ليه يا دنيا

[هدير هيبه]

ليه بتوجعيني يادنيا من غير ما تسأليني

اذا كنت اقدر علي وجعك ولا هتبقي بتموتيني

ليه كل ما اضحك ترجعي تاني تبكيني

كتير الفرح عليه ولا انتي غاويه تعذبيني

كل ما ادور علي لحظه حنان منك لأول الطريق بترجعيني

كأني مكتوب عليه دايمن عن طريق السعاده تتوهيني

اه منك يااااادنيا ومين من غدرك مين يحميني

يمكن اكون غلطت في فهمك بس الاكيد انك ولا مره من قلبك حبتيني

عايش فيك وكأني تايه في صحرا ومن غير حنانك عليه مين يرويني

كل ده ولسه بحبك وعندي أمل انك تخدي بأيديه تساعديني

او تيجي يوم بلحظه فرح هديه و عن سنين جفاكي تعوضيني

عشت عمري كله في قضيه ونفسي يا تحني عليه يا تنسيني

اتمني اودعك قبل مابجرحك تودعيني

لا عمري هتمني ارجعك ولاحتي ترضي عليه وليكي ترجعيني

لو كنت عمري فنفسي أضيعك عشان لا عيشك ولا تعيشيني

لو كنتي قلبي ولو بأيدي ادمرك عشان لا احبك ولا تحبيني

ولو كنت عيني فنفسي العمر اغمضك علشان لا اشوفك ولا تشوفيني

امتي يا دنيا ليه هتضحكي وللفرح بسرعه تشديني