***لـحظــة صـــدق***

**Mahro** · 01-01-2009, 03:13 AM

لحظة صدق لو كنتى تقفيها مع نفسك

كنتى عرفتى كتير فيها عنى وعن نفسك

كنتى عرفتى انى بجد كنت بحبك

والأخلاص الى ادتهولك ده مش من حقك

كنتى قدرتى تواجهى كل الكون

ولاكان الخوف عمره سكن حسك

حلمتى وحلمك على ايديكى اتكسر

وبنيتى والى بنتيه اهوه بيــــــدمر

وخدعتينى كتير وكتير ولكن كان ربنا بيستر

لكن بجد انا اتعلمت وأخيراً صدقينى فهمت

واوعدك انى غلطى عرفته والغلط مش هيتكرر

ودى اخر مره احب بجد وأخر مره اخاف على حد

ده حبى ليكى كان قصر جميل بنيته وعليته لفوق

ومكنتش فاكر انه على ايديكى فى يوم يتــهـد

ده جرحك جرح كان طاغى لادواه الزمن ولا صراخى

قتلتى جوايا افراحى وبسببك صحيت ملـأتش الشمس منوره صباحى

واتمنى اشوف النار بتحرق كل شىء كان جميل بينا لو فاضل فى شىء بينا كان صاحـــــــــى

**عاشق الرومانسيه** · 01-01-2009, 09:02 AM

الله ينور يا محمود

**اسامه البنا** · 01-01-2009, 04:08 PM

تسلم ايدك يا محمود
ايه؟ الجمال ده
شعور صادق فعلا

**مى الشورى** · 01-02-2009, 01:24 AM

كلام جميل اوى يا محمود
وكله مشاعر واحساس
بس اللى تضحى بحب زى ده
تبقى متستهلهوش

**Mahro** · 01-04-2009, 01:21 AM

ربنا يخليك حبيب قلبى ديشا انت وسمسم الغالى وونورتي الموضوع يا مى والله

**white_heart** · 01-10-2009, 03:28 AM

ودى اخر مره احب بجد وأخر مره اخاف على حد

لا مش للدرجة الواحد ياما بيقابل
مش علشان قصة فشلت يبقى كل الناس وحشة
يبقى مفيش حد يستاهل انك تحبة بجد ولا تخاف علية

بس الموضوع جميل ودة رايى