اْई‾־־−ـ…_‗ـ•ֺاهلا بيكم فى برنامج صاصا (( كلام فى الحب )) •ـ‗_…ـ−־־‾ई

**Nhla147** · 12-02-2008, 01:34 AM

محمود
موضوع الحلقه دى بجد فوق الفظيع
بجد موضوع صعب جدا
وانا لسه متعرضاله من شهرين كده
فقدت خالتى وكانت اغلى حاجه عندى
بس انا لسه لحد دلوقتى مش قادرة اصدق انها راحت بجد ومش هترجع
مش قادرة اقولك هى وحشانى اد ايه
واد ايه نفسى احضنها بس مش اكتر من كده
الحمد لله
ربنا يرحمها ويرحمنا جميعا

فعلا الفراق اصعب احساس ممكن يتحس بجد
لما الانسان بيروح منك
بتبقى مش عارف انت بتعيط على ايه بالظبط
على انه خلاص مش هيرجع تانى؟
ولا على انك ضيعت وقت كبير ماقضتهوش معاه؟
ولا لانك فى يوم سبته ينام زعلان؟
ولا لانك لما تكون نفسك تترمى فى حضنه وتكون فى اشد الحاجه ليه مش هتلاقيه؟
انت مش بتكون مش عارف بتعيط على ايه بالظبط
!!!!!!!!!!!!!!!!!!!!!!!!!!!!!!!!!

بس فى حاجه هتلاقيها معاك على طول
عارف هى ايه؟
روحــــــــــه
هتلاقى دايما روحه حواليك ومعاك
هتحسه بيناديك
هتحس بحضنه وبحناه
هتحس انه بيقولك معلش وانت زعلان
وتحس بابتسامته وانت فرحان

انا بجد بحس بالحاجات دى فعلا

بجد محدش بيحس بالالم دا غير لما بيعيشه
فانا بقول مع محمود لكل واحد و واحدة
لو عندك حد غالى عليك
اوعى فى يوم تزعله
اوعى فى يوم تجرحه
اوعى تبخل عليه بكلمه حلوة

لو هو بين ايديك دلوقتى
ممكن يكون بعد ثانيه..او دقيقه..او ساعه..او يوم بين التراب

انا كلمت خالتو الساعه 2 الظهر
وراحت منى الساعه3 العصر

فبجد خللى بالكوا من احبابكوا

اختــــــــ نهله ـــــــــكم

الموضوع: اْई‾־־−ـ…_‗ـ•ֺاهلا بيكم فى برنامج صاصا (( كلام فى الحب )) •ـ‗_…ـ−־־‾ई

أدوات الموضوع

عرض

مشاهدة المواضيع

الكلمات الدلالية لهذا الموضوع

المفضلات

المفضلات

ضوابط المشاركة