في ضيافه فلان ضيف الحلقه ( esraa)

**samomran** · 10-25-2008, 09:42 PM

جووووووووووووودى اسال انا بقى لو انتى اللى حتختارى اللى يجيى بعدك على الكرسى تختارى مين؟
جووووووودى لو شافت ان الحب امامها و هى عايزه الحب ده تاخده ولا تخاف منه ؟
جووووووووووودى لو انك تختارى اقرب اصدقاء ليكى من المنتدى تختارى مين من البنات و مين من الشباب ((الاختيار شخص واحد لكل جنس سواء بنت او ولد))
جووووووووووووووودى امتى تقول انى تعبت؟
جووووووودى امتى تقول ان الحلم ده مستحيل؟
جووووووودى امتى تقول ان الامل راح ؟
جووووووووودى لو بتحلم بتحلم بايه ؟
جووووووودى لو جت فرصه للحب القديم انه يرجع حتاخد بيه ولا ....؟

**Mimi** · 10-25-2008, 09:51 PM

المشاركة الأصلية كتبت بواسطة samomran

جووووووووووووودى اسال انا بقى

ماشي اهلا بيك ياسامو واتفدل اسأل خد راحتك
[*]جووووووووووووودى اسال انا بقى لو انتى اللى حتختارى اللى يجيى بعدك على الكرسى تختارى مين؟

مش هينفع أقول متهيألي ياسامو الا بعد آخر سؤال ليا ، خليه او خليها تتصدم في لحظتها أحسن ههههههههههههههه
[*]جووووووودى لو شافت ان الحب امامها و هى عايزه الحب ده تاخده ولا تخاف منه ؟

منا جاوبت دا قبل كدا سامو وقلت هخاف آخده عشان ميضيعش مني وانا معنديش استعداد يضيع مني الحب تاني .
[*]جووووووووووودى لو انك تختارى اقرب اصدقاء ليكى من المنتدى تختارى مين من البنات و مين من الشباب
((الاختيار شخص واحد لكل جنس سواء بنت او ولد))

من البنات شيمو ومن الشباب حسن
[*]جووووووووووووووودى امتى تقول انى تعبت؟

لما ابقى لوحدي واتحمل فوق طاقتي وملاقيش حد يشيل شوية من السؤولية عني .
[*]جووووووودى امتى تقول ان الحلم ده مستحيل؟

لما اشوف ان المقومات اللي هتحققهولي ضعيفة او الظروف غير مناسبة لتحقيقه .
[*]جووووووودى امتى تقول ان الامل راح ؟

لا خالص ياسامو أملي دايمآ بحطه في ربنا وربنا دايم لذلك الامل عمره ما بيروح عندي .
[*]جووووووووودى لو بتحلم بتحلم بايه ؟

بحلم بحاجات كتير اكتر من تحقيق ذاتي لاني نفسي اعمل حاجه لديني وبلدي قبل ما امشي من الدنيا دي .
[*]جووووووودى لو جت فرصه للحب القديم انه يرجع حتاخد بيه ولا ....؟

لاء مش هينفع في كل الأحوال

**ميرا مار** · 10-27-2008, 01:41 AM

المشاركة الأصلية كتبت بواسطة samomran

جووووووووووووودى اسال انا بقى لو انتى اللى حتختارى اللى يجيى بعدك على الكرسى تختارى مين؟
جووووووودى لو شافت ان الحب امامها و هى عايزه الحب ده تاخده ولا تخاف منه ؟
جووووووووووودى لو انك تختارى اقرب اصدقاء ليكى من المنتدى تختارى مين من البنات و مين من الشباب ((الاختيار شخص واحد لكل جنس سواء بنت او ولد))
جووووووووووووووودى امتى تقول انى تعبت؟
جووووووودى امتى تقول ان الحلم ده مستحيل؟
جووووووودى امتى تقول ان الامل راح ؟
جووووووووودى لو بتحلم بتحلم بايه ؟
جووووووودى لو جت فرصه للحب القديم انه يرجع حتاخد بيه ولا ....؟

ساموووووووووووووووووووو انت مصغر خطك كدا ليه
ساموووووووووووووووووو ابقى كبرخطك شوية.. النظر على قده يابنى

**Hassan Mohamed** · 10-25-2008, 09:43 PM

ياعم كبر خطك شويا ايه الخط ده

**AYMAN GAMAL** · 10-26-2008, 12:30 PM

جودي

بلاش ضحكة الاشرار النهاردة

احب احييكي على اجاباتك الجميلة واللي عجبتني شخصيا و كان فيها المؤثر و المفرح بس كلها كانت صريحة

نصيحة توجهيها ليه شخصيا؟

امته الابتسامه بتكون مش عارفة تشق طريقها من قلب جودي؟

ايه هية اجمل لحظة مرت في ايام عمرك؟

اول مرة حسيتي انك اضعف انسانه في الكون وانك خلاص مش قادرة تستحملي؟

ايه رايك في كليبات اليومين دول ؟

اول كلمة تحبي لسانك يقولها اول كل يوم جديد؟

سامحيني لو طولت عليكي او غلست عليكي في الاسئلة

انتي انسانه مجتهدة و قدوة لناس كتير استمري في ثباتك و خدي ثقة كبيرة في نفسك انتي ممتازة

**Mimi** · 10-26-2008, 06:06 PM

المشاركة الأصلية كتبت بواسطة المهندس ايمن جمال

جودي

أؤمرني

بلاش ضحكة الاشرار النهاردة

طيب الحمد لله هههههههههه

احب احييكي على اجاباتك الجميلة واللي عجبتني شخصيا و كان فيها المؤثر و المفرح بس كلها كانت صريحة

ربنا يخليك يامون والله انت اللي هايل .

نصيحة توجهيها ليه شخصيا؟

بصراحة مش شايفة عليك اي ملاحظات يامون بجد والله وصعب حد زيي يوجه او ينصح حد زيك لانك عقليلتك وطيبة قلبك ملهاش حل فصدقني مش مجاملة بس لو عايز فعلآ نصيحة مني فهقولك خليك طول عمرك كدا متحاولش تغير من شخصيتك .

امته الابتسامه بتكون مش عارفة تشق طريقها من قلب جودي؟

لا والله بكون علطول متفائلة طول منا راضية بالظروف اللي انا فيها بس احيانآ غصب عني قلبي بيكون حزين لما بحس اني لوحدي ومفيش اي حد جنبي معنويآ وواقعيآ .

ايه هية اجمل لحظة مرت في ايام عمرك؟

مش هقدر افتكر اللحظة دي والله يامون الواحد فرح كتير ومرت عليه لحظات كتير اوي مينفعش اقولك اي حاجة كدا وخلاص بس لو اقولك اكتر لحظات الفرح اللي بتقابلني بيكون ليها علاقة بماما وبابا .

اول مرة حسيتي انك اضعف انسانه في الكون وانك خلاص مش قادرة تستحملي؟

أول مرة لما لقيت نفسي فجأة وسط ناس معرفهمش ومكان اول مرة اشوفه وطريقة حياة جديدة عليا ودي كانت أول سنة ليا في الجامعة .. حسيت بالعجز مش بالضعف كمان وخصوصآ اني كنت اول مرة اسيب اهلي والمفروض اني هشوفهم بعض سنة كاملة .

ايه رايك في كليبات اليومين دول ؟

مش متابعة يامون والله وعمومآ مش بحب كليبات الاغاني بس بحب الاغاني اسمعها بس لان لو شفت الكليب هتلاقيه ملوش اي علاقة بالاغنية بجد شئ مؤسف جدآ بس من الاول وانا معنديش بال لكليبات الاغاني والافلام العربي وماتشات الكورة .

اول كلمة تحبي لسانك يقولها اول كل يوم جديد؟

الحمد لله

سامحيني لو طولت عليكي او غلست عليكي في الاسئلة

لا بالعكس خالص والله دا انت اكتر واحد بتعجبني اسئلته وانا مبزهقش منها وانا اللي تعبتك معايا

انتي انسانه مجتهدة و قدوة لناس كتير استمري في ثباتك و خدي ثقة كبيرة في نفسك انتي ممتازة

ربنا يخليك وميرسي على النصيحة الجميلة دي وأوعدك أحطها دايمآ في اعتباري:)

**tiger** · 10-27-2008, 01:27 AM

أنا والله يا جودى مش عارف أقولك أيه وربنا معاكى أنا عارف شعورك بس الحمد لله مقعدش عليه وسطه جامده هههههههه

**ميرا مار** · 10-27-2008, 01:45 AM

جودى.. منوررررررررررة والله
قوليلنا بقى .. ايه اكتر حاجة بتحبيها فى مصر؟؟؟

شوفتى انا طيبة ازاى؟

**Mimi** · 10-29-2008, 11:58 PM

المشاركة الأصلية كتبت بواسطة ميرا مار

جودى.. منوررررررررررة والله

الله ينور طريقك وحياتك ياروح قلبي انتي اللي منورة كل الدنيا ياموها ياسكر

قوليلنا بقى .. ايه اكتر حاجة بتحبيها فى مصر؟؟؟

أكتر حاجة بجد روح الشعب المصري برغم ظروف الحياة اللي بيعانيها بس تفضل دايمآ فيهم روح الفكاهة والانبساط ومفيش احسن من كدا

شوفتى انا طيبة ازاى؟

طيبة اوي طيبة جدآ طيبة خالص وياريت كل الناس زيك *_*