موقف محير ..نفسي أعرف رائيكم !!

[ميرا مار]

والله ياسلمى راى ممتاز

[wisam]

والله يا ميرا انا لو يعنى مكانها اقبل :
اولا : لانه شخصيه كويسه وعلى اخلاق زى ما بتقولى
وطبعا ملتزم وبيصلى وعارف التقاليد الاسلاميه
ثانيا :لانه بيحبها
ثالثا : واللى انا شايفها اهم واحده انه مخدعهاش وقالها على جنسيته قبل الزواج

وده رايى بصراحه
على فكره موضوع مهم اوى ...شكرا ليكى يا ميرا

[محمد على]

والله انا لو منها اقبل كفايه انوا قال لها الصراحه

[Youssef Mostafa]

هو موضوع حلو اوى ياجودى واسمحيلى اقولك يا ميرا انا مش موافقك لان الراجل اسلم ابا عن جد وملتزم بتعاليم الدين وانا رايى زى سارة جمال

[Mimi]

شكرا ياجماعة على تفاعلكم في الموضوع ورغم ان منحازة لاقوى رأي اتقال وهو رأي سارة وكل الآراء اللي شابهتها

الا اني كمان مع الوجه الآخر في تحليل الموضوع من منظور تاني وكان على رأس تلك الآراء رأي زووما وكل من شابهه بردو

واللي قدرت اتوصله من كل الكلام دا انه الشاب دا يقدر ياخد فرصته في انه يتجنس باي جنسية أخرى والتخلي عن جنسيته وخصوصا ان في يهود ذات نفسهم غير معترفين باسرائيل وبالصهيون

وبعدين يرجعلها تاني ولو هيا بتحبه بجد وبصدق مفيش سبب يخليها ترفضه ساعتها

فشكرا ليكم جميعا

[Mahro]

ايه المواضيع الجميله دى يا نوارة منتدانا جووودى .....لا طبعاً تقبل مدام ان هيا هتخضع معاه للشريعه الأسلاميه واحكامها بما انها مسلمه وهو مسلم وبعدين الراجل كان صريح جداً معااااها وكان ممكن يخبى بس هو فضل ان علاقتهم تكون على ورقه بيضه من البدايه ودى تحسب ليه مش عليه واظن ان اى حد فينا ميعرفش اساس اصل جدودو منين

انا مثلا اسمع ان اصل اصل جدتى ام والدى وجدودها عرب مغاربه وكده يعنى وكتير منا على هذا المنوال فهى تستخير ربنا اولا وبعدين تقرر واكيد كل

شىء نصيب ...

[Mimi]

شكرآ ليك يامهروو رائيك ممتااااز وكلامك سليم 100 %