حريق حى المنتزة_الاربعاء 9مارس

[MUHAMED SAMY]

حريق حى المنتزة

-------------------------------------------------

تعتقدوا من المستفاد من هذا الحريق؟؟؟
ولماذا الان؟؟




منقول عن مجلة

زحمة افكار
http://www.facebook.com/CT.MaG

[دكتور / السيد الزغبى]

ثمار الثورة حتى الان الفوضى
المستفيد اصحاب المبانى والعمارات الغير مرخصة التى شاعت خلال الفترة الحالية

[Ahmed Waheed Shalaby]

استر يارب
ربنا يحرقهم اللى بيعملوا كدة

[MUHAMED SAMY]

اختلف معاك يا دكتور
أبسط حاجة هقولها لحضرتك

التخفيضات اللى نزلت على رسوم كلية اداب
موجودة

هنا

مساء أمس"الثلاثاء 8 مارس" كنت موجود فى مؤتمر جماهيرى فى بحرى
وكان موجود فيه مدير أمن اسكندرية
لواء أحمد عبد الباسط

و2 او 3 ظباط

حضرتك شوفهم وهم بيكلموا الناس أزاى
مدير الامن نفسه
قال ان كل حاجة هتتغير

وقال شوفو اسكندرية من 40 سنة كانت عامله ازاى
وخصوصا بحرى

معنى كده ان الفترة 40 سنة كان بها خلل"وده اللى يتفهم من كلامه"

وكمان حضرتك شوف الناس كان بعضهم بيتكلم ازاى

لو قبل 25 يناير لم يجرؤ"الشخص اللى كان بيتكلم " انه يتكلم كده مع مخبر مش مع مدير الامن

الظباط اللى كانو موجودين واتكلمو قبل ما يحضر مدير الامن
قالو ان كل مؤسسة كان فيها فساد

لكن التغيير هيكون تدريجى

حضرتك شوف المعاملة فى المرور اتغيرت للأفضل


لكن على الجانب الاخر

الكافيهات اللى على البحر رجعت تانى للشيش "اللى هى ممنوعة وبيتاخد عليها مخالفات"

البلطجة على الاراضى والسطو بالسلاح.....ده جنب بيتى تقريبا

حالات خطف البنات وصورهم ملت ع الفيسبوك

حضرتك شوف طريق الكورنيش وكمية العربيات اللى ركنه مخالف

سرقة المحلات والسطو المسلح عليها"جنب شهد الملكة فى المنشية"

دى بعض الظاهرات اللى شوفتها بعينى تقريبا

[KAREEM]

اى ثوره بيحصل بعديها الكلام دا
مطلوب مننا اننا نصبر ونضحى
بس فى نفس الوقت مش مطلوب مننا اننا ندفع التمن
بعمل التهويل فى الموضوع دا اولا
ومحدش يقول حاجه الا اما يشوفها بعينه
زى ما انت عملت كدا يا سامى
واى حد بيحاول ينشر الفوضى او الذعر بين الناس
لازم يكون ليه حصل حتى لو عملنا نقطة شرطه شعبيه لكل منطقه
يكون تليفون فى دكان والناس معاها نمر بعضها

وانا متأكد ان اللى ورا اللى بيحصل دلوقتى
فلول الحزب الوطنى وأمن الدوله اللى خايفين يتفتش وراهم
وعملوا فساد كتير اووووى ومستعدين يدفعو مليارات الجنيهات
عشان يفشلو الثوره دى لكن على مين
باذن الله ربنا قادر يفشل مخططاتهم زى ما المخططات اللى قبل كدا كلها فشلت

هم دلوقتى عايزين يوصلوا الناس ان الثوره اهى نتائجها
هى اللى عملت كدا تضطر الناس لحاجات مش عايزينها

كذلك بالنسبه لموضوع التصويت ع الدستور
حيبقى عليه اقبال شعبى رهييييييب رغم محاولات البعض
بعمل بلبله حوالين التعديلات ويخلو الناس ينصرفو عن التصويت
اللى يعد اول انجازات الثوره التعديل دا
لكن كل المحاولات دى باذن الله حتبوأ بالفشل
لان الدستور الجديد صعب يجى دلوقتى هو جاى جاى
واللى بيقول الرئيس الجديد حيتمسك بالصلاحيات
صعب اوووى بعد اللى هو شافو بس الناس تفهم
مين اللى ليه مصلحه فى اللى بيحصل دلوقتى

دوووووووورنا الان التوووووووعيه

[MUHAMED SAMY]

انا مع ان يبقى ليا ملف فى امن الدولة"من أجل أمن الدولة"
ياريت يمشوا مخبر ورايا والله حاجة متزعلنيش

انا مع وجود كاميرات فى الحرم الجامعى"ما أنا مبعملش حاجة غلط هخاف من ايه"
ده أنا بحب الصور حتى

بالنسبة لأمن الدولة فى فيديوهات تشهد بالفساد؟؟ هل كل رجال أمن الدولة فاسدين.

كريم عندك دليل ان اللى بيعمل فوضى أعضاء من الحزب الوطنى؟؟(هل تقصد كل ولا بعض أعضاء الحزب)



أنا أعرف ناس محترمة فيه...

[mo_medya]

[align=justify]الفوضى الموجودة الآن هى خطة ممنهجة ومنظمة بدرجة عالية
لتشمل الكثير من محافظات مصر فى وقت واحد
وبالمقارنة فى الاسلوب على ما يحدث الآن
وعلى ما حدث سابقا
يتضح لنا
أن الطريقة تقريبا واحدة
لنضع أنفسنا فى مواجهة عدو خفى
يتربص بثورة ويحاول تشويهها
إنهم زيول النظاااااااام السااااااااااابق
وهم كثر وموجودين بالفعل ويتحركون من الخفاء
وأكبردليل هو تحركهم مع تولى حكومة شرف
وهو ما يعكس أنه كانت هناك الكثير من المؤامرات التى كانت تدبر لأبناء هذا الشعب إبان حكومة شفيق
ولذلك يجب القضاء على أعداء الثورة
فأعداء الثورة ليسوا سوى أعداء لهذا الوطن
والمستفيد الوحيد من الفوضى
هو من يريد فشل الثورة المصرية
فمن هم ؟؟؟؟؟؟؟؟؟؟؟؟؟؟؟؟؟؟؟؟؟؟؟
[/align]

[دكتور / السيد الزغبى]

تحياتى لكم جميعا انا احترم ارائكم وفكركم وعارف ان المشوار بعيد لكنى متفائل بان مصر سترتفع رايتها شامخة
وعايز اسأل ابنائى محمد سامى وكريم والجميع
متى سنجنى ثمار ثورة 25 يناير؟
سؤال مطروح للمناقشة ارجو عمل حوار فى هذا الموضوع

[smart girl]

هو المطلوب دلوقتى من اللى بيحصل اننا نوصل لمرحلة ان عصر مبارك كان ازهى العصور واهدأها واننا نقول ان فى عصر مبارك محدش شاف فتنة طائفية ولا حرائق ولا بلطجية .............الخ
على فكرة بجد الاسلوب مفهوم عند كل الناس
ونفس الاشخاص اللى اتصرفوا فى منتصف الثورة من معركة الجمل لقنابل الملوتوف لخروج المساجين من السجون واسلوب الرعب والتخويف بالبلطجية... هما نفسهم متغيروش
يعنى بجد طرقتهم خلاص وضحت ...
هما بياخدوا رست ويرجعوا تانى بس مش أكتر ياحرام مش واخدين على ان حد يحركهم من أماكنهم و بمجرد انهما يشوفوا ان البلد بتقوم وحالها بيتصلح دة بيستفزهم
ومتخيلين باللى بيعملوا انهم بيهدوا الثورة ............مقدرش اقول غير
ان تفكيرهم عقيم

وسؤال حضرتك يا دكتور سيد عن متى سنجنى ثمار 25 يناير ؟؟

جارى الان الاصلاحات فى مصر ومش هتوقف وعشان تتم كل الاصلاحات فى اسرع وقت لازم
كل الفاسدين والمتربحين ومن تسبب فى تلوث البلد بالنهب والسلب والديكتاتورية والاقتناع انهم اسياد هذة البلد ولا احد يستطيع مواجهتهم ...يتحاكموا ويطبق عليهم القانون ويتم وضعهم فى اماكنهم الصحيحة حتى لا يقوموا بتعطيلنا بأفعالهم المعروف عليها كل فترة

[MUHAMED SAMY]

تحياتى لكم جميعا انا احترم ارائكم وفكركم وعارف ان المشوار بعيد لكنى متفائل بان مصر سترتفع رايتها شامخة
وعايز اسأل ابنائى محمد سامى وكريم والجميع
متى سنجنى ثمار ثورة 25 يناير؟
سؤال مطروح للمناقشة ارجو عمل حوار فى هذا الموضوع

فى البداية احب اقول سعيد جدا بتفاعلك معانا يا دكتور

قبل مانجنى لازم نزرع

أعتقد ان مصر فى الفترة الاخير ة كانتت ارض بور تحتاج لاعادة استصلاحها

*واول حاجة لازم نزرعها داخلنا هى الأحترام حتى لو فى أختلاف فى الرأى

*التعليم لازم يتغير"نتعلم حاجة نعرف نفيد بيها بلادنا ونفسنا"وضع خطط لتعليم فعال ونتخلص من تعليم من أجل الشهادة

يترتب على التعليم "اللى عن طريقه هفيد بلدى ونفسى"التخلص من البطالة اللى هى اكبر المشاكل

*انشاء مصانع "نتخلص من عار اننا شعب مستهلك فقط"
الشئ اللى اشتغلت فيه تقريبا الاجهزة المنزلية"عايزين نشوف مصانع وشركات" غير ايديال وكريازى
لانها تعتمد على سياسة مكسب ما بعد البيع
اتمنى اشوف منتج مصرى ينافس منتج اوربى

*على حد علمى اكبر البيزنس فى مصر بترول حديد اسمنت سياحة"بالاضافة طبعا للادوية الطبية ومشتملتها"
سواء يملكها افراد او تابعة لمؤسسات

*مازلت مقتنع ان مصر فى المقام الاول دولة زراعية
حضرتك شوف كمية الاراضى التى تم تبويرها والبناء عليها فى اسكندرية فقط والمشاكل اللى اترتب عليها من نقص غذاء.....ودى فى المقام الاول مشكلة الدولة


*والعامل الأهم بالنسبالى هو اننا نرجع لدينا

يقول الله تعالى

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

الثقة بالله لازم نصدق كلام ربنا

*لولا فضل ربنا ما كانت الثورة لتنجح

وبصراحة الدستور اللى بيعدلو فيه والكلام الكبير ده انما مش مقتنع بيه اساسا

فيه كتاب ربنا وسنة نبيه

لما كان المسلمين يعملو بيهم كانو افضل شعوب الارض

وكمان ربنا سبحانه قال

سورة طه: ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى))[طه:124-126]

لما نبقى هوليود الشرق يبقى نستنى ان ربنا يكرمنا ازاى

لكن فى ثمار تم جنيها"مكنتش محتاجة زراعة "
وده انا قلته فى مشاركة سابقة"وده كان جزء ملموس بالنسبالى"

ده كلامى نتاج خبرتى التى مازالت محدودة