اْई‾־־−ـ…_‗ـ•ֺاهلا بيكم فى برنامج صاصا (( كلام فى الحب )) •ـ‗_…ـ−־־‾ई

**elqalb elshoga3** · 12-01-2008, 02:49 AM

حبيى صاصا معلش كلمنى بكره بالليل على الأميل ده abn_alexandria@yahoo لو ممكن الساعه 12 بالليل كده لأمر ضرورى جداً والكلام ده بينا فى السكروته ( كده عرفتنى صح) مستنيك مطنش .سلالالالالالالالالالالالالالام

**Mahmoud Slem** · 12-01-2008, 12:36 PM

اوك ماشى
بس على فكره ممنوع انك تحط ايميلات ممكن تعمله فى رساله خاصه
اوك

**farida** · 12-01-2008, 08:17 PM

محمود الموضوع جميل جدا . و انت علي حق احنا شعب رومانسي بالرغم ان زي ما قالت جودي بس sorry علي الكلمة ان الاولاد و البنات بقي فيهم قلة حيا .بس علي فكرة لما الولد يمشي مع البنت الي بيتسلي بيها عمره محيجوزها علشان عمره محيرضها لنفسه و ازاي يطمنلها اذا كان هي وافقت تكلمه يبقي اكيد كلمت حد قبلي و حتكلم بعدي و ديه وجهة نظر الولاد و بعد كدة يجوز واحدة محترمة صح؟ و بجد والله العظيم انا لما قرات الموضوع الي انت كتبه عن "لما تحب حد اوي و يموت"انا و الله عيطت علشان افتكرت جدتي (الله يرحمها)و هي كانت بتحبني جدا و انا كنت بحبها اوى و كونت بحاول مزعلهاش بس لما اتوفت تحس الي انت زعلتها في مواقف و يبقي نفسك ترجع كل احظة عشان تصلح الغلط ده

**Nhla147** · 12-02-2008, 01:34 AM

محمود
موضوع الحلقه دى بجد فوق الفظيع
بجد موضوع صعب جدا
وانا لسه متعرضاله من شهرين كده
فقدت خالتى وكانت اغلى حاجه عندى
بس انا لسه لحد دلوقتى مش قادرة اصدق انها راحت بجد ومش هترجع
مش قادرة اقولك هى وحشانى اد ايه
واد ايه نفسى احضنها بس مش اكتر من كده
الحمد لله
ربنا يرحمها ويرحمنا جميعا

فعلا الفراق اصعب احساس ممكن يتحس بجد
لما الانسان بيروح منك
بتبقى مش عارف انت بتعيط على ايه بالظبط
على انه خلاص مش هيرجع تانى؟
ولا على انك ضيعت وقت كبير ماقضتهوش معاه؟
ولا لانك فى يوم سبته ينام زعلان؟
ولا لانك لما تكون نفسك تترمى فى حضنه وتكون فى اشد الحاجه ليه مش هتلاقيه؟
انت مش بتكون مش عارف بتعيط على ايه بالظبط
!!!!!!!!!!!!!!!!!!!!!!!!!!!!!!!!!

بس فى حاجه هتلاقيها معاك على طول
عارف هى ايه؟
روحــــــــــه
هتلاقى دايما روحه حواليك ومعاك
هتحسه بيناديك
هتحس بحضنه وبحناه
هتحس انه بيقولك معلش وانت زعلان
وتحس بابتسامته وانت فرحان

انا بجد بحس بالحاجات دى فعلا

بجد محدش بيحس بالالم دا غير لما بيعيشه
فانا بقول مع محمود لكل واحد و واحدة
لو عندك حد غالى عليك
اوعى فى يوم تزعله
اوعى فى يوم تجرحه
اوعى تبخل عليه بكلمه حلوة

لو هو بين ايديك دلوقتى
ممكن يكون بعد ثانيه..او دقيقه..او ساعه..او يوم بين التراب

انا كلمت خالتو الساعه 2 الظهر
وراحت منى الساعه3 العصر

فبجد خللى بالكوا من احبابكوا

اختــــــــ نهله ـــــــــكم

**Mahmoud Slem** · 12-02-2008, 01:50 AM

محمود الموضوع جميل جدا . و انت علي حق احنا شعب رومانسي بالرغم ان زي ما قالت جودي بس sorry علي الكلمة ان الاولاد و البنات بقي فيهم قلة حيا .بس علي فكرة لما الولد يمشي مع البنت الي بيتسلي بيها عمره محيجوزها علشان عمره محيرضها لنفسه و ازاي يطمنلها اذا كان هي وافقت تكلمه يبقي اكيد كلمت حد قبلي و حتكلم بعدي و ديه وجهة نظر الولاد و بعد كدة يجوز واحدة محترمة صح؟ و بجد والله العظيم انا لما قرات الموضوع الي انت كتبه عن "لما تحب حد اوي و يموت"انا و الله عيطت علشان افتكرت جدتي (الله يرحمها)و هي كانت بتحبني جدا و انا كنت بحبها اوى و كونت بحاول مزعلهاش بس لما اتوفت تحس الي انت زعلتها في مواقف و يبقي نفسك ترجع كل احظة عشان تصلح الغلط ده

وجهه نظر جميله يا فريده ومقبوله طبعا
وعندك حق فى كل اللى قلتية
ويارب تستفادى من الكلام ده
والف شكر لانك نورتينى فى البرنامج

**Mahmoud Slem** · 12-02-2008, 01:52 AM

محمود
موضوع الحلقه دى بجد فوق الفظيع
بجد موضوع صعب جدا
وانا لسه متعرضاله من شهرين كده
فقدت خالتى وكانت اغلى حاجه عندى
بس انا لسه لحد دلوقتى مش قادرة اصدق انها راحت بجد ومش هترجع
مش قادرة اقولك هى وحشانى اد ايه
واد ايه نفسى احضنها بس مش اكتر من كده
الحمد لله
ربنا يرحمها ويرحمنا جميعا

فعلا الفراق اصعب احساس ممكن يتحس بجد
لما الانسان بيروح منك
بتبقى مش عارف انت بتعيط على ايه بالظبط
على انه خلاص مش هيرجع تانى؟
ولا على انك ضيعت وقت كبير ماقضتهوش معاه؟
ولا لانك فى يوم سبته ينام زعلان؟
ولا لانك لما تكون نفسك تترمى فى حضنه وتكون فى اشد الحاجه ليه مش هتلاقيه؟
انت مش بتكون مش عارف بتعيط على ايه بالظبط
!!!!!!!!!!!!!!!!!!!!!!!!!!!!!!!!!

بس فى حاجه هتلاقيها معاك على طول
عارف هى ايه؟
روحــــــــــه
هتلاقى دايما روحه حواليك ومعاك
هتحسه بيناديك
هتحس بحضنه وبحناه
هتحس انه بيقولك معلش وانت زعلان
وتحس بابتسامته وانت فرحان

انا بجد بحس بالحاجات دى فعلا

بجد محدش بيحس بالالم دا غير لما بيعيشه
فانا بقول مع محمود لكل واحد و واحدة
لو عندك حد غالى عليك
اوعى فى يوم تزعله
اوعى فى يوم تجرحه
اوعى تبخل عليه بكلمه حلوة

لو هو بين ايديك دلوقتى
ممكن يكون بعد ثانيه..او دقيقه..او ساعه..او يوم بين التراب

انا كلمت خالتو الساعه 2 الظهر
وراحت منى الساعه3 العصر

فبجد خللى بالكوا من احبابكوا

اختــــــــ نهله ـــــــــكم

الف الف شكر ليكى يا نهله
وربنا يرحم خالتك
وامواتنا واموات المسلمين
انتى عندك حق فى كل كلامك
ويارب كل الناس تقدر الموقف ده
وتحاول ترضى كل اللى حوالينا وبنحبه
شكرا ليكى تشريفك ليا يا نهله للبرنامج
منورانــــــــــــــــــــــــــــــــــــــــــى

**AYMAN GAMAL** · 12-02-2008, 09:46 PM

المشاركة الأصلية كتبت بواسطة sasa

اولا يا محمود يا حبيبي احب احييك على موضوعك الجميل ده و اصريت اني ابتدي مع اول مشاركة ليك و اتابع بعد كده انشاءالله معاك

بسم الله الرحمن الرحيم

نبدأ بأول المواضيع وعنوانه......

(الحب)

هنتكلم فى كل حاجة تخص الحب بمعنى يا حلوين

1-انت اية رأيك فى الحب من وجهة نظرك؟

الحب من وجهة نظري المتواضعة الضعف الجميل اللي من خلاله هتشوف الدنيا بصورة تانيه خالص و سدقني لو قلتلك ان الحب اقوى من النار

2-ياترى هو دة المعنى الصحيح للحب من وجهة نظرك؟

ده بس شويه صغيرين قااااد كده () عن الحب , و لو كل واحد دور عليه من جواه هيلاقيه و احب اضيف ان ظلم جدا اللي يقول ان الحب ده ملهوش وجود ,احب ارد عليهم و اقولهم انت لسه ملقيتهوش فمتديش حكمك قبل ماتدوق طعمه الاول

3-ياترى عيشت قصة حب قبل كدة؟

لا , عشان انا عايش جواه

4-طيب لو انت عشت قصة حب ياترى القصة دى طبقت فيها معنى الحب من وجهة نظرك؟

بص يا محمود التطبيق ده بالذات مش بايدك و بيختلف من اسلوب الشخص للتاني اللي بيحبه, الحب مش بس كلام جميل يتقال ,الحب احساس بالامان و راحة البال مش العكس ابدا زي ما كل الناس او ممعظمهم فاكرين

5-طيب لو معيشتش قصة حب ياترى لو دخلت فى قصة حب هطبق فيها الحب من وجهة نظرك؟

يمكن الواحد يكون عامل خطة بس احب اقولك ان القول غير العمل خالص لان ساعتها قلبك بس اللي هيتحكم فيك و عواطفك مش هتقدر تفكر بعقلك ابدا

6-طيب انت اية رأيك هو لسه فى حاجة اسمها حب فى الزمان دة؟

اظن اني جاوبت عالسؤال ده و احب ااكد تاني ان الحب موجود مهما تحاول تهرب منه من اول حبك لربنا و خد كدة وانت نازل طبعا

7-ياترى لسة فى قصص حب زى روميو وجوليت وقيص وليلى وغيرهم؟

اكيد فيه بس الزمن مش مديهم حقهم عشان الزمن اللي بنعيش فيه بيكره الناس في كلمة حب

مستني اجابتكو على الاسئلة
وبعد كدة لو حد عندو مشكلة مع الحب ياريت يقولها لو هى مسببالو مشكلة
ومش عارف يحلها وكلنا هنساعدو ونقف جمبو لحد مايتخطى الموضوع دة
تحياتى ليكو يا احلى منتدى

شكرا يا حبيبي عالموضوع الجميل ده و انشاء الله انا متابع معاكوا بعد كده و هرد عالمواضيع الجيه انشاء الله اول باول معاكم

**The[H]KinG** · 12-02-2008, 11:09 PM

فين يا ريس موضوعك الجديد على ما اظن ان الكل مستنى الجديد منك

وبجد موضوع هايل

واتمنى تزرنى فى اول موضوع ليا وهوأمنيةالعام لجديدالموجود بالغلط فى قسم الانجليش

**Mahmoud Slem** · 12-03-2008, 01:57 AM

بجد يا ايمن
كل مره بشوف ردودك بحس انى بجد شرف ليا انى اتعرف على واحد زيك
لانك شخصيه جميله بجد
وشخصيه مثقفه برده
واحب احيك
على الرد الجميل اللى بجد عجبنى جدا

**Mahmoud Slem** · 12-03-2008, 01:58 AM

شكرا ليك يا كينج
والله منوارنى وان شاء الله قريب جدا
بس افضى شويه معلش

وان شاء الله هزورك فى موضوعك

الموضوع: اْई‾־־−ـ…_‗ـ•ֺاهلا بيكم فى برنامج صاصا (( كلام فى الحب )) •ـ‗_…ـ−־־‾ई

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة