في ضيافه فلان ضيف الحلقه ( esraa)

**ميرا مار** · 09-28-2008, 09:52 PM

المشاركة الأصلية كتبت بواسطة ahmedko

بعد التحية و السلام
سوال واحد
انتى شايفة المنتدى و الرابطة بعد 5 سنين فى عنيكى هتكون ازاى
و نعمل ايةعشان نوصل لكدة

اولا حمد الله ع السلامة احمد

ثانيا
سؤال صعب عليا يا حمد والله .. احنا لسة بنقول يا هادى وربنا يوفقنا..

**ميرا مار** · 09-28-2008, 11:10 PM

والله مش باقصد من استعجالى بانسى اسئلة حصل خير عموما

يلا دفعه جديده من الاسئله:

-اجمل ضحكه بتطلع من قلبلك امتى؟

لما باكون مع اختى او ... اممم بنت خالتى الانتيم

-سؤال مهم جدا ليكى فى الطبخ وما هى اجمل طبخه طبختيها ؟ طب ولو ملكيس ما هى اسوأ تجربه فى الطبخ مريتى بيها؟

اه ليا والله .. انا باعمل بيتزا فظيييييييييعة ..
اسوا تجربة طبخية هههههههههه مابلاش .. طيب
مرة ماما خرجت وسابتنى اطبخ قولتلها
مااااا تخافيييييييش .. المهم كنت باعمل شوربة فراخ .. مليت الحلة ماية ورميت فيها الفرخة
وقلت لها الله يحرقك
باهزر ..
.. وروحت اشوف فى ايه فى التليفزيون لقيت ميييييييين؟
ابلة سعاد حسنى الله يرحمها
بامووووت فيها .. قعدت بقى اشوفها ... وفييييين وفيييييين الفيلم خلص .. وانا مش ف الدنيا .. قمت بقى اشرب .. ها حقى ساعتين قاعدة قدام التليفزيون .. داخلة المطبخ .. ايووووووووووه نسيتك.. فتحت الحلة ..

لقيت المرحومة .. حتة فحمة .. ياللا قدرها بقى

-اشرحيلنا طبيعة شغلك ؟ انا باشوف نظام مثلا شركة .. ماشى ازاى وعدد موظفيها والاداريين..وطبيعة شغل الشركة..
وباقعد مع الاداريين والمدير المسؤل واشوف النظام من اصغر شئ لاكبر شئ وبعدين احلل النظام وابدأ من هنا ..... وابدا اعمل قاعدة بيانات للنظام دة ..

- ما هو لونك المفضل؟
الابيض.. والاحمر

- كنتى بتحبى الجغرافيا وانتى صغيره ولا لأ ؟اصلى للاسف مكنتش بحبها؟
اه والله لغاية دلوقت باحبها ..

-لو لون صفحة المنتدى اتغير تحبى يبقى لون ايه؟
احمر .... ههههههه صعبة قوى .. انا اتمنى الون الكون بالابيض والاحمر

-نوع الموبايل اللى بتحبيه وغيرتى تليفونك كام مره ؟ ده سؤال ملهوش دعوه بالضرايب على فكره

ههههههههه ماشى يا ستى اتكلم براحتى بقى .. انا عموما باحب السامسونج قوى
غيرت موباييلى حوالى 5 مرات ومعايا دلوقت 6131

-بتحبى التبوله بما انك بتحبى لبنان يعنى؟

موووووووووووووووت

-اذا كانت هوايتك القراءه : من هو اكثر كاتب احببتى طريقة كتابته؟؟
عبد الوهاب مطاوع .. رحمه الله

-اوصفى اول حاجه بتعمليها اما تفتحى الكمبيوتر واوصفيلنا يومك معاه ؟؟

عادى باشوف mail box ولو عندى شغل او المنتدى واسمع لى اغنيتين وكدة يعنى

-هناك مقوله بتقول: اعرف المرأه من محتويات حقيبتها ؟؟ ياريت تقوليلنا المحتويات عشان لو فى حد ممكن يقلبها يتعرف على كل حاجه بسهوله ؟ بعد الشر طبعا:Dربنا يحفظك
محفظتى .. مصحف صغير .. قلم ونوت بوك.. بارفانى.. امممممم بس

-ليكى فى الShopping وايه اكتر حاجه بتحبى تشتريها؟؟

باحب الشنط قووووووووى

- مييييين اول حد بيديكى العيديه وين اول حد اديتيله عيديه؟؟؟
بابا طبعا ومابديش لحد .. انا باخد بس

ان شاء الله مكونش اجهدتك بس برضه باذن الله فى دفعه تانيه

اسئلتك جمييييييييييلة .. بس مش هتلحقى خلاص انا ماشييييييييييا

**ميرا مار** · 09-28-2008, 11:22 PM

يا جماعة باعتز عن الاسئلة اللى ماجاوبتش عليها النهاردة
هاكملها بكرة ان شاء الله
انا لازم اتابع القسم بتاعى ..

**shimo** · 09-29-2008, 11:09 PM

:eek::eek: انا كنت جايه اسأل شويه بس صوعقت
وات هابن هيييييييييير
مها هسألك بعدين يا عينى لما تخلصى كل الاسئله دى فالاخر انا بقئ
ربنا معاكى رب قلبى عندك
:eek:

**ميرا مار** · 09-29-2008, 11:38 PM

اولا منوره يا هندسة وفكره الموضوع ده جامده جدا

دا نورك انت يا جميل
ونقول بسم الله الرحمن الرحيم
ايه هو القرار اللى انتى اخدتيه وندمتى عليه ؟ مافيش ..
لو اتحطيتى فى موقف انك تختارى الانسان اللى انتى مرتبطه بيه وبين اختك والاتنين محتاجينك تختارى مين ؟
مين ممكن يحطنى فى موقف زى دة؟ وعموما طبعا اختى
دموعك غاليه عليكى ولا ممكن من اقل موقف تعيطى قدام حد ؟
كان زمان دلوقت دموعى عندى اغلى من اى حد واى شئ

لو قالولك اتمنى امنيه واحده بس تتمنى ايه ؟
اتمنى رضا الله .. بجد

راضيه عن نفسك ؟
الحمد لله
ال ايه اكتر عيب فيكى وانتى معترفه بيه ومش عارف تغيريه ؟
جاوبت عليه قبل كدة

اايه اكتر حاجه فرحتك سواء حصلت لو لسه محصلتش ونفسك تحصل وانتى شايفه انك حتكونى فى منتهى السعاده لو حصلت ؟
بردو جاوبت عليه

من وجهة نظرك شايفه ان استاذ محمد ممكن ينتقم منك فى الاسئله ؟

لالالالالالالالالالالالالالالاء
اطلاقا .. انا كنت طيبة فى اسئلتى .. وبعدين هو انسان طيب ومحترم

**ميرا مار** · 09-29-2008, 11:52 PM

ميييييييييييين؟؟
اهلا يا افندم .. اتفضل احمديكو

اامته حد ممكن يقولك ارحمينا منك؟

والله مافى .. انا طيبة خالص .. بس ساعات لما اعوز اقنع حد بحاجة

ايه الموقف اللي ممكن يزعلك؟
ان حد مايقدرنيش صح ومايدنيش قيمتى

لو اتنين اتقدمولك واحد غني و بخيل و واحد برضة غني بس كبير في السن من 45 و طالع تختاري مين(لازم حد فيهم)؟
يبقى السؤال
البخيل واللا الكبير؟

اكيد الكبير .. لكن ماحدش يستحمل البخيل ..

امتة ممكن تدي ثقة للناس؟

قصدك امتى اسحبها
انا للاسف .. بادى ثقة الاول باتوكل على حسن نيتى الى ان يثبت العكس

هييييييييييييي مش هتلحق تسال !!!:D

**ميرا مار** · 09-30-2008, 12:00 AM

]اخس لا بجد اخس الواحد النت يقطع عندة يومين يدخل يلاقى كل دة ماشى يا منتدى
على العموم السلام عليكم

عليكم السلام ورحمة الله يا وايت هارت
السوال الاول : اية الحاجة اللى ممكن تخليكى متكلميش اللى عملها فور ايفر ؟
الافتراء .. يعنى حد يتهمنى بحاجة وحشة معملتهاش
السوال الثانى: اكثر صفة نفسك تتخلصى منها بردة فور ايفر؟
انى باجى على نفسى عشان اى حد مهما كان

السوال الثالث: مين الشخص اللى حاسة نفسك بتفكرى زية؟
اممممممممممممم .. الحقيقة من خلال المنتدى لقيت فى شخصية جودى حاجات كتير بافكر بنفس الطريقة
لكن فى حياتى مافيش

شكرا يا وايت هارت ...