في ضيافه فلان ضيف الحلقه ( esraa)

[Mimi]

انا جيت عشان اسئل بقا والامر لله

ياااه مش مصدقة نفسي خالص مكنتش متخيلة ان كعبول يسألني منووور ياكوكو والله .

عاوز ااخد رايك في بعض الاشياء

ماشي اتفدل .

رايك ايه في البنات اللي بيتعرفوا علي شباب ويقولولك صداقة بريئة ودول اخواتي ؟؟

رأيي من رائيك ، مفيش الكلام دا نهائي قصدي دا مش مبرر انهم يتعرفو على شباب كتير وبعدين هقولك على حكمة بتقول " عندما يقول لك أحدهم أنت مثل أخي ..فتذكر قابيل وهابيل !! " دا لو شابين مع بعض او بنتين وبيحذروهم ما بالك باه بين الشاب والبنت .. أعتقد دا مفهوم او مبرر خاطئ مينفعش كل بنت تحطه كعامل أمان لتصرفاتها وتكون من رأيي الصداقة محمودة اذا كانت في حدود المجال العلمي او التبادل الثقافي والديني وفي حدود الاحترام بشكل عام لأننا في عصر لازم ضروري البنت فيه بتحتك بالشباب والعكس صحيح لذلك مينفعش اقولك مينفعش البنت تكلم اي شاب والا ربنا مكنش خلقنا في مجتمع مختلط فانا مع مبدأ الاختلاط وضد الاختلاء .

ساعات الواحد عشان يثبت انو ذكي قوي بيستخدم غباءة هل توافقيني ف يكده ولا لا؟؟

فعلآ بيقولك أغبى البشر هو من قال عن نفسه ذكي لكن بردو ياحسن مش عشان تثبت انك ذكي تبين نفسك غبي وتقلل من قدراتك قدام الآخرين !! لكن تمتنع عن التفاخر والغرور وتسيب عملك هو اللي يتكلم مش لسانك

ساعات بيكون النسيان سعادة للواحد ايه رايك في الكلام ده؟ظ؟

أوافقه طبعآ النسيان نعمة جميلة من عند ربنا ينسيك همومك وأحزانك لانك طبيعي هتستخدمه في كدا وكل حاجة فاتت علينا حلوة بنحتفظ بها في ذاكرتنا ، تخيل لو كل واحد مثلا فقد حد غالي عليه ومش قادر ينساه كل لحظة كان هيبقى شكله ازاي فالنسيان هو شكل من أشكال الحرية اللي بيحررك من قيود الماضي لذلك بعتبر الذاكرة أحسن خادم للعقل، والنسيان أحسن خادم للقلب .

شكرآ على اسئلتك الجميلة