في ضيافه فلان ضيف الحلقه ( esraa)

**mimo** · 03-08-2009, 12:07 AM

ههههههههههههههه
بتئلس عشان هيه قصيره يعنى
اهلا اولى معرفش عرفانى ولا لا

على العموم ميمو الطيب
1/ممكن تعرفيلى الحب من وجهة نظرك /الخيانة/الندم

2/حبيتى ابل كده ولا لسه
3/افضل الاماكن التى تحبى ان تزوريها

وكفايه كده

ميمو الطيب

لا للتكبر

**Hassan Mohamed** · 03-08-2009, 12:12 AM

ابل كده ؟؟؟ يادي الفضايح ههههههههههه

اسمها

قبل كده

**olivia nader** · 03-08-2009, 01:01 AM

اهلا اهلا بيك ميمو في الحقيقه مش عرفاك بس عادي اهلا بيك
ممكن تعرفيلى الحب من وجهة نظرك /الخيانة/الندم

الحب :تبادل مشاعر بين اتنين و غالبا بيجي بالتدريج مش من اول نظره لانه لازم ياخد وقته و اننا نلاقي الشخص اللي نحس انه بيكملنا و اللي يقدر مشاعرنا و يضحي عشانا و نضحي عشانه
يعني باختصار نحس اننا لاقينا نصنا التاني اللي مينفعش نكمل من غيره

الخيانه : بالنسبالي ذنب لا يغتفر ابدا

الندم :شئ بيعذب بس لازم مانستسلمش ليه و انا شايفه اننا مش لازم نندم علي حاجه ابدا
مادام مكملناش في اللي احنا ماشييين فيه يبقي كان شر لينا و ربنا بعدنا عنه ونحمد ربنا علي كده

2/حبيتى قبل كده ولا لسه
اكيد كل شخص بيعجب او بيحب في حياته
بس انا مرطبتش لان انا شايفه اني الانسان اللي احبه و ارتبط بيه لازم يكون هو زوجي في المستقبل
يبقي مافيش داعي اني ارتبط و اسيب و اتعب نفسي علي الفاضي احتراما حتي للشخص اللي حيكون زوجي في المستقبل
بس لو انا حبيت حد كان مع نفسي و عمري ما بينت ابدا و اهي فتره و عدت
و بفضل مع نفسي لحد ما انسي
3/افضل الاماكن التى تحبى ان تزوريها
اي مكان يكون علي ادامه بحر

**spider girl** · 03-08-2009, 10:02 PM

اوليفففففففففففففففففى
يا مساء الانوار
اتشرفت انى اتعرفت عليكى يا قمرة

نبدأ باه
1*لورحتى جزيرة بعيده اوى تقضى فيها ماتبقى لكى من العمر تخدى مين معاكى؟
2*بتعبرى عن غضبك ازاى؟
3*تحبى تقولى ايه لاعضاء المنتدى؟
4*بتحبى دلوقتى؟
5*حسيتى ان كان فى حد بيحبك قبل كده؟
6*ازاى اما تحبى بيكون بينك وبين نفسك ومش بتبينى(على الرغم ان الحجات دى بتبان جدا ولو بالنظرة حتى) ولا انتى ايه رايك؟
7*اوليفى شخصيه كتومه صح؟
8*ايه اكتر سنه تحبى ترجعى تعيشيها تانى؟ايه الى حصل فيها؟
9*ايه اكتر سنه تمسحيها من حياتك؟وايه الى حصل فيها؟

بس كفايه كده نعود بعد الفاصل

**خالد أبوسعده** · 03-08-2009, 10:18 PM

هههههههههههههههههههههههههه

اوليفيا

انتى بقا بالذات عايزالك قعده علشان الواحد يمخمخلك فى اسئله
coming soon

**Youssef Mostafa** · 03-08-2009, 10:34 PM

اولىىىىىى
طبعا انا لسة جاى بصى بقى

لو واحد متعرفهوش جا اتقدملك ايه رايك؟؟؟

الشخصيات دى بتمثلك ايه:-
سلمى جمال
هبة جمال
شهاب بودا
هديل
عمر
صافى
بس كدة لحد ناو حرجعلك تاااااااااانى

**spider girl** · 03-08-2009, 10:38 PM

هيه راحت فين
اغمى عليها من اول يومين ولا ايه ؟هههههههههههههه

**olivia nader** · 03-08-2009, 10:46 PM

اهئ اهئ اهئ اهئ
تعاليلي يا ماما
كل دي اسئله انتوا بتنتقموا مني ولا ايه
نبدأ باه
1*لورحتى جزيرة بعيده اوى تقضى فيها ماتبقى لكى من العمر تخدى مين معاكى؟
حاليا صحابي بس لو بعد كده اكيد حاخد حبيبي
2*بتعبرى عن غضبك ازاى؟
كل شويه السؤال ده اللي مش بحبه اوكي انا عيبي اني بتعصب بس بحاول بقدر الامكاناني اسحب نفسي و امشي عشان متعصبش علي حد
3*تحبى تقولى ايه لاعضاء المنتدى؟
انا بجد حسيت اننا هنا ببقي وسط عيلتي بس عيله كبيييييييره
و بجد بحب اوي كل فرد هنا
4*بتحبى دلوقتى؟
حب حب لا
5*حسيتى ان كان فى حد بيحبك قبل كده؟
اكيد حصلت كتيييير
6*ازاى اما تحبى بيكون بينك وبين نفسك ومش بتبينى(على الرغم ان الحجات دى بتبان جدا ولو بالنظرة حتى) ولا انتى ايه رايك؟
اه عندك حق بس انا بقدر اتحكم في نفسي اوييييييي
بالعكس ممكن الشخص اللي احبه اعامله اسوا من الباقي عشان مبينلوش او ابين لاي حد حوليه
7*اوليفى شخصيه كتومه صح؟
جدااااااااااااااااا و ده غالبا اللي بيبقي تاعبني اوي دايما
8*ايه اكتر سنه تحبى ترجعى تعيشيها تانى؟ايه الى حصل فيها؟
الحمدلله السنه دي تعتبر من احلي السنين اللي عشتها
و كل لحظه بعيشها فيها بحبها بس ربنا يعدي ايامنا كلنا علي خير
9*ايه اكتر سنه تمسحيها من حياتك؟وايه الى حصل فيها؟ا
السنه اللي فاتت عشان خالتي اللي كنت بحبها اوييييييي اتوفت (الله يرحمها)
يارب تغيبي في الفاصل انا تعبت اوي

**olivia nader** · 03-09-2009, 12:31 AM

اهلا اهلا بيك يا يوسف

لو واحد متعرفهوش جا اتقدملك ايه رايك؟؟؟
لو حد معرفوش اكيد حشوفه الاول و اتكلم معاه و ده اللي قررته بعد كده
ولو مرتحتلوش مش حوافق بيه خالص حتي لو ظروفه تحفه
والحمد لله ماما و بابا مش بيفرضوا رايهم في المواضيع دي و سيبنلي حريه الاختيار بس المهم اختار صح
مش لعب
الشخصيات دى بتمثلك ايه:-
سلمى جمال
اختي الكبيره و بجد هيه عرفه الكلام ده انا نفسي ابقي زيها
بجد قدوه حلوه جدا
هبة جمال
(اااه والله حتودي نفسك ورا الشمس)
هبه دي خلاص بقت مش اخت دي بقت جزء مني
شهاب بودا
انا معرفتوش غير السنه دي
بس فعلا اخويا الكبير و بحب سمع كلامه اوي عشان بينصح كويس اوي
هديل
هديل البنت الوحيد اللي طلعت بيها كصديقه وفيه من دفعتنا
و برتاح معاها اوي اوي
و بحبها جدااااااااااااا و تفكيرنا واحد
عمر
اعز اصدقائي الالداء ههههههههه
و عرفته من اول اسبوع دخلت فيه الكليه و برضه ما ارتحتش غير ليه من دفعتنا
و بعتبره اخ
اصل انا معنديش اخوات صبيان خالص
و مابصدق ارتاح لحد من الصحاب بجد
صافى
صافي صديقه طفولتي اصلا اعرفها من ابتدائي
و بجد مافيش حاجه بخبيها عنها
برتاح في كل كلامي معاها
كلمه اخت شويه عليها
بنتعامل كشخص واحديعني هي و هبه عندي واحد