فلسفة المسمار.. والتحكم فى أعصاب من نــــار

[Wild_Angel]

بسم الله الرحمـن الرحيـــم

السلام عليكم ورحمة الله وبركاته


يقال ان احد الحكـماء فى محاوله لتهذيب ابنه اهدى ابنه حقيبه بها مسامير وشاكوش وطلب منه ان يقوم بدق
مسـمار فى سـور الحديقه عقب كل مره يفقد فيها اعصابه او صبره...
وجاءت الحصيله فى اول يوم 37 مسمارا بدأت تدريجيا فى التراجع بعد أن أدرك الفتى أن التحكم فى أعصابه أسهل من دق المسامير.
وبعد ان نجح الفتى فى عدم دق أى مسمار فى احد الايـام أبلغ والده والذى طلب منه جذب مسمار من السور فى
نهاية كل يوم يمر دون ان يفقد اعصابه..
وبعد مرور عدة أيام هرول الفتى فرحا ليخبر والده أنه نجح فى جذب كل المسامير.
فصحبه ابوه إلى السور قائلا : يا بنى لقد أحسنت التصرف ولكن هل ترى كم ثقبا تركت فى السور الذى لن يعود ابدا إلى حالته الاولى ، إنك عندما تتشاجر مع أحد من اصدقائك وتسئ إليه تتركه بجروح وندوب كهذه .. وأيا كان عدد المــرات التى تعتـــذر فيها سيبقى الجرح .. ان الجرح النفســى يؤلــــم بقدر الجــرح البدنى وربما اكثر.

حاول ان تتحكم فى اعصابك
وعندما تفقدها غير وضع جلوسك وأن كنت واقفا اجلس
توضأ وحاول ان تهدأ
حتى لا تندم

فهناك مقوله ( تكلم وأنت غاضب .. فستقول اعظم حديث تندم عليه طوال حياتك )
قال صلى الله عليه وسلم (( ليس الشديد بالصرعة ، انما الشديد من يملك نفسه عند الغضب )). فمن يغضب فليقل " أعوذ بالله من الشيطان الرجيـم"



من خبرات حياتيه

[خالد أبوسعده]

جزاكى الله كل خير

[Ahmed Mohamed]

الله ينور موضوعاتك هايلة وجميلة

والصراحه العصبية دي عندي بس انا فعلا بكرهها

لاني بندم بعد كده

كلمات جميلة وموضوع اجمل تسلم ايديكي

[Wild_Angel]

جزانا الله وأياكم شكرا لمروركم

[محمود ابوالمجد]

الله ينور عليكي
بجد موضيعك كلها جامدة بجد
جزاكي الله خير

[Wild_Angel]

جزانا واياكم

شكرا لمرورك باشمهندس

[Hassan Mohamed]

الواحد فعلا بيتحكم في نفسوا كتير بس لو وصل للعصبية بيبقا وحش جدا

شكرا للموضوع الجميل يا ويلد

[ميرا مار]

وايلد انا سمعت القصة دى قبل كدة وسبحان الله تاثيرها عليا كان مختلف عن الان
تعرفى.. ساعتها قلت ياااااااه دا فعلا رجل حكيم ولازم اتعلم منه ..
وصدقينى عملت كدة وبقيت باتصرف بتعقل فى كل موقف بالطريقة دى..

عارفة دلوقت اقولك ايه.. لا تصدق كل ما تسمعه
لان ان عملت كدة كل الجروح والمسامير دى .. هتبقى شرخ فى نفسيتى انا
كل لحظة صمت مرت عليا فى مشكلة
اصبحت جرح غائر فيا
لان الظاهر ان الناس مش بتقدر دا وبتعتقد انه ضعف فبيزودوها..

وخلاصة كلامى
ان كل شئ فى المعقول افضل
يعنى كويس انى ماردش فى ساعتها
لكن ماعديهاش
ونصيحتى لاى حد يتحط فى موقف صعب انه ياخد نفس عميق ولحظات صمت قبل ما يرد
ويسمع نفسه هو هيرد يقول ايه قبل مايتكلم بصوت عالى..

وشكرا لك كتيييييييييير يا وايلد ع الموضوع الجميل دا

[heba]

جزاكي الله خيرا يا ويلد موضوع جميل جدا
وفي حاجة جميلة أوي في القصة عجبتني وهي طريقة تعليم وتهذيب الحكيم لأبنه بالصورة العملية

[Wild_Angel]

شكرا يا حسن لمرورك الكريم


وسعيده جدا يا باشمهندسه مها لمرورك واضافتك الجميله دائما تضيفى وتثرى اى موضوع بأضافه مفيده


جزانا واياكم يا هبه سعيده لمرورك