المتفائلون يكتئبون فى حالات البطالة

[Ahmed Mohamed]

المتفائلون يكتئبون فى حالات البطالة

تورنتو ـ وكالات: قال باحث كندى انه على الرغم من الاعتقاد السائد منذ فترة طويلة ان البعض يولدون متفائلين مهما كانت الظروف، إلاّ انه حتى المتفائل يكتئب عندما يكون يعانى من البطالة.

وأوضح أولريتش شيماك من جامعة تورنتو ويورغن شاب من جامعة برلين الحرة وغيرت فاغنر من جامعة برلين للتكنولوجيا انه بعدما كان سائداً بأن المتفائلين يتعافون بسهولة وسرعة من أى خيبة أمل أو حالة خوف، تبين انه حتى أولئك الذين يميلون على رؤية القسم المليء من الكأس إلاّ انه من الصعب عليهم رؤية الجانب الإيجابى من الأمور عندما يكونون دون وظيفة.

وقال شيماك ورفيقيه تقريرهم الذى نشر فى مجلة مؤشر البحث الاجتماعى "وجدنا ان بعض ظروف الحياة، مثل البطالة، تخلف أثراً كبيراً على الإنسان سواء كان متفائلاً أم لا".

يشار إلى ان الباحثين أجروا مقابلات وجمعوا بيانات عن أشخاص ألمان تتراوح أعمارهم بين 16 و94 سنة وتوصلوا إلى خلاصة مفادها ان المتفائل يواجه صعوبات أيضاً فى البقاء دون عمل.

فعلا يا جماعه مشكلة البطالة بقيت من المشكلات اللي الشاب بقه بيفكر فيها من قبل ما يتخرج لا وكمان من قبل ما يدخل كليه اصلا ...... الشباب كلهم اصبحوا معقدين بسبب هذه المشكلة

[منمونة الدلوعة]

توبيك جامد اوى يا احمد
وفعلا مشكله صعبه اوى

وكتير اوى بيعانو منها وربنا مع الكل بقى

[Hassan Mohamed]

بص يا احمد ...

انا مش هنكر الظروف السيئة اللي بنمر بيها في مجتمعنا العربي وبالتحديد المصري من ان الشباب معظمهم مش لاقيين شغل ومش هدافع عن الحكومة اللي مش قادرة توفر للشباب فرص عمل وده بيدعوهم للهروب للخارج

بس لازم نكون مؤمنين بأن من جد وجد

اللي بيتعب بيلاقي يا احمد وبيأخد علي قد تعبة

لازم يكون جوة كل شاب منا طموح وهدف عاوز يحققة ودايما يكون بيسعي ليه مش مجرد انه يقف ويستني الهدف ده يجيله لحد عندو

وكمان احنا مش بنفكر في تطوير نفسنا ابدا وان احنا نخلق فرص عمل لنفسنا تتناسب مع امكانيات كل شاب فينا

ان شايف ان لازم يكون فيه موضوع هنا نناقش فيه القضية دي مش مناقشة بس لا ونقول حلول للمشكلة دي كمان من وجهه نظر كل واحد فينا

[ميرا مار]

طيب ماهو الموضوع دا مناسب جدا خلاص احنا نخليه دعوة من احمد لمناقشة اسباب البطالة
وطرق مواجهتها ولعل وجهات النظر تلاقى حل للمشكلة...

طبعا يا احمد موضوع مهم جدا جدا وانت فعلا وضعت ايدك على نقطة مهمة
بنقل الدراسة دى
والله حقيقة جامدة
تعرف انى من الناس دى ..
انا اعتبر من الناس المتفائلة جدا ..
بس زى اى حد بتجيلى ساعات اكتئاب فظيعة
تعرف ليا و احدة صاحبتى من ثانوى ..
وانا باشتغل من وانا فى الكلية..
المهم مرة من ضمن المرات اللى انا كنت حزينة فيها
نورا صاحبتى قالتلى
والله عشان مش بتشتغلى
انا عرفتك فى كل الظروف وعمرى ماشوفتك اكتر سعادة غير وانتى بتشتغلى..
شكرا احمد موضوع مهم جدا
ودى دعوة لمناقشة البطالة

[Mimi]

انا شايفة اننا لما نيجي ندور على حلول منفكرش فيها من ناحية فردية يعني نحاول نقدم حلول ذكية تربط بين المجتمع والدولة ( الاقتصاد والسياسة )

بس الاول احب اشكر أحمد على طرح الموضوع دا واشكر حسن انه حوله لمناقشة

من وجهة نظري الحلول تتلخص في الآتي

1 - اول حل ييجي من الهيئات التعليمية في مصر ، لان بيكون في فجوة كبيرة بين الحاجات اللي بتتاخد في المدرسة وبين الاعمال اللي في المجتمع فلازم الطلبة يكونو على دراية وعلم بالمهن والوظائف ومجالاتها المختلفة

2 - بدل ما فلوسنا كلها رايحة على انشاء مدن جديدة وقرى سياحية جديدة ما يبنو بيها مدارس او مصانع او مستشفيات ..الا ما في قرية سياحية او مدينة جديدة خلصت بيبدؤو في واحدة وميكملوش ويبدؤو في التانية

3 - مش لازم نحط الملامة على الدولة لوحدها ..كمان لازم نوجه حلولنا لبعض الافراد زي رجال الاعمال اللي يقدرو يفرو فرص عمل كتير بالمشاريع اللي بيعملوها

4 - لازم الشباب والبنات يبدؤو بتعلم الحرف اليدوية لان في اعتقادهم دايما ان اعمال المكاتب هي اعظم الاعمال واكيد مش هتكون حياته كلها كدا بس هتكون سلمة اولى لتطوير نفسه

وشكرآ

[ميرا مار]

والله يا جودى كلامك منطقى وموضوعى جميل
المفروض يؤخذ فى الاعتبار

[محمود ابوالمجد]

بصوا يا جماعة فعلا من جد وجد يعني انا هحكلكم حكايتي انا شخصيا اوكي
اول ما امتحانات سنة ربعة خالصت وقبل النتيجة الحمد لله جالي شغل وخلاص هسافر تاني يوم باليل دخلت المستشفي قعدت فيها 3 ايام وطبعا طلعت لازم اخد فترة نقاهة وبمجرد فترة النقاهة مخلصت واتصلت بالراجل واشتريت الحاجة الي مسافر بيها وحضرت الشنطة ونزل علي السلم وقعت ورجلي جالي تهتك في الاربطة وبرضه مسفرتش وبكده الحوار مع الارجل طبعا اتقفل خالص قولت الحمد لله
تاني شغلانة كانت يوم 13/7 خلاص اتكلمنا مع الراجل انا واحمد صحبي الله يرحمه والمفروض كنت انا وهو عندنا انترفيو يوم 17/7 والله يرحمه اتوفي يوم 16/7 وطبعا كل الحوار باظ لاني مكنتش فايق افكر انا لبس ايه اساسا مش افكر في شغل قولت برضه الحمد لله
اخر بقي ميعاد شغل كان مع مهندس ولبست البدالة خلاص والله بنت خلتي اتصلت بيا قالتي انهم عملين حادثة طبعا مش هفكر في ميعاد رحتلهم علي طول وكبرت من الراجل وقولت الحمد لله
والحمد لله بعدها بفترة بسيطة ربنا كرمني بشغل ورحته وفعلا كنت فيه مهندس مساحة عادي وقعدت بالضبط شهر ونص بعد كده خلاني صاحب المكتب في الاستشارات المساحية يعني كده ترقية
بجد الي ساعدني اني كنت واثق من ربنا وانه هيعوضني مش معقول تعبت 4 سنين وبطلع من الاوائل مش هلاقي شغل ثانيا كنت واثق الحمد لله من نفسي بجد يا جماعة الرزق عند ربنا كاتبة لو زعلت ولا استعجلت هيجي برضه في ميعاده فا ليه تزعل ربنا منك ارضي واعمل الي عليك

[ميرا مار]

ربنا يكرمك ي بشمهندس
بس انتو بالنسبة لكم فى فرص عمل متوفرة نوعا ما
فى ناس تانية مالهومش مجال عمل
ايه رايك ايه الحل؟

[محمود ابوالمجد]

طبعا كله متفق معايا ان ربنا قال سبحانه وتعالي وفي السماء رزقككم تمام يعني ربنا كاتب الرزق واجر يا ابن ادم جري الوحوش كل ده اتعمنه ولو اشتغلنا بيه هنستريح اهم حاغجة بس الواحد يفكر في قدراته ويثق في ربنا وفي نفسه ويوظف قدراته صح ويعمل الي عليه وربنا ان شاء الله مش هسني عبد من عباده يا جماعة فبرضه هقول بلاش نضجر عشان ضجرنا ده مش هيغير شيء لو هيعغير هيغير للاوحش

[Mimi]

بصراحة انبهرت بحكايتك ياباش مهندس محمود واستفدت منها كتير

وبعيد يامها عن نوع او مجال الشغل هو المبدأ نفسه اننا نثق في اللي كاتبهولنا ربنا

ونبص دايمآ للمواقف اللي بنترعضلها بنظرة ايجابية ونحاول نشوف اوجه الاستفادة منها

شكرا جدآ باش مهندس اتعلمت منك دروس كتير