عايز اعرف حاجة مفيش حد بيفكر فيها

[your mind]

قلنا قبل كده وهنفضل نقول ليه احنا كمصريين عندنا عقده الدكتور والمهندس رغم ان دى القاب لاصحاب مجالات الطبيب بياخد لقب دكتور الراجل اللى بيخطط وبيشرف على البناء ده مهندس زى بالظبط المدرس زى المحاسب زى المحامى زى الظابط كل واحد ليه دوره فى المجتمع ولا غنى عنه المهندس عمره ماكان هيبقى مهندس من غير المدرس وعمرهم ماهايحسوا بالامان من غير الظابط وعمرهم ما هيقدروا يجيبوا حقهم من غير محامى وعمرهم ما هايعرفوا يكسبوا وينجحوا من غير محاسب كل الموضوع مرتبط ببعضه فى النهايه لقب مهندس ده لقب عادى زى لقب استاذ ...


سر اعتراض طلبه اداب مش فى كونهم محتاجين لقب مهندس ولكن محتاجين يكون ليهم اعتبار فى الموقع كمؤهل عالى وليس كما هو موجود بتكلم عالرواتب وعالتقدير المعنوى والتنطيط الفارغ يعنى مؤهل عالى زى كل المؤهلات العليا وبيتعامل كفنى دى اصعب ميت مره من فكره ان خريج اداب يتساوى بمهندس مع ان المؤهلات العليا تبعا للقانون واحد ....


اما بالنسبه للمهندس اللى بيقول ثانويه عامه والحوارات دى بلاش نضحك على بعض عمر الثانويه ماكانت معيار لاى حاجه وعمر مجموع هندسه ما كان 98 فى الميه ومتنساش حاجه مهمه طالب زراعه بيدخل كليته من50 فى الميه وبيبقى مهندس زراعى على الاقل احنا جايبين 75 زى مانت بتقول طبعا وده غلط يبقى مين المظلوم بقى ؟؟؟؟؟ طول ما احنا بنبص لغيرنا نظره دونيه لازم هانبقى مجتمع متخلف وبعدين كمان انت راجل عرفت تذاكر فى الثانويه
انا تعبت فتره الامتحانات واصريت انى ادخل وامتحنت ونجحت ودخلت كليه عارف كان عندى ايه كان التهاب فى العصب وشلل يبقى مين تعب اكتر انا ولا انت
فى ناس مابتعرفش تحفظ بس اذكياء جدا فى العملى وفى ناس اهلها مقدرتش تديها دروس خصوصيه ياريت منتكلمش عن الثانوى خالص كلنا عارفين
اللى فيها واحد كان معايا فى الكليه كان مقفل كيمياء واحياء ورياضه وفيزياء ناقص 6 درجات باقى المواد وقعته واخد بالك انت نجح فى العلمى وفشل فى الادبى ومجموعه دخله اداب ام 75 ربنا يهدى

اما بالنسبه للاخت اللى بتقول ما يساويش رحم الله امرىء عرف قدر نفسه والحمد لله انا شايف زى ما هندسه بتدرس حاجات احنا ما اخدنهاش ولا عندنا عنها فكره نقدر نقول ان العكس كمان صحيح وبالنسبه لحوار الانجلش ده اظن ان اللغه مش حكر على حد انا ممكن اتكلم انجلش زى اى حد بريطانى واتحدى لانى معايه دبلومه فى اللغه من المركز الثقافى البريطانى اللغه مفتوحه حتى لو كانت scientefic

واخيرا هدفى من الرغى اللى فات ده كلو مش انى ادافع عن احقيتنا باللقب لا احنا مش عايزين لقب بس عايزين نتعامل زى اى مؤهل عالى طبيعى مش المعامله اللى موجوده حاليا وللعلم انا برضو مش بشتغل فى المساحه شغال فى it لقيت فيها وضعى وحسيت انى معايا شهاده من كليه بحبها وعشت فيها اجمل ايام عمرى لحد دلوقتى ......


ارجو انى ما اكونش زعلت حد بس ده صوت العقل مش صوت التعصب والتحيز لو انت ماتقبلش انى ابقى مهندس مساحه لانك بتقول انك درست اكتر فى العلم ماتقبلش عليا انى اكون مساح عادى ........