اْई‾־־−ـ…_‗ـ•ֺاهلا بيكم فى برنامج صاصا (( كلام فى الحب )) •ـ‗_…ـ−־־‾ई

[Mimi]

شكرا شكرا ياصاصا

انا شايفة ان اكتر المشاكل الموجودة بين الشباب والبنات دلوقتي انهم مش فاهمين

مش فاهمين اي حاجة في اي حاجة مع اننا بسم الله ما شاء الله علينا في ايدنا وسائل تكنولوجيا كتيره اوي

والمفروض يعني ان ذكائنا بيزيد ..بس للاسف في المسائل العاطفية مش بنعرف نفكر كويس وبنطلع قرارات غلط في غلط بنسبة كبيرة

بالنسبة للمرتبطين ..كتير جدآ جدآ جدآ بيسيبو بعض في اخر المطاف

وبالنسبة للشباب اللي اتجوزو طبعآ كلنا عارفين ان حالات الطلاق زادت بنسبة تخوف جامد في الوقت دا

يبقى المشكلة فين باه وليه دا بيحصل ؟؟ في رأيي هو انهم لما بيحبو ببعض مش بيراعو ربنا في كدا

وكل حاجة بدأت بغلط هتنتهي بغلط .. اللي يحب واحدة عشان هيا جميلة بس واللي تحب شاب عشان كلامه حلو وبيصرف حلو كمان

أساسيات كتير اوي غلط بيبنو عليها حبهم للطرف الآخر ..دا غير كدا الناس اللي اتجوزت بتبتدي بينهم المشاكل عشان كان اصلا في مشاكل في تربيتهم

يعني احنا اتربينا كل حاجة بتجيلنا ومحدش يطلب مننا حاجة ..فاتربى معانا التمرد بزيادة ..كل واحد عايش لنفسه وبس بيحقق اهدافه لنفسه وبس

نيجي للزوجين لو دا حصل يبقى انتهت العلاقة لان مينفعش حياتك وانت لوحدك تبقى هيا نفسها حياتك مع شريك حياتك اللي مفروض انه بيشاركك كل حاجة وليه حقوق عليك

يعني في النهاية ياصاصا ..متهيألي المشكلة الوحيدة بين البنات والشباب هي في المسائل العاطفية بس انما في اي حاجة تانية احنا شغالين بس قبل ما امشي كنت عايزه اقولك اني بلمس في الشباب العربي بالذات كسل فزيع وطموح معدوم وبلمس في البنات العربي سطحية التفكير

شكرآ وحابة اسمع رائيك