لكل محبي الرعب والجن والعفاريت

[Mimi]

احنا هنا بنعمل ايه ؟

بنحاول نعرض نفسنا لدرجات مختلفة من الرعب بهدف شعورنا بالخوف

طيب بنخوف نفسنا ليه ؟

مش هقولك عشان تقوي قلبك الخوف هو شعور غريزي لو مش عندك يبقى اكيد في خلل فيك

عشان كدا عايزه أبدأ أقول يعني ايه رعب وازاي بنحس بيه وعايزاكم كمان تكلموني عن رأيكم لان لاحظو ...مش دايما الشعور بالخوف بيزعج الناس

في ناس بتستمتع بالشعور دا وبتستمد منه طاقة كبيرة بتستخدمها بعدين بمجرد التخلص من الشعور بالخوف

--------------------------------------

من رأيي الخوف دا انك تحس ان جسمك كله ماسكه كهربا من اوله لاخره وحاسس ان لو فضلت كدا لوقت طويل ممكن تتشل وقلبك يقف ودي في اقصى درجات الخوف

أشد أنواع الخوف هو الخوف من المجهول ودا أصعب احساس ممكن يحس بيه الانسان ومن زمااان اوي استخدمو الشعور دا في عمل القصص الخرافية عن صراع الانسان مع الشيطان وقوته المجهولة ... وعن الصراع بين الخير والشر ..أبسط دليل على الكلام دا ان الانسان لو فضل مدة طويلة في مكان ضلمة بيصيبو حالة من الرعب الشديد

عارفين بيعملو ايه لما بيعاقبو حد في الجيش شاغب مثلا او خالف الاوامر ؟ الشباب طبعا عارفين بيعملو ايه فيهم ..بيحطوهم في غرفة ضيقة جدآ وضلمة ..بس كدا

لو فضل المحبوس دا اكتر من يوم بالوضع دا هيبتدي تيجيلو هلاوس كتير ويصاب بالهلوسة ودا هيصيبه بالذعر الشديد لدرجة ممكن تخليه يغمى عليه بسبب لا شئ .. مجرد هلوسة ..من ايه طيب الهلوسة دي ؟ من الضلمة ؟؟؟ لاء مش من الضلمة .....من (( المجهــــول ))

يبقى زي ما قلنا أصعب درجات الخوف هو الخوف من المجهول

ممكن أعرف رايكم في الموضوع دا وايه هو الخوف بالنسبالكم ؟:)