اْई‾־־−ـ…_‗ـ•ֺاهلا بيكم فى برنامج صاصا (( كلام فى الحب )) •ـ‗_…ـ−־־‾ई

**سلمي جمال** · 12-03-2008, 03:31 AM

اية يا صاصا كل الحب و الرومانسية دية
من الواضح انك رومانسي اويييييييييييي

المهم مفيش موضوع تاني ولا اية

**Hassan Mohamed** · 12-03-2008, 12:30 PM

برنامج شديد قوي يا صاصا بس انت عارف النت بقا منو لله اول ميرجع هشترك فيه

**witch evil** · 12-03-2008, 08:31 PM

الفكره حلوه اووووووووووووووووووووووووووووووى يا صاصا

بس هى كل الحورات عن الحب
الحب ده وهم كبير

معدش فى حاجه اسمها حب
ومعدش حد فاهم الحب بمعناه الحقيقه
كل كدب ووهم

اى بنت وولد مرتبطين فى الكليه ويروحوا ويجوا مع بعض وهدايا فى الفلانتين
وهو حبه تحكمات
ومترحويش ومتجيش
وفى الاخر هى تتجاوز وهو يتجوز
وخلاص

هو ده الحب
الحب ده اكتر كلمه معدش ليها معنى دلوقتى الكل بيقسها بمقايس تحقيق رغباته

وبجد No love..............No sad

**witch evil** · 12-03-2008, 08:49 PM

اول موضوع

1-انت اية رأيك فى الحب من وجهة نظرك؟

وهم كبير .......
مرض بيدخل متسلل لحد ميسيطر على الواحد ويفرض سيطرته عليه لحد ميكسره ويهده ويضيع كل حاجه حلوه فيه

2-ياترى هو دة المعنى الصحيح للحب من وجهة نظرك؟

اه بس ده معنى جديد عليا عرفتهونى الحياه ومكنش كده فى دماغى زمان كنت فكره ان الحب حياه انه اجمل واسمى معنى فى الوجوده
لكن اللى لقيته خداع وخداع زيف وضياع

3-ياترى عيشت قصة حب قبل كدة؟

اه طبعا كل الناس عاشت قصه حب

4-طيب لو انت عشت قصة حب ياترى القصة دى طبقت فيها معنى الحب من وجهة نظرك؟

مش فاهمه اصل معنى الحب ده انا اخدته من التجربه نفسها يبقى ازاى طبقته

5-طيب لو معيشتش قصة حب ياترى لو دخلت فى قصة حب هطبق فيها الحب من وجهة نظرك؟

معتقدش انى ممكن احب تانى

6-طيب انت اية رأيك هو لسه فى حاجة اسمها حب فى الزمان دة؟

لالالالالالالالالالالالالالالالالالالالالالالا مفيش طبعا كله كلام فارغ يومين واقلب

7-ياترى لسة فى قصص حب زى روميو وجوليت وقيص وليلى وغيرهم؟

لا طبعا مفيش عشان مفيش حب اساسا

مستني اجابتكو على الاسئلة

انا جوبت اهو عشان خطرك يا صاصا

وبعد كدة لو حد عندو مشكلة مع الحب ياريت يقولها لو هى مسببالو مشكلة
ومش عارف يحلها وكلنا هنساعدو ونقف جمبو لحد مايتخطى الموضوع دة

انا عندى سؤال لو انت بتحب واحده ولقيت واحده تانيه بتحبك تعمل ايه عشان تعرفها انك بتحب غيرها

**Mahmoud Slem** · 12-04-2008, 09:58 PM

شكرا ليكى يا سلمى على الكلام الجميل ده

حاضر ان شاء الله
هينزل بس
معلش بقى ضغوط الدراسه وانتى عارفه سنه تالتة
هههههههههههههههههههه

**Mahmoud Slem** · 12-04-2008, 10:03 PM

ليه كده يا حوريه
انتى علشان تجربه وفشلت يبقى تقيسى كله بمقياس واحد
لا طبعا ده اكبر غلط

ومش صحيح
الحب مش وهم الحب حقيقى واتخلق قبل البشريه
واتخلق جواهم
والوحيد اللى يعرف يخرج الحب هو الحبيب
بلاش تعيش على وهم اسمه فشل فى الحب
كله بيفشل علشان يتعلم
ولكن الكويس هو اللى يتعلم من اخطاه
ارجو اعاده النظر فى كلامك
لان عمر الحب الصافى ماكان له مصالح او غرضه مصالح وتحقيق رغبات

اما بالنسبه للموضوع لو واحد بيحب واحده ولاقى واحده تانية بتحبة

والله لو هو عرف انها بتحبة وصارحته بكده يقدر يقولها انه يبحب ومرتبط بواحده
اما اذا كانت هى مصارحتهوش فطبعا هو مينفعش يقولها انى مرتبط بدون اى داعى

وبجد انا سعيد جدا بمشاركتك فى الموضوع شكرا ليكى يا حوريه

**Mahmoud Slem** · 12-04-2008, 10:13 PM

الموضوع الرابع

حبايبى واصحابى وجيرانى
ازيكو عاملين اية اهلا بكل مستمعينا الكرام
بمسى احلى مسى على احلى عيون فى برنامج صاصا (( كلام فى الحب ))
اية يا جماعة مفيش اتصالات ولا اس ام اس خالص
انتو مش بتحبو البرنامج بتاعى والا اية لا انا سحلان منكو اوى
المهم....................
حلقتنا النهاردة عاوزة تفاعل شوية انتو هتفضلو نايمين لحد امتى يلا يا حلوين اصحو يا حبايبى عشان تنامو
عنوان حلقتنا النهاردة
(اعداد الحب)

1-تفتكر فى أعداد للحب؟

2-طيب لو لا لا لية ولو اه اه ليه؟

3- فى كلتا الحالتين الى هتجاوبهم لية بنطلق على اول حب فى حياتنا اول حب ؟

4- هو فى حاجة اسمها اول حب وتانى حب وتالت حب؟

5-هو مش كلو حب وخلاص؟

6-والا انت رايك اية يعنى الى بيحب اول مرة غير الى بيحب تانى مرة غير الى بيحب تالت مرة؟

7-طيب اية وجه الاختلاف بين الحب الاول والتانى والتالت؟

8-هى مش المفروض ان كلها مشاعر حب واحدة والا مشاعرك بتختلف من حب الى اخر؟

9-طيب انا عاوز اسألك واسألك سؤال مش ممكن تحب بعد اول حب وتلاقى نفسك بتحب يمكن اكتر من حبك الاولانى مش بتحصل؟

10-طب لية بنرقم علاقتنا مع الى بنحبهم بجد عاوز اعرف؟

جبايبى انا عاوز تفاعل عاوز تفااااااااااااااااااااااااااااااااااااعل::
مستني ردودكو وتشرفكو وتنويركو للحقلة والى عندو استفسار عن اى مشكلة
يتصل على 000000000
هههههههههههههههههههههههههههههه
تحياتى ليكو كلكو ياشباب

**ميرا مار** · 12-04-2008, 11:03 PM

برنامج رائع يا محمود
وسيبك من كل الموضوعات اللى هنناقشها سوا
حلاوة البرنامج انه هيقربنا من بعض
وهيخلق جو جميل افتقدناه كلنا فى بيوتنا
لان ماحدش فاضى يكلم حد
انا بجد باشكرك
وباحييك
وباعتذر انى اتاخرت.. الظاهر انه فى مرض منتشر اليومين دول بيخللى النت يبوظ فى بيوتنا ههههههههه

**ميرا مار** · 12-04-2008, 11:11 PM

الله على الموضوع النهاردة
ماشاء الله كل دى اسئلة دانت قطعت الموضوع حتت
ماعلينا نجاوب
وانا اكتر واحدة تعرف تجاوب عليه
بص
فى اغنية جميلة قوى لكاظم بيقول فيها
لم يحدث ابدا ان احببت بهذا العمق
انى سافرت مع امراة لبلاد الشوق
وضربت شواطئ عينيها كالرعد الغاضب او كالبرق
فانا فى الماضى لم اعشق بل كنت امثل دور العشق

ايه رايك بقى.. تخيل انك ممكن تخوض تجارب وتتعذب وتعيش الدور
وتفكر نفسك حبيت
وفجاة ييجى ..the one الوحيد القادر على اسعادك
وتحبة بجد
وتتفاجا انك عمرك ماحبيت
دى نعمة قليل اللى بيعرفها .. الحب الحقيقى

**Mahmoud Slem** · 12-05-2008, 09:57 PM

اولا بحيكى يا مها على المرور على البرنامج المتواضع ده

ثانيا
برده بحييكى على الرد على جميع الاساله باجابة واحده مختصره

بجد اجابة جميله جدا ومقنعه جدا

بس يارت بقى تبقى تدخلى تجابوى على باقى الاساله
شكرا ليكى مره تانية

الموضوع: اْई‾־־−ـ…_‗ـ•ֺاهلا بيكم فى برنامج صاصا (( كلام فى الحب )) •ـ‗_…ـ−־־‾ई

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة