حوار ساخن جدا

[Hassan Mohamed]

عاوز اضيف جزئية انا حاسس ان مفيش كتير متجاوبة مع الموضوع مع انه من اهم الموضوعات في المنتدي من وجهه نظري المتواضعة لانه يكفي انه بيعمل عملية تبادل الخبرات بين الاجيال وبعضيها

ثانيا بتوجه بالشكر لكل اللي اهتموا بالموضوع وبالرد علي الاسئلة ( م احمد فاخر و م محمود ابو المجد و م سيرفيور 000 و سلمكا وداليا وإلهام ) بجد انا بستمتع جدا بإجابتكم علي الاسئلة وبصائحكم الدائمة وبحاول علي قد مقدر اني استفيد حتي لو هسئلكم لوحدي

وبالمناسبة دي انا بدعوكم جميعا لعمل لقاءات حصرية معاكم ننقلها من خلال المنتدي هنا في القريب العاجل ان شاء الله


اسمحولي استكمل اسئلتي

من خلال نظرتي لبرامج الجي اي اس حاسس انها كلها بتأدي نفس الوظيفة ! فما هي الفائدة من دراسة المجموعة كلها ؟ ليه مكتفيش مثلا بالاوتوكاد والارك ماك ؟

[Hassan Mohamed]

بس انا ليا استفسار علي الكلام اللي فوق ده حضرتك موضحتك لو انا لسه خريج جديد يعني لسه ولاول مرة هشتغل في شركة ما هل هيكون فيه اختبار ليا في الاول ولا لا وهل لو فيه هتبقي ايه نوعية الاختبار ده

يا بشمهندس احمد حضرتك مردتش عليا في الجزئية دي


وعشان السؤال ميبقاش غامض انا اقصد الاختبار العملي

[Hassan Mohamed]

في انتظار ردودكم يا جماعة

[سلمي جمال]

حسن بالنسبة لموضوع الجي اي اس كلة مهو عبارة عن ارك ماب بس مقسم الي مستويين الاول شرح البرنامج و العمل علية و الثاني التحليل بانواعة
اما المستويات الاخري مهمة ايضا لان واحد منهم الاوتوكاد و الماب اينفو و اهم مستوي هو database
فاعتقد انة مهم اخد المستويات كلها
ممكن مستوي الماب انفو مش مهم اوي يعني بس الباقي مهم جدا

[Hassan Mohamed]

شكرا لردك يا سلمي بس انا شايف انو مكلف جدا الواحد يأخد كل المستويات دي ييييييييييييييييييييييييي1700 كتير قوي علي دورات

[سلمي جمال]

هي مكلفة بس لو اشتغلت في المجال دة حتجيب 3 اضعاف تمنها

[Hassan Mohamed]

ربنا يقدم اللي فيه الخير يا سلمي ومنتظر رد البشمهندسين علي بقية الاسئلة

[محمود ابوالمجد]

اولا يا حسن شغل الجي اي اس افضل من شغل المساحة بمراحل كتيرة
ثانيا مش كل المكاتب او الهيئات عندها فلوس تجيب ارك ماب لكن فيه برامج ارخص في السوق المكاتب الصغيرة بشتريها والاكادمي زي ما قالت سلمي بتديك هما برنامجين مش اكتر بس المستويات هو عملية شرح للبرنامج الارك انفو من ارك ماب وقاعدة بيانات واتوكاد وتحليل واخر مستوي هو الماب انفو وبرضه برنامج رخيص وشغال في السوق والجومديا وبرضه رخيص وشغال في السوق
والاكادمي الدراسة اوكي غالية بس بجد كويسة ومحترمة جدا وزي ما قالت بشمهندسة سلمي وخلي بالك مخلصة جي اي اس وممتازة فيه وهي عندها حق انه فعلا شغله يجيب الي صرفته عليه واكتر بكتير وممكن اقلك من اول شغلانة بس تكون شغلانة كويسة
واتمني اكون قدرت اوصلك كلامي بالتوفيق

[سلمي جمال]

ربنا يخليك يا محمود مش للدرجة
بس فعلا يا حسن شغلة جميل اوي و تكلفتة علي حق

[Hassan Mohamed]

انا بشكركم جدا علي ردكم عليا بكده الموضوع محتاج لوقفة وتحديد لجهه العمل هل مساحة ارضية وعمل حقلي ام جي اي اس وعمل مكتبي