا متأكد منو ان البنات و الصبيان كمان و بأكد الصبيان كمان هما السبب فى الموضوع دة
ليو بى عشان احنا كلنا بعدنا عن ربنا بجد و الله
لو كل واحد و واحدة التزم شوية مش هنقول بقى شيخ و لا علامة
العملية هتكون احسن

ههههههههه انا اللي قلت البيت عليه عامل يالا حصل خير

[Hassan Mohamed]

يا عم محمد ارجع للصفحات الاولي وتعرف انا قولت ايه

[ميرا مار]

برافو عليك يا سارة
لخصتى المشكلة بشكل جميل ..

والحقيقة راى رانيا ومحمد وحسن واحمد واشرف وجودى وشيمو وكل اللى اشتركو فى الموضوع

يكون راى واحد جيد
ويارب من خلال الموضوع دة بنات كتييير عنيها تفتح على حاجات ماكانتش شايفاها