في ضيافه فلان ضيف الحلقه ( esraa)

[olivia nader]

وعدنا بعد الفاصل والردود الـ 100 مية اللي شفناها من اولي حبيبة الجماهير
ميرسي يا قمر :):)
ونستكمل الاسئلة
اتفضلي
ايه رد فعلك لما حد يحرجك ؟
يحرجني ههههههههههه انا بضحك و باخد الموضوع بشكل فيه هزار و بالذات لو مع صحابي
اما لو حد معرفهوش حوقفه عند حده بطريقه كويسه مش افش
لو حد بدأ يتخانق مع صاحبتك هتعملي ايه هتحاولي تهدي الجو شوية بينهم ولا تتخانقي معاها ؟
والله انا ساعتها حهدي الجو عشان ولا انا ولا صحابي بنحب الخناق
و بنحاول اننا نتجنب الحوارات دي
لكن بقي لو لقيتها تطاولت علي صاحبتي و هيه مش عارفه تخرج من الموقف ده
اكيد مش حسكت ايه ده صاحبتي تتهزق ادامي وافضل ساكته
دانا ابقي ندله اوي ههههههههههههههههههه
بتحبي المسلسلات التركية ؟ لو اه ايه اكتر مسلسل حبيتيه ؟
اه و منهم لله البنات همه اللي خلوني احبها مابقتش بعرف ابطل اشوفها
نور كان شاددني اوي بس كقصه حلوه فعلا مسلسل لحظه وداع
كانت قصته واقعيه و بتناقش مشكله المرض اللي ممكن يهدم بيوت بحالها
مين مطربك ومطربتك المفضلين وبردو في الممثلين مين ممثل وممثلة المفضلين عندك ؟
المطرب كتيير بس عمرو دياب طبعا مالوش ولا اغنيه وحشه من زمان
المطربه بحب يارا صوتها حساس جدااا و اغانيها معظمها حلوه و بحب نانسي برضه ليها اغاني وااو
الممثل احمد حلمي و احمد السقا
الممثله مني زكي ممكن و بستلز لقاء الخميسي دمها خفيف
ايه انطباعك عن عشماوي اللي بيعدم الناس ؟ ممكن يكون طيب ولا تفتكري هو عدواني ولا دا حد عارف ربنا اوي وبيقيم حدوده الشرعية ؟
سؤال متميز جدااااااااا و عجيب
اكيد بخاف منه :eek::eek::eek: و ربنا يبعدنا عنه
هو ولا حاجه من دول هو مجرد شخص بيقوم بوظيفته المطلوبه منه
بس اكيد قلبه جامد اوي اوي اوي
تحبي رحلات المعسكرات ؟
اه اكيد بحب المعسكرات و بحب كمان حفلات البيات مع بنات خالتي او ياريت لو مع صحابي
يبقي واااااااااو
لو خدتك من ماما وبابا واخواتك واصحابك ومن اسكندرية كلها ووديتك مكان متعرفيهوش واول مرة تشوفيه وحرمتك من كل حاجة هتتحملي تعيشي فيه قد ايه ؟
ممكن يوم واحد بس و حستغله فاني اراجع نفسي فيه
واشوف حياتي من منظار بعيد و اقيمها
تفتكري انتي اتولدتي ليه ؟ يعني عايزه ايه من الدنيا ؟
اتولدت عشان كل انسان ليه رساله في الحياه ربنا كاتبهاله
و عايزه اني انجح في حياتي و اكون انسانه ليها دور في المجتمع عشان اثبت نفسي
و كمان ده اكيد بجانب اني ان شاء الله اكون زوجه و ام كويسه و ناجحه في حياتي
ليكي اي موهبة على اي آلة موسيقية ؟ وعموما ايه هيا هواياتك ؟
للاسف لا مليش في اي اله بس بحب اغني و انا في اعدادي كنت بدخل مسابقات القاء
و بحب العروض
و هوايتي الحقيقيه الرسم بحب ارسم اوي و بالذات لما اكون زهقانه
و بحب القرايه جدا
انتي خيالية ولا واقعية في امور حياتك ؟
لا واقعيه جدا
و بالعكس بفوق نفسي علي طوول قبل ما احلم و اسرح بخيالي
عشان ما اصحاش علي واقع مؤلم اتصدم منه
انتي جريئة ولا خجولة ؟
و الله جريئه في حاجات و خجوله اوي في حاجات تانيه
بس بحاول اخلي نفسي جريئه لان ده شئ مهم في الزمن اللي احنا عايشين فيه

ومعلش الاسئلة قليلة بس راجعااالك تااااني ياقطة
قليله اوي اوي وانا مش عارفه اقولك ايه
بس اسئلتك بجد عاجباني اوي عشان مختلفه عن اي اسئله مرت عليه