في ضيافه فلان ضيف الحلقه ( esraa)

**Mohamed Saad Yassin** · 09-23-2008, 09:09 AM

حاضر جاى لأسئلتك يا حسن

**Mohamed Saad Yassin** · 09-23-2008, 09:29 AM

المشاركة الأصلية كتبت بواسطة thesurveyor

نخش بقا علي اسئلة (لو) إذا بدك يعني

لو جاتلك فرصة عشاء رومانسى فى مطعم رومانسى هادىء
تاخد مين معاك على العشاء بس حد ؟؟؟ غير بابا وماما ومرات حضرتك في المستقبل ان شاء الله

لو حد غالي علي حضرتك ( حبيبتك ) وطلبت منك وقالك قولي شعر ماذا ستقول له؟؟؟

لو جاتلك فرصة سفر تحب تكون فين ومع مين ؟؟؟؟

انت يا حسن اسئلتك دايما مشاكل بس يا سيدى حأجاوبك علشان مش كل شوية تقولى عالماسنجر انى بأتهرب من الاجابة على الاسئلة

لو جاتلك فرصة عشاء رومانسى فى مطعم رومانسى هادىء
تاخد مين معاك على العشاء بس حد ؟؟؟ غير بابا وماما ومرات حضرتك في المستقبل ان شاء الله
شوف يا حسن انا اساسا مش من طبعى الخيانة فطبيعى مش حأقبل ان تكون فية عشوة بقى رومانسية فى مطعم رومانسى و انا متجوز و ما يكونش الشخص اللى معايا زوجتى فطبعا ان شاء الله حتكون زوجتى
و اكيد طبعا برده مش حيكون بابا و ماما على حد قول سعادتك

لو حد غالي علي حضرتك ( حبيبتك ) وطلبت منك وقالك قولي شعر ماذا ستقول له؟؟؟
أولا مفيش اتنين بيحبو بعض يا سيدى الفاضل بيطلبوا من بعض اشعار او اقوال ومفيش واحدة بتطلب من اللى بتحبة شعر او زجل او مدح والعكس لان دة عبارة عن احساس و مشاعر يعبر عنها كل منهم بطريقتةو الا بقى يعنى تبقى العمليه .................
أما لو انا من نفسى (بفتح النون) حبيت اقول شعر أو اعبر عن احساس معين فساعتها بقى يعنى تجد لسانك يمطر من الكلمات الرقيقة العذبة ما لم تكن تتخيله ودة طبعا بيكون حسب الوحى لما بينزل (بس اكيد مش حعمل زى محمد سعد الممثل فى فيلمه لما قال الحب الحب .. الشوق الشوق ..بلوبيف بلوبيف)

لو جاتلك فرصة سفر تحب تكون فين ومع مين ؟؟؟؟
اولا يا حسن انا بحب السفر و بحب اروح اماكن كتيرة فمثلا بحب ازور اقسام الجغرافيا و كليات اخرى كالعلوم و الهندسة و التخطيط العمرانى على مستوى الجمهورية و انت كمان عارف بسبب طبيعة شغلنا و دراستنا الميدانية بنلف مصر يعنى مثلا شمال سيناء و جنوب سيناء و مطروح و الواحات و اسوان و غيرها و ان شاء الله السنة دى حنسافر الغردقة و اللى جاية احتمال باذن الله حلايب و شلاتين و لما نخلص مصر كلها انا حابب انى اسافر و الف العالم
أما عن سؤالك اللئيم فحريحك (بفتح جميع الحروف و سكون الكاف)
أحب لو جاتلى فرصة سفر أسافر مع الشخص اللى حيكون من نصيبى (فاهمنى طبعا) و يفضل يكون السفر بحرا و يكون السفر الى اجمل جزر العالم (معلش يا حسن انت قلتلى فرصة و جاتلى بقى و انا طماع - مش انت اللى حتدفع!!!!!!!!!!!!!!!!!؟)

**white_heart** · 09-23-2008, 12:57 PM

لو ممكن اسال دكتور محمد مين اهم شخص غير فى شخصيتك واتاثرت بية قوى؟
كنت بتذاكر اذاى؟
ممكن تحدد شخصيت حضرتك ؟
اية اكبر عقبة وقفت فى مشوار دراستك ؟
اية الحلم الذى كنت نفسك تحققة وحتى الان ما اتحققش ؟
دكتور محمد خميس الزوكة رحمة اللة كان بيمثل اية لحضرتك؟
اول واحد بتحب تشوفة لمل بتكون فرحان او لما تحقق انجاز؟
مين الاب الروحى لحضرتك ؟
حضرتك شايف نفسك زى مين ؟
مين الشخص اللى متتمناش تبقى زية ؟
مين اكتر حد بتحبة فى الدنيا؟
لو قالوا لحضرتك حتتنفى فى جزيرة لمدة اسبوع ومسموح لشخص واحد بس يرافقك مين الشخص اللى ممكن تختارة ؟

**Mohamed Saad Yassin** · 09-24-2008, 05:55 PM

المشاركة الأصلية كتبت بواسطة white_heart

لو ممكن اسال دكتور محمد مين اهم شخص غير فى شخصيتك واتاثرت بية قوى؟
كنت بتذاكر اذاى؟
ممكن تحدد شخصيت حضرتك ؟
اية اكبر عقبة وقفت فى مشوار دراستك ؟
اية الحلم الذى كنت نفسك تحققة وحتى الان ما اتحققش ؟
دكتور محمد خميس الزوكة رحمة اللة كان بيمثل اية لحضرتك؟
اول واحد بتحب تشوفة لمل بتكون فرحان او لما تحقق انجاز؟
مين الاب الروحى لحضرتك ؟
حضرتك شايف نفسك زى مين ؟
مين الشخص اللى متتمناش تبقى زية ؟
مين اكتر حد بتحبة فى الدنيا؟
لو قالوا لحضرتك حتتنفى فى جزيرة لمدة اسبوع ومسموح لشخص واحد بس يرافقك مين الشخص اللى ممكن تختارة ؟

مين اهم شخص غير فى شخصيتك واتاثرت بية قوى؟
لالالالالالالالا الموضوع دة كبير لان الواحد بيتأثر بشخصيات كثيرة يعنى مثلا فى الدين شخص فى العمل شخص و يمكن يكون اكتر من شخص فى الحياة شخص يعنى ممكن نقول أشخاص كثيرة جدا يصعب حصرهم جميعا

كنت بتذاكر اذاى؟
على فكرة ماكنتش باذاكر الا قبل الامتحان على طول
بس كنت بأحضر المحاضرات و ابيضها - أما المواد الرياضية و العملية فمكنتش محتاج اذاكرها كمان قبل الامتحان يعنى كدة قرأة خفيفة و كنت بأكون منتبه جدا فى المحاضرة و بكدة مااكونش محتاج اذاكرها تانى و قبل الامتحان اذاكر مذاكرة بقى اية جامدة يعنى و مابعرفش انام و انا عندى امتحان تانى يوم صعب جدا فكنت اذاكر ليلة الامتحان باليل لحد الصبح

ممكن تحدد شخصيت حضرتك ؟
صعب جدا ان حد يحدد شخصيتة لان تعريف الشخصية أنها مجموعة من الصفات الجسدية والنفسية(موروثة و مكتسبة) وأيضا العادات و التقاليد و القيم والعواطف متفاعلة كما يراها الآخرون من خلال التعامل في الحياة الاجتماعية.

اية اكبر عقبة وقفت فى مشوار دراستك ؟
اهتمامى و مساعدتى للاخرين

اية الحلم الذى كنت نفسك تحققة وحتى الان ما اتحققش ؟كتيييييييييييييييييييييييييييييييييييييييييييييييي يييييييييييير احلام كتيرة لو قعدت اكتبها يبقى تجيبى منتدى فوق المنتدى علشان يكفى

دكتور محمد خميس الزوكة رحمة اللة كان بيمثل اية لحضرتك؟
كان استاذى ووالدى و الصورة دى و التعليق اللى عليها دة اللى بخط ايده يثبت ذلك و على فكرة الصور دى ايام ما كنت طالب فى سنة رابعة
الصورة الاولى كانت بعد حفل تخرج طلاب شعبة المساحة
و الثانية كانت فى ندوة عقدتها عندما كنت امينا للجمعية الجغرافية عندما كنت فى السنة الرابعة و الاهداء كان خلفها

معلش الصور بس قديمة شوية

اول واحد بتحب تشوفة لمل بتكون فرحان او لما تحقق انجاز؟
أمى

مين الاب الروحى لحضرتك ؟
د احمد مصطفى و د محمد شرف

حضرتك شايف نفسك زى مين ؟
اتمنى أكون زيهم أو حتى نصفهم

مين الشخص اللى متتمناش تبقى زية ؟
ايه دا بقى لالالالالالالا صعب الاجابة على السؤال دة
بس فية كتيرمااحبش اكون زيهم

مين اكتر حد بتحبة فى الدنيا؟
فى الدنيا و موجودين دلوقتى بعد ربنا و سيدنا محمد (الوالدين)

لو قالوا لحضرتك حتتنفى فى جزيرة لمدة اسبوع ومسموح لشخص واحد بس يرافقك مين الشخص اللى ممكن تختارة ؟
جاوبت على السؤال دة قبل كدة

**Hassan Mohamed** · 09-23-2008, 01:45 PM

اجابات جميلة قوي المرة دي :D

**ميرا مار** · 09-23-2008, 08:40 PM

ربنا يكون فى عونك يا استاذ محمد .. طوفان الاسئلة عالى .. ربنا يزيد حب الناس لك كمان وكمان

**ميرا مار** · 09-23-2008, 11:25 PM

ايه يا جماعة

انتو نمتوا

دى فرصة العمر فاضل يومين بس وتنتهى ضيافة الاستاذ محمد سعد لينا ..
انتهزوا الفرصة ..

استاذ محمد .. حبيت طبعا قبل كدة؟
طب اول مرة دق قلبك كان امتى؟؟
ماتقولش بقى تانية ابتدائى وكدة .. عايزين نعرف بجد

**Mohamed Saad Yassin** · 09-24-2008, 07:39 PM

المشاركة الأصلية كتبت بواسطة مهندسة مها عفيفى

استاذ محمد .. حبيت طبعا قبل كدة؟
طب اول مرة دق قلبك كان امتى؟؟
ماتقولش بقى تانية ابتدائى وكدة .. عايزين نعرف بجد

استاذ محمد .. حبيت طبعا قبل كدة؟
اكيد طبعا

طب اول مرة دق قلبك كان امتى؟؟
ماتقولش بقى تانية ابتدائى وكدة .. عايزين نعرف بجد
بصى بصراحة انا كنت زمان (فاهمانى زماااان) بحب على نفسى و انا ماشى
بس حبيت بجد من فترة مش بعيدة قوى و مش قريبة قوى و كانت و لفترة لم تتعدى سنة ونصف و كانت اجمل سنة ونصف عشتها فى حياتى (كفاية كده)==الله يسامحك

**Hassan Mohamed** · 09-24-2008, 07:51 PM

المشاركة الأصلية كتبت بواسطة Mohamed Saad Yassin

استاذ محمد .. حبيت طبعا قبل كدة؟
اكيد طبعا

طب اول مرة دق قلبك كان امتى؟؟
ماتقولش بقى تانية ابتدائى وكدة .. عايزين نعرف بجد
بصى بصراحة انا كنت زمان (فاهمانى زماااان) بحب على نفسى و انا ماشى

بس حبيت بجد من فترة مش بعيدة قوى و مش قريبة قوى و كانت و لفترة لم تتعدى سنة ونصف و كانت اجمل سنة ونصف عشتها فى حياتى

(كفاية كده)==الله يسامحك

منكن حضرتك تحكيلنا بالنفصيل الممل