حوار ساخن جدا

[surveyor0000]

طبعا انا عاوز كل الطلاب يستفادو و يعرفو اكتر في المجال ده و انا اقترحت لو تحبو اقعد مع الطلاب و افهمهم ازاي يشتغلو في المجال ده انا معنديش اي مانع

[م/ احمد فاخر]

موضوع جميل يا حسن

بس انا احب اسأل سؤال اخر

بالنسبه للبنات او الشباب اللى قدروا يشتغلوا ما هى افضل الاعمال التى من الممكن ان تعمل بها الفتاه بالنسبه لمجال العمل بغض النظر عن العمل الحقلى((منعا لاعتراضات الزملاء الشباب)) ؟؟

اولا مفيش حاجه اسمها البنت تقعد فى البيت
فى شغل والمجالات كتير
اولها المكتب الفنى للاعمال المساحيه
وقواعد البيانات فى الهيئات الحكوميه
غير فرصه كمان فى بعض هيئات المساحه وشركات الاجهزه والتوكيلات
وكمان محطات الارصاد الجويه وغيرها
وفرصه صغيره فى العمل الحقلى
واناشاء الله الجميع يشتغل

[lolaa fahmy]

الموضوع ده يمكن من اهم الموضوعات في المنتدي كله وبيفيد كل الناس

جزاك الله كل خير يا باشمهندس حسن عليه

وشكرا يا باشمهندس surveyor علي الرد وجزاك الله كل خير وكل اللي شاركو وردو علي الاسئله

[samomran]

طيب ممكن انا اسال سؤال و عايز كل الخريجين و الطلاب لو يعرفوا يردوا على

انا بصراحه الموضوع ده شاغلنى جداااا
انا دلوقتى فى شعبه نظم معلومات جغرفايه الفرقه الثالثه
و ابتديت كورسات جى اى اس و كورسات استشعار عن بعد فى الاكادميه العربيه بالتعاون مع الجامعه الامريكيه
و انا ماليش جيش اصلا
السؤال هنا ما هى نسبه فرص العمل بعد التخرج مباشره او بمده قصيره مثلا
و شكرا

[surveyor0000]

علي فكره خريجين كتير من الشعبه العامه اشتغلو في مجال المساحه و اتميزو في الشغل عن خريجين المساحه نفسهم ... لان الاجتهاد في العمل مختلف عن الدراسه

و انت حاول تدعم نفسك بالكورسات الكويسه اللي انت بتاخدها و ان شاء الله فرصه الشغل بعد التخرج مش حتتـأخر

[شهاب بودا]

يا جماعه مش المهم الكورس بتاع gis او المساحه بياخد مده اد ايه المهم بياخد كام؟؟؟؟؟

[Ealy]

يا جماعه مش المهم الكورس بتاع gis او المساحه بياخد مده اد ايه المهم بياخد كام؟؟؟؟؟

كورسات ال جى اى اس يا شهاب هما 5 levels
و كل level بـــ 350 جنيه ده فى الاكادميه
ربنا يوفقكم

[محمود ابوالمجد]

والله بجد الجي اي اس كويس جدا وهيتفتح ان شاء الله في مصر الفترة الي جية اكتر واكتر وكمان الشغل بره جامد جدا وزي ما الباشمهندس قال فيه ناس انا اعرفها شغالة مساحة ومتميزة وهي شعبة عامة وفي الاخر ان شاء الله كله يشتغل بس اهم حاجة يكون فيه امل وهدف وقوة في التنفيذ وربنا معاكم كلكم

[خالد أبوسعده]

جميله اوى يا حسن فكره الموضوع دا
لاننا بجد كنا محتاجينه
و انا عايز اسال سؤال

دلوقتى انا اسمع ان الشغل بره غير الى بندرسه
طب المقابله الى بتم قبل التعيين
بنتسأل فى ايه؟؟

[سلمي جمال]

انا حتكلم عن نفسي في الانتر فيو
و هو كالاتي
بيسئل اول حاجة عن كل حاجة مكتوبة في السي في
و ممكن يسئل اسئلة متعلقة بالبرامج المكتوبة فيه
و بعد كدة بيسئل في مبادئ المساحة بالنسبة للميزان اكثر و اي انواع التوتل استيشن تعرف تشتغل علية
و هل بتعرف gps
ثم يسئلك في المستقبل الذي تريده و ما هي طموحاتك

بس كدة