اول يوم اجتماعى بعد الثوره تحت رعاية دفعة 2011

**KAREEM** · 04-20-2011, 11:36 PM

سلامو عليكو

مفاجأة حلوه مش كدا

بقى لنا كتير متجمعناش
شعبة نظم سافرت سيوه ومطروح ورجعنا
وانتساب نفس الكلام راحو بورسعيد ورجعوا

وااااادى مساحة كلها يومين وارحيين الغردقه
اللى يسهلهم الحال وصباحو قر يا سيدى
حاسس انهم حيروح يجيبو الراس الكبيره من هناك

المهم اظن دا انسب وقت اننا نعمل تجمع اخيييييرا
بعد ما كنا كلنا مشغولين جدا وما زلنا مشغولين
ولكن فى اجازه نص الاسبوع اللى جاى

عشان كدا قررنا نحن دفعة 2011 عمل يوم اجتماعى
للاحتفال بشعبة مساحة قبل السفر وفى نفس الوقت
كتحضير لينا احنا كشعبة نظم للرحلة اللى حنطلعها مع دكتور أشرف
والاهم من كل دا اننا نتقابل على خير ونقضى يوم جميل مع بعض
الى جانب الافادة العلمية من تعلم جى بى اس وعروض اخرى

فى مفاجأه ان شاء الله

الجمع المره دى مختلف عن كل مره اكيد باذن الله
حيكون موجود ناس عزاز علينا وكلنا بنحبهم

وعلى فكره هو مش مقتصر على دفعتنا لو حد عايز يجى من دفعات تانية
يا اهلا وسهلا ومرحبا يا الف مية ويلكم

فى افتراح بالحديقة الدولية
واقتراح بالمكان المعتاد
انطونيادوس

حعمل لكو استفتاء فوق اللى شايف مكان كويس يختارو

وانا عن نفسى ميال للحديقة الدولية

كنوع من التغيير والتجديد وعشان كمان
نفسى اركب التوكتوك والعجل هناك احلى بكتير
دا غير الدنيا زى المرجيحة يوم تحت وفوق

دا فيديو من ذكرياتنا فى احد التجمعات اللى فاتت

انتظر ارائكم بخصوص اقتراح المكان

اما الزمان فالأغلبيه موافقه ع السبت
وهو الأفضل فعلا بالنسبة لباقى الايام
من جميع الجوانب والمقاييس

الى اللقاء هناك

**mohamed ali** · 04-20-2011, 11:48 PM

ياريت نخليها يوم الجمعة

**MUHAMED SAMY** · 04-21-2011, 12:22 AM

انا بقترح المنتزة
وتمام السبت ودكتور السيد
كان بيقترح السبت
وفى بعض الزملاء فى الدفعة قالوا مش مناسبهم الجمعة
وإن شاء الله يكون يوم جميل
والسبت اجازة

**mohamed ali** · 04-21-2011, 12:24 AM

خلاص ياشباب اتمنى لكم يوم سعيد

**MUHAMED SAMY** · 04-21-2011, 12:53 AM

المشاركة الأصلية كتبت بواسطة mohamed ali

خلاص ياشباب اتمنى لكم يوم سعيد

ياعلى مش جاى ولا ايه

**mohamed ali** · 04-21-2011, 01:18 AM

المشاركة الأصلية كتبت بواسطة MUHAMED SAMY

ياعلى مش جاى ولا ايه

ياسامى اعملها اى يوم تانى انا فاضى طول الاسبوع بعدين محدش قالى ع يوم السبت

جاين ع يوم السفر بتاعى وتاجلو ياريت تخلو اى يوم تانى عشان اعرف اجى معاكو قبل المشروع حتى

**MUHAMED SAMY** · 04-21-2011, 01:33 AM

بالنسبالى اى يوم ماعدا الجمعة انت مينفعش تأجل السفر

**mohamed ali** · 04-21-2011, 01:36 AM

المشاركة الأصلية كتبت بواسطة MUHAMED SAMY

بالنسبالى اى يوم ماعدا الجمعة انت مينفعش تأجل السفر

السفر عندى متحدد اما كان يوم الجمعة ومحددة ع هذا الاساس تيجو بعدها تغيروه طيب كان يتقالى حتى قبلها
ياريت يكون فى اى يوم فى الاحد مثلا

**Ahmed Hosny** · 04-21-2011, 08:02 PM

سلام عليكم ازيكم بخير طب الحمد لله
احنا ممكن نقسم البلد نصين خلاص نخليها الاثنين
ونشم الفسيخ مع بعض
بس لو السبت هيبقى احلى طبعا مش احلى من غير وزة

**KAREEM** · 04-21-2011, 10:29 PM

خلاص يا حسنى الناس كلها رستقت نفسها على كدا
وعلى فكره العدد المره دى كبير
وناس كتير من دفعتنا بالذات جايين
والباشمهندس محمد جابر وصل اسكندرية
وباذن الله يكون موجود وباقى دكاترتنا كمان اكيد

باذن الله يكون يوم جامد

الموضوع: اول يوم اجتماعى بعد الثوره تحت رعاية دفعة 2011

أدوات الموضوع

عرض

اول يوم اجتماعى بعد الثوره تحت رعاية دفعة 2011

الكلمات الدلالية لهذا الموضوع

المفضلات

المفضلات

ضوابط المشاركة