العلاج بالألوان.....تقنية جديدة

[NOHA SHABAN]

العلاج بالألوان.. تقنية جديدة



علماء بريطانيون يرون ان جسم الإنسان يحتاج إلى ألوان معينة لتحسين أداءه الذهني والجسدي. ميدل ايست اونلاينلندن – من آزاد يونس
يفضل معظمنا لونا معينا على لون آخر، ولم يخطر ببال أحد منا السبب في ذلك. ولكن العلماء البريطانيين لم يفتهم هذا الأمر عندما اكتشفوا أن جسم الإنسان يحتاج إلى ألوان معينة دون سواها لتحسين أداءه الذهني والجسدي، وأنه يتوجه إلى الألوان التي تنقصه في أوقات مختلفة من حياته.
ويقول هؤلاء إن بالإمكان استخدام هذا المفهوم عن الألوان لعلاج أنواع مختلفة من الأمراض التي تتراوح من الكآبة وفرط النشاط إلى التوحد والسرطان، ولهذا برز الكثير من أخصائيي العلاج بالألوان في بريطانيا دون غيرها من دول العالم.
ولكن ما هو العلاج بالألوان؟
تتمثل النظرية وراء هذا العلاج في أن كل لون في الطيف له تردد تذبذبي أو اهتزازي مختلف. ويعتقد العلماء أن جميع الخلايا في الجسم تملك أيضا ترددا ينبعث بقوة وإيجابية عندما يكون الإنسان موفور الصحة ولكن عندما يصاب بالمرض فان هذا التردد يصبح غير متوازن. بينما تقول النظرية الأخرى أن الأجزاء المختلفة من الجسم والحالات المرضية المتعددة تستجيب بصورة أفضل للألوان المختلفة، وعندما يكون الجسم عديم التوازن فانه يبحث بشكل طبيعي عن الألوان التي يحتاجها.

تفصيل اللوان:
الأحمر : الحرارة و علاج فقر الدم
البرتقالي: في علاج الاكتئاب و فتح الشهية

الأصفر : لعلاج أمراض الجهازالتنفسي والكبد وينشط الجهاز العصبي.
الأخضر : الطبيعة، الصحة، الحيوية،الابتهاج
الأزرق : البرد، الكآبة، و يخفض ضغط الدم و تصلب الشرايين
البنفسجي: للهدوء والاسترخاء.

[Ahmed Mohamed]

الصراحه الله ينور موضع رائع

حروح بقه ابص للون الازرق والبنفسجي شوية يمكن اخف هههههه

بس بجد تسلم ايدك علي الموضوع

[NOHA SHABAN]

الصراحه الله ينور موضع رائع

حروح بقه ابص للون الازرق والبنفسجي شوية يمكن اخف هههههه

بس بجد تسلم ايدك علي الموضوع

أن شاء الله يجيب معاك نتيجة بس مش تبص عليه لأ
ترتدى ملابس بالألوان دى وده عرفته من خلال برنامج مع الدكتورة مريم نور (دكتورة فى العلاج بالطب البديل)
وشكرا لمشاركتك رميو

[Ahmed Mohamed]

خلاص ماشي وتسلم ايدك مرة تانية علي الموضوع

[ميرا مار]

ههههههههههههههههههههههههههههههههههه
ليه كدا يا روميو ..لا اكتئاب بعد اليوم ..مع منتدى الرابطة ..امممممم مش عارفة

يانهى موضوع جميل
بس انا كنت سمعت قبل كدا ان الاحمر
لفتح الشهية وكل المطاعم المشهورة ملونى حياطينها باللون الاحمر

واللون الاخضر لعلاج الضغط النفسى والاكتئاب
ودى حقيقة بدليل اخرجى لاى مكان مفتوح مزروع هترتاحى لما تبصى للزرع الاخضر

انتى ايه رايك..
على فكرة انا بامووووووووووووووووووووووت وباعشق اللون الابيض
مالوش حاجة عندك دا ؟؟؟؟؟؟؟؟؟ ههههه

[Hassan Mohamed]

انا بحب اللون الازرق جدا

امممممممممممم ممكن عشان كده مش بيجيلي برد كتير

الله اعلم

موضوع جميل

[Mimi]

احنا درسنا في الكلية عن الالوان وفعلا اللون الاحمر والاصفر من الالوان المنشطة ودا واضح لو رحنا مثلا حضانة او مدرسة أطفال او مكان لعب للأطفال هنلاقيهم مستخدمين اللون الاحمر كتير

انا الاخضر والبنفسجي من الالوان المهدئة فعلا وتسبب الاسترخاء وبتعالج الالم والاكتئاب

انا عن اللون البرتقالي ياموها فهو اقوى من الاحمر في فتح الشهية وهتلاقي معظم مهندسي الديكور لما ييجو يصممو مطبخ هتلاقيهم ميالين اكتر للون البرتقالي

كنت عايزه اوضح ازاي الالوان بتأثر في نفسيتنا وفي سلوكنا

اللون عبارة عن طاقة مشعة يعني ليها تردد موجي ..في مستقبلات ضوئية في شبكة العين لكل واحد فينا بتستقبل التردد الموجي دا وبترجمة للون

شبكية العين فيها 3 الوان هيا الاخضر والاحمر والازرق ..باقي الالوان بتبقى ميكس من الالوان دي ..لما بتدخل طاقة الضوء للجسم فهي بتنبه الغدة النخامية والجسم الصنبوري في الدماغ ودا بيساعد على افراز هرمونات معينة بتسبب في حدوث مجموعة من العمليات الفسيولوجية وبالتالي السيطرة المباشرة على دماغنا وسلوكنا ومزاجنا :)

[Sara Gamal]

تسلم ايدك يانها على الموضوع الجميل ده

انا شخصيا بحب اللون الاخضر جدا خصوصا لون الزرع وكمان بحب الازرق الفاتح

[NOHA SHABAN]

احنا درسنا في الكلية عن الالوان وفعلا اللون الاحمر والاصفر من الالوان المنشطة ودا واضح لو رحنا مثلا حضانة او مدرسة أطفال او مكان لعب للأطفال هنلاقيهم مستخدمين اللون الاحمر كتير

انا الاخضر والبنفسجي من الالوان المهدئة فعلا وتسبب الاسترخاء وبتعالج الالم والاكتئاب

انا عن اللون البرتقالي ياموها فهو اقوى من الاحمر في فتح الشهية وهتلاقي معظم مهندسي الديكور لما ييجو يصممو مطبخ هتلاقيهم ميالين اكتر للون البرتقالي

كنت عايزه اوضح ازاي الالوان بتأثر في نفسيتنا وفي سلوكنا

اللون عبارة عن طاقة مشعة يعني ليها تردد موجي ..في مستقبلات ضوئية في شبكة العين لكل واحد فينا بتستقبل التردد الموجي دا وبترجمة للون

شبكية العين فيها 3 الوان هيا الاخضر والاحمر والازرق ..باقي الالوان بتبقى ميكس من الالوان دي ..لما بتدخل طاقة الضوء للجسم فهي بتنبه الغدة النخامية والجسم الصنبوري في الدماغ ودا بيساعد على افراز هرمونات معينة بتسبب في حدوث مجموعة من العمليات الفسيولوجية وبالتالي السيطرة المباشرة على دماغنا وسلوكنا ومزاجنا :)

شكرا لأضافتك ياجودى ولمشركتك

[NOHA SHABAN]

تسلم ايدك يانها على الموضوع الجميل ده

انا شخصيا بحب اللون الاخضر جدا خصوصا لون الزرع وكمان بحب الازرق الفاتح

اللون الأخضر من أحسن الألوان اللى بتهدى الأعصاب بدليل أن كثير من الأيات القرآنية تذكر اللون الأخضر كثيرا خاصة فى وصف الجنه