في ضيافه فلان ضيف الحلقه ( esraa)

**ميرا مار** · 09-26-2008, 10:09 PM

حضرتك مشرفة بالقسم الإجتماعي والثقافي
ماهو أجمل موضوع في هذا القسم من وجهة نظرك ولماذا

والله الموضوعات معظمها جميلة لكن اللى علق معايا قوى موضوع الجهل فى زمن المعرفة .. بواسطة جودى كان جميييييييل

ما اسوا وأحسن خبر سمعتيه خلال حياتك?
اسوأ .. يوم جدتى ماتت الله يرحمها
احسن.. قبولى فى منحة كنت متقدمة لها

لو سئلتك انت مصري تقولي ايه . ايون مصرى جدااااااا

**sarah** · 09-26-2008, 04:19 AM

منورة يا بشمهندسة مها

اولا : ايه اكتر موقف بتفتكريه ويضحكك؟

هل حد عمل فيكى مقلب قبل كدة ومش قدرة تنسيه لحد دلوقتى؟ او انتى عملتى فى حد مقلب؟ ولا مبتحبيش المقالب.

لو جاتلك رحلة فى اى بلد تحبي بلد ايه تختاريها وليه؟

هل تؤمنى بالحب من أول نظرة؟

كفاية كده النهاردة

ملحوظة: ليكى الحريةفى عدم الرد على اى سؤال مش عايزة تتسئليه.

**ميرا مار** · 09-26-2008, 10:34 PM

منورة يا بشمهندسة مها

دا نورك يا ساره .. انتى منورانا

اولا : ايه اكتر موقف بتفتكريه ويضحكك؟
مرة وانا خارجة وقفنى شحات على اول الشارع وقعد يدعيلى ربنا يخليكى ربنا .........
المهم والله كنت مستعجلة .. قلت له ربنا يسهلك .. غلطت انا ؟؟
بس
انا قلت له كدة وهو رد عليا .. روحى .. ربنا ياخدك .. ربنا ... ومش عايزة افتكر الباقى

هل حد عمل فيكى مقلب قبل كدة ومش قدرة تنسيه لحد دلوقتى؟
لالالالالالالالالا انا محش يقدر يعمل كدة معايا

او انتى عملتى فى حد مقلب؟ ولا مبتحبيش المقالب.

باحبها جدا .. هاقولك بس بينى وبينك
كنت فى المدينة الجامعية فى المنصورة وكان لينا واحدة زميلتنا غلسة متعودة تفتح اى دولاب بدون استئذان...
المهم لبست اسود فى اسود وعملت كل اللى تتخيليه عشان ابقى شبة عفريتة هانم واستنيتها فى الدولاب
اعوانى طفوا النور .. فى وقت دخولها عندنا وكالعادة فتحت اول دولاب فى سكتها

كانت مين فى انتظارها؟؟؟ تخيلى الباقى بقى ..

لو جاتلك رحلة فى اى بلد تحبي بلد ايه تختاريها وليه؟
انا نفسى اروح لبنان الحقيقة .. جمال الطبيعة فيها وناسها عشريين وبيحبوا المصريين

هل تؤمنى بالحب من أول نظرة؟
طبعا بس لو ماحصلش تفاهم بيمووت الحب مع اول خناقة

كفاية كده النهاردة

لييية انا استمتعت باسئلتك والله عموما ميرسى يا سارة

**Mimi** · 09-26-2008, 04:23 AM

لالالالا انا حزينة ..في الحقيقة انا حزززززيييييينة

عشان ملحقتش اتصل أودع الاستاذ محمد حتى يعني كنت اقوله انه كان منورنا والحلقة خلصت بسرعه

بس اعمل ايه الخطوط وحشة انتو عارفين باه وكل ما اتصل يقولي مشغول او الاعداد يسيبوني ع التليفون : (

بس انا مبسوووطة اوي باه عشان الاستاذ محمد حط الشخص المناسب في المكان المناسب لما اختار الباشمهندسة مها :D < --- والله مش شماته ولا حاجة هههههههههههههه انا بس كنت عايزه اتعرف عليكي اكتررررر واشوف شعورك ايه وانتي على كرسي الكهربا...قصدي كرسي الاعتراف ههههههههههههههه

في الواقع كنت اود ان اوجه للباش مهندسة سؤال خطير للغاية وأرجو عدم تجاهلي

حضرتك ايه رائيك في الحشرات بجميع انواعها انا بلاحظ ان الناس بتقرف منها ..بس في الحقيقة انا مش شايفة داعي لهذا الاشمئزاز وخصوصا انها مخلوقات رقيقة وصغيره للغاية ليه بنخاف ونشمئز منها ؟!!! : (

وبعدين السؤال الثاني ..ممكن تقوليلنا رائيك في الاعضاء التاليين

شيمو = .......................

حسن = .......................

وايلد انجل = ...................

ويتش ايفل = ................

مهندس أيمن = .............

**ميرا مار** · 09-26-2008, 11:04 PM

ماااشي يا جودي كل واحد لووو يوووم:D

حضرتك ايه رائيك في الحشرات بجميع انواعها انا بلاحظ ان الناس بتقرف منها ..بس في الحقيقة انا مش شايفة داعي لهذا الاشمئزاز وخصوصا انها مخلوقات رقيقة وصغيره للغاية ليه بنخاف ونشمئز منها ؟!!! : (

والله ده سؤال سوبر
تعرفي ان انا بحترم الحشرات جدا
هما حبو بعض ..منظمين جدا وعندى حكايات كتير عنها
تعرفى مرة شوفت نملة كانت ماشية اتكعبلت .. ماتت ..
شوفى واحدة جات بصت عليها
انا تخيلتها بتقول يا لااااااهوووووووىىىى
وجرت بسرعة نادت الباقى جم و
اتخيلتهم بيضربوا كف على كف ويقولو يا حول الله
دى لسة فى عز شبابها ..
كان نمول متكلم عليها وكانوا هيقرو الفاتحة السيزون الجاى ..
وجم من بعيد نملتين اللى واقفين وسعوا السكة للامبيلونس ..
وشالوها
والله وماسابوهاش كدة

معلش يا جودى .. باسرح كتيير

وبعدين السؤال الثاني ..ممكن تقوليلنا رائيك في الاعضاء التاليين
شيمو = ........عسولة...............

حسن = .........لا تعقيم ( بس هو العقيقة نابغة)
وايلد انجل = ........مثقفة جدا...........

ويتش ايفل = ........زعلانة منها هيا فين........

مهندس أيمن = .....على قد المسؤلية.......

جودى باشكرك قوى على سؤال بتاع الحشرات دة .. باكتشف حاجات فى نفسى
.

**Wild_Angel** · 09-26-2008, 07:05 AM

عاجبنى على فكره سؤال جودى بتاع الحشرات ده SO Cute
بس لو مفهوش صوروصاااااار على راى لينا

نبدا الاسئله:

-البحر ام المرأه اكثر غدرا؟

-هل زرتى قسم الجغرافيا عندنا ؟ ولو مزرتهوش ادينا بندعيكى تزورينا

-بما انك قولتىى بتحبى عمرو خالد هل طبقتى اى شئ من اللى سمعتيه منه فى حياتك وما هو؟

- ما هو اكثر سؤال اتسال للاستاذ محمد سعد واعجبك جدا وتمنيتى ان نساله لكى ؟الرجاء كتابة السؤال والرد عليه؟؟

-ايه رايك فى البروفيسوره مشرفة قسم اللغه الانجليزيه جودى (حبيبة قلبى منورانا باسئلتك)؟
وبلاش دبلوماسيه فى الرد

-من هى صديقتك الانتيم غير اختك؟؟

-مش حسالك عندك كام سنه لانى عفيتك من السؤال ده بس عايزه اعرف بقالك قد ايه بتشتغلى وياريت تقولى كنتى تقريبا خريجة سنه كام :D ؟ ;)

مش حقول لحد على فكره

-مرتبطه ولا مش مرتبطه ؟وعلى فكره لو كانت الاجابه مرتبطه بالسؤال فممكن يتجوزوا :cool:

-ما رايك فى كلمة لا تعقيم بتاعت باشمهندس حسن؟ اصلى كنت بعانى منها اما قرتها فى الاول وكان نفسى اوضحله انها غلط بس بعد كده لقيتها ذات معنيين

-اكتر شئ استفزك شفتيه فى المنتدى؟

- هو سؤال مكرر بس حبيته اما قريته : ما هى اكثر الايات او السور التى تؤثر فيكى فى القران الكريم؟

-ما سبب اختيارك للقسم الاجتماعى والثقافى؟

-ما سبب اختيارك لصورة القطتين اللى زى العسل فى التوقيع؟

- اشرحى نفسك فى جمله؟

وكفايه كده احسن طولت عليكى واستعدى للدفعه الجديده

**ميرا مار** · 09-26-2008, 11:54 PM

اهلا باك يا انجل اتفضلى

نبدا الاسئله:

-البحر ام المرأه اكثر غدرا؟

المراه طبعا

-هل زرتى قسم الجغرافيا عندنا ؟
لا .. ولكن اتمنى
ولو مزرتهوش ادينا بندعيكى تزورينا .. دعوة كريمة هالبيها ان شاء الله

-بما انك قولتىى بتحبى عمرو خالد هل طبقتى اى شئ من اللى سمعتيه منه فى حياتك وما هو؟

طبعا كتييييييييير طبقت كلامه ..

- ما هو اكثر سؤال اتسال للاستاذ محمد سعد واعجبك جدا وتمنيتى ان نساله لكى ؟الرجاء كتابة السؤال والرد عليه؟؟
الحقيقة كان فى اسئلة كتير جميلة.. لكن الحقيقة ماتخياتش السؤال لنفسى

-ايه رايك فى البروفيسوره مشرفة قسم اللغه الانجليزيه جودى (حبيبة قلبى منورانا باسئلتك)؟
وبلاش دبلوماسيه فى الرد

والله مش محتاجة دبلوماسية.. هى موضوعاتها وخفة دمها سابقاها ..

-من هى صديقتك الانتيم غير اختك؟؟

-مش حسالك عندك كام سنه لانى عفيتك من السؤال ده بس عايزه اعرف بقالك قد ايه بتشتغلى وياريت تقولى كنتى تقريبا خريجة سنه كام :D ؟ ;)

مش حقول لحد على فكره

-مرتبطه ولا مش مرتبطه ؟ ايون .. مرتبطة
وعلى فكره لو كانت الاجابه مرتبطه بالسؤال فممكن يتجوزوا :cool:

-ما رايك فى كلمة لا تعقيم بتاعت باشمهندس حسن؟
انا قلت له اشغلة فى حملة دعايه ديتوووووول وهو ماردش عليا

اصلى كنت بعانى منها اما قرتها فى الاول وكان نفسى اوضحله انها غلط بس بعد كده لقيتها ذات معنيين

-اكتر شئ استفزك شفتيه فى المنتدى؟ لغاية دلوقت تمام احنا لسة بنقول يا هادى

- هو سؤال مكرر بس حبيته اما قريته : ما هى اكثر الايات او السور التى تؤثر فيكى فى القران الكريم؟

في سورة الملك الايه 23 بسم الله الرحمن الرحيم " قل هو الذي انشأكم وجعل لكم السمع والابصار والافئدة قليلا ما تشكرون "

-ما سبب اختيارك للقسم الاجتماعى والثقافى؟

اغلب اهتماماتي فيه

-ما سبب اختيارك لصورة القطتين اللى زى العسل فى التوقيع؟

بحب القطط

- اشرحى نفسك فى جمله؟

صعبة دي